အပူကို ရင်ဆိုင်ရန် အင်္ဂလန်ကစားသမားများ အသင့်ဖြစ်နေရမယ်လို့ ဟင်ဒါဆင် ပြောကြားလာ
=====================

ဂျော်ဒန်ဟင်ဒါဆင်က အင်္ဂလန်ကစားသမားများအား ကမ္ဘာ့ဖလားပြိုင်ပွဲအတွင်းတွင် အပူချိန်ကို ကြံ့ကြံ့ခံနိုင်ရေး အဆင်သင့် ပြင်ထားကြရန် တိုက်တွန်း ပြောကြားလာပါတယ်။
အင်္ဂလန်အသင်းသားအများစုဟာ လာမဲ့အပတ် ကမ္ဘာ့ဖလားမစတင်မီ တနင်္လာနေ့ကတည်းက ဖလိုရီဒါသို့ ရောက်ရှိကာ အပူချိန်အောက်တွင် စတင်စခန်းသွင်းလေ့ကျင့်လာကြပါတယ်။
အင်္ဂလန်အသင်းသားတို့ဟာ အင်္ဂါနေ့တုန်းက West Palm Beach တွင် အပူချိန် 32C အောက်တွင် စတင်လေ့ကျင့်ခန်းဆင်းခဲ့ကြပါတယ်။
အစောပိုင်းလေ့လာမှုများအရ ကမ္ဘာ့ဖလားပွဲအားလုံးရဲ့ လေးပုံတစ်ပုံခန့်မှာ အပူချိန် 26C အထက်တွင် ကစားလာရမှာ ဖြစ်ကြောင်း ခန့်မှန်းထားကြပါတယ်။
အင်္ဂလန်နည်းပြသောမတ်စ်တူချယ်ဟာ အစောပိုင်းကတည်းက အင်္ဂလန်ကစားသမားများအား အမေရိကန်ရဲ့အပူချိန်နှင့် အချိန်ဇုန်တွင် အသားကျစေရန်အတွက် အမေရိကန်သို့ အားလပ်ရက်ခရီးထွက်ကြရန် အကြံပေးခဲ့ပါတယ်။
အင်္ဂလန်တိုက်စစ်မှူးမားကပ်စ်ရက်ဖို့ဒ်မှာ အစောပိုင်းကတည်းက အမေရိကန်သို့ ရောက်ရှိကာ အပန်းဖြေရင်း လေ့ကျင့်ခန်းဆင်းလာပါတယ်။
အင်္ဂလန်နှင့်အတူ ၇ ကြိမ်မြောက် နိုင်ငံတကာပြိုင်ပွဲ ကစားလာမဲ့ ဟင်ဒါဆင်က "ဒီလိုအခြေအနေတွေကို ရင်ဆိုင်နိုင်ဖို့ ကိုယ့်ကိုယ်ကို တည်ဆောက်ထားရမယ်။ ကိုယ်ကစားရမဲ့ နိုင်ငံအပေါ် မူတည်နေတာ သိပါတယ်။ အားလုံး ကွဲပြားနေနိုင်တာကြောင့် အသားကျဖို့ အရမ်းခက်တယ်။ ဒါပေမဲ့ အသားကျဖို့ ကိုယ့်ခံနိုင်ရည်ဖြည့်ဖို့ တစ်ပတ်အချိန်ရပါတယ်။ ခြေစမ်းပွဲတွေကလည်း ဒါတွေအတွက် ကောင်းမွန်လာစေပါတယ်။ အသင်းရဲ့နောက်ကွယ်မှာ အရမ်းကောင်းတဲ့ အသင်းတစ်သင်းရှိတယ်။ သူတို့ရဲ့ ပြန်လည်အားပြည်ရေး၊ ခန္ဓာကိုယ်အေးရေး စတဲ့ စူစမ်းရှာဖွေမှုတွေက တကယ့် ထိပ်တန်းအဆင့်မှာ ရှိပါတယ်။ ဒါတွေက ဒီပြိုင်ပွဲမှာ ပြိုင်ဘက်တွေအတွက် နာတစ်ဖျားအသာစီး ရလာစေဖို့ မျှော်လင့်ပါတယ်။ တဖက်မှာ ကျွန်တော်တို့အနေနဲ့ ပြိုင်ပွဲအပေါ်မှာပဲ အပြည့်အဝ အာရုံစိုက်လာနိုင်စေပါတယ်"လို့ ပြောကြားသွားပါတယ်။
အင်္ဂလန်ဟာ ဇွန်လ ၁၇ ရက်နေ့တွင် တက္ကဆက်တွင် ခရိုအေးရှားနှင့် အုပ်စုအဖွင့်ပွဲ ကစားရပါမယ်။
ပြီးလျှင် ၎င်းတို့ဟာ ဇွန်လ ၂၃ ရက်နေ့တွင် မက်ဆာချူးဆက်တွင် ဂါနာနှင့်လည်းကောင်း၊ ဇွန်လ ၂၇ ရက်နေ့တွင် နယူးဂျာစီမှာ ပနားမားနှင့်လည်းကောင်း ရင်ဆိုင်ကစားရပါမယ်။