ကမ္ဘာ့ဖလားပြိုင်ပွဲတွင် လူကျွံဘောဖမ်းနည်းပညာသစ် အသုံးပြုလာမည်
=====================
ဖီဖာဟာ ၂၀၂၆ ကမ္ဘာ့ဖလားပြိုင်ပွဲတွင် လူကျွံဘောဖမ်းနည်းပညာသစ် အသုံးပြုလာမှာ ဖြစ်ပါမယ်။
ဖီဖာဟာ VAR ဒိုင်များအတွက် အလိုအလျှောက်လူကျွံဘောဖမ်းနည်းပညာ အသုံးပြုလာမှာ ဖြစ်ပါတယ်။ ယင်းနည်းပညာကြောင့် စည်းကြပ်ဒိုင်များအနေဖြင့် ဆုံးဖြတ်ချက်အလျှင်အမြန် ချမှတ်လာနိုင်မှာ ဖြစ်ကာ လူကျွံဘောအမြန်အလံထောင်လာနိုင်ပါမယ်။
ယင်းစနစ်က ကစားသမားတစ်ဦး ၁၀ စီတီမီတာ လူကျွံနေရုံဖြင့် စည်းကြပ်ဒိုင်ထံသို့ အချက်ပေး အသံပေးပို့လာမှာလည်း ဖြစ်ပါတယ်။
ယခင် ကလပ်ကမ္ဘာ့ဖလားပြိုင်ပွဲတုန်းက အသုံးပြုခဲ့တဲ့ နည်းပညာတုန်းက ကစားသမား ၅၀ စင်တီမီတာ ကျွံမှုကိုသာ တိုင်းတာနိုင်ခဲ့တာ ဖြစ်ပါတယ်။
တဖက်တွင် ကမ္ဘာ့ဖလားတွင် အသုံးပြုလာမဲ့ အလိုအလျှောက်လူကျွံဘောဖမ်းနည်းပညာမှာ ပြီးပြည့်စုံခြင်း မရှိသေးဘဲ လူကျွံအနေအထားတွင်သာ အသုံးပြုနိုင်တာပါ။
ဒါကြောင့်လည်း VAR အနေဖြင့် လူကျွံကစားသမားက ဘောလုံးကို ထိခြင်းမရှိဘဲ ကစားကွက်တွင် ပါဝင်ပတ်သက်ခြင်း ရှိ/မရှိကို စစ်ဆေးမှုများ ပြုလုပ်လာရပါဦးမယ်။
တဖက်တွင် ဖီဖာဟာ ယခုကဲ့သို့ နည်းပညာသစ် အသုံးပြုလာမှုနှင့်အတူ အချို့အဖြစ်အပျက်များတွင် VAR သုံး စစ်ဆေးတဲ့အထိ စောင့်ဆိုင်းရန် မလိုတော့ဘဲ စောစောစီးစီး လူကျွံဘောဖမ်းနိုင်မှုကြောင့် ပွဲရပ်ဆိုင်းရချိန်ကို လျှော့ချလာနိုင်မယ်လို့ ယုံကြည်နေပါတယ်။
တဖက်တွင် ဖီဖာဟာ ဘောလုံး ကွင်းစည်းကျော်/မကျော် စစ်ဆေးနိုင်တဲ့ နည်းပညာ အသုံးပြုရန်လည်း ခွင့်ပြုချက်ပေးလာပါတယ်။
ယင်းနည်းပ့ညာက ဂိုးလိုင်းနည်းပညာကဲ့သို့ပင် ဘောလုံး ကွင်းစည်းကျော်/မကျော်ကို 3D ပုံ ဖမ်းဆီးပေးနိုင်ပါတယ်။ ယင်း Chip ကို ဘောလုံးအတွင်းတွင် ထည့်သွင်းလာမှာ ဖြစ်ပြီး ယခုစနစ်ကြောင့် VAR အနေဖြင့် ထောင့်ကန်ဘောဆုံးဖြတ်ရာတွင်လည်း အထောက်အကူ ဖြစ်လာပါမယ်။
