ချန်ပီယံလိဂ်ဗိုလ်လုပွဲမှာ ပယ်နယ်တီလွဲခဲ့ပြီးနောက် ဂါဘရီယဲလ်ရဲ့ဂျာစီ ရောင်းအား(၃၅၀)ရာခိုင်နှုန်းအထိ မြင့်တက်ခဲ့
အာဆင်နယ်နောက်ခံလူ ဂါဘရီယဲလ်ဟာ မေ(၃၀)ရက်က ယှဉ်ပြိုင်ခဲ့တဲ့ ချန်ပီယံလိဂ်ဗိုလ်လုပွဲမှာ ပယ်နယ်တီလွဲချော်ခဲ့ပြီးနောက် သူ့နာမည်နဲ့ ကျောနံပါတ်ပါဝင်တဲ့ အာဆင်နယ်ဂျာစီတွေ ရောင်းအား(၃၅၀)ရာခိုင်နှုန်းအထိ မြင့်တက်ခဲ့ကြောင်း သိရပါတယ်။
အာဆင်နယ်အသင်းရဲ့ ဦးဆောင်ကစားသမားတစ်ဦးဖြစ်တဲ့ ဂါဘရီယဲလ်က ချန်ပီယံလိဂ်ဗိုလ်လုပွဲမှာ (၅)လုံးမြောက် အဆုံးအဖြတ်ပယ်နယ်တီကို ကန်ခဲ့တာဖြစ်ပြီး ဂိုးပေါက်နဲ့ လွဲခဲ့တာကြောင့် အာဆင်နယ်အသင်း ရှုံးပွဲကြုံတွေ့ခဲ့တာပါ။
ဒါပေမဲ့ အာဆင်နယ်ပရိသတ်တွေက သူ့ကို အပြစ်မတင်ခဲ့ကြဘဲ နှစ်သိမ့်အားပေးကြောင်း ပြသတဲ့အနေနဲ့ သူ့ရဲ့ဂျာစီတွေကို ဝယ်ယူခဲ့တာကြောင့် ချန်ပီယံလိဂ်ဗိုလ်လုပွဲမတိုင်ခင် ရောင်းချခဲ့ရတဲ့နှုန်းထားထက် (၃၅၀)ရာခိုင်နှုန်း မြင့်တက်ခဲ့ခြင်းဖြစ်ကြောင်း သိရပါတယ်။
ဒါ့အပြင် အာဆင်နယ်အသင်းရဲ့ ဂျာစီတွေထဲမှာ ဂါဘရီယဲလ်အမည်ပါဂျာစီက အရေအတွက်အများဆုံး ရောင်းချရတဲ့ဂျာစီ ဖြစ်လာခဲ့ကြောင်းလည်း သိရပါတယ်။
ဘရာဇီးလ်နောက်ခံလူ ဂါဘရီယဲလ်(၂၈ နှစ်)ဟာ ၂၀၂၀ နွေရာသီမှာ လိုင်လီကနေ အာဆင်နယ်ကို ပေါင်(၂၇)သန်းနဲ့ ပြောင်းရွှေ့လာသူဖြစ်ပြီး အာဆင်နယ်အသင်းအတွက် ပြိုင်ပွဲစုံ(၂၆၁)ပွဲကစားပြီး (၂၄)ဂိုး သွင်းယူပေးထားပါတယ်။
