ပရီးမီးယားလိဂ်တစ်ရာသီအတွင်း ဖန်တီးမှုအများဆုံးစံချန် ရေးထိုးလာတဲ့ ဘရူနိုဖာနန်ဒက်စ်
=======================
ဘရူနိုဖာနန်ဒက်စ်ဟာ ပရီးမီးယားလိဂ်တစ်ရာသီအတွင်း ဖန်တီးမှုအများဆုံးစံချန်သစ်ရေးထိုးလာနိုင်ခဲ့ပြီ ဖြစ်ပါတယ်။
ယူနိုက်တက်ကွင်းလယ်ဖန်တီးရှင်ဟာ တနင်္ဂနွေနေ့ညတုန်းက ပရီးမီးယားလိဂ်ရာသီသိမ်းပွဲတွင် ဘရိုက်တန်အား ၃-၀ ဖြင့် အနိုင်ရတဲ့ပွဲမှာ ပက်ထရစ်ဒေါ်ဂူးရဲ့ အဖွင့်ဂိုးသွင်းနိုင်အောင် ဖန်တီးမှု ပြုလုပ်နိုင်ပြီးနောက် ပရီးမီးယားလိဂ်တစ်ရာသီအတွင်း ဖန်တီးမှုအများဆုံးစံချိန်ရေးထိုးလာတာလည်း ဖြစ်ပါတယ်။
ဘရူနိုဖာနန်ဒက်စ်ရဲ့ ၃၃ မိနစ် ထောင့်ကန်ဘောကနေ ပက်ထရစ်ဒေါ်ဂူးက ခေါင်းတို်ကသွင်းယူခဲ့တာ ဖြစ်ပြီး ၂၁ ကြိမ်ဖြင့် ပရီးမီးယားလိဂ်တစ်ရာသီအတွင်း ဖန်တီးမှု အများဆုံးစံချိန်သစ် ရေးထိုးလာတာလည်း ဖြစ်ပါတယ်။
ဖာနန်ဒက်စ်ဟာ ပရီးမီးယားလိဂ်တစ်ရာသီအတွင်း ဖန်တီးမှုအများဆုံးအဖြစ် အကြိမ် ၂၀ ဖြင့် ကီဗင်ဒီဘရိုင်း၊ သီယာရီဟင်နရီတို့ရဲ့ စံချိန်ကို လိုက်မီထားခဲ့ပြီး ဖြစ်ပါတယ်။
ဒါပေမဲ့ ပေါ်တူဂီလက်ရွေးစင်ဟာ ၂၁ ကြိမ် မြောက် ဖန်တီးမှု ပြုလုပ်လာမှုနှင့်အတူ ပရီးမီးယားလိဂ်သမိုင်းတွင် တစ်ရာသီအတွင်း ဖန်တီးမှုအများဆုံးစံချိန်သစ်ကို ရေးထိုးလာပြီလည်း ဖြစ်ပါတယ်။
ဘရူနိုဖာနန်ဒက်စ်ဟာ ဘရိုက်တန်အား အနိုင်ရတဲ့ ရာသီသိမ်းပွဲတွင် ဖန်တီးမှု ပြုလုပ်ခဲ့သလို ကိုယ်တိုင်လည်း ဂိုးသွင်းခဲ့ပါသေးတယ်။
သူဟာ ယခုရာသီတွင် ယူနိုက်တက်အား အဆင့် ၃ နေရာတွင် ရပ်တည်နိုင်အောင် စွမ်းဆောင်ထားနိုင်ပြီးနောက် ပရီးမီးယားလိဂ်တစ်နှစ်တာအကောင်းဆုံးကစားသမားဆုနှင့် ဘောလုံးကလောင်ရှင်များရဲ့ တစ်နှစ်တာအကောင်းဆုံးကစားသမားဆုတို့ကိုလည်း ဆွတ်ခူးသလို PFA တစ်နှစ်တာအကောင်းဆုံးကစားသမားဆုကို ဆွတ်ခူးရန်လည်း ရေပန်းစားနေပါတယ်။
ယခုရာသီ ပရီးမီးယားလိဂ်တွင် ဘရူနိုဖာနန်ဒက်စ်ရဲ့ ဖန်တီးမှုအား ဂိုးအဖြစ် ပြောင်းလဲမှုအများဆုံးအဖြစ် ကက်စ်မီရိုက ၆ ဂိုးဖြင့် ရပ်တည်နေပြီး ဆက်စ်ကိုအတွက် ၄ ကြိမ်၊ မားသီးယပ်စ်ကန်ညာ၊ ဒေါ်ဂူ၊ အမ်ဘူမို၊ မေဆာင်မောင့်တို့အတွက် ၂ ကြိမ်စီ အသီးသီး ဖန်တီးထားခဲ့ပါတယ်။
