နွေရာသီတွင် အသက် ၃၀ နှစ်အရွယ်မှာပဲ ကစားသမားဘဝမှ အနားယူလာတော့မဲ့ ဂျာမန်နောက်ခံလူဆူးလ်
====================

ဒေါ့မွန်ရဲ့နစ်ကလပ်စ်ဆူးလ်ဟာ နွေရာသီတွင် အသက် ၃၀ နှစ်အရွယ်မှာပဲ ကစားသမားဘဝမှ အနားယူရန် ရွေးချယ်လာပြီ ဖြစ်ပါတယ်။
ဂျာမနီလက်ရွေးစင်နောက်ခံလူဟာ ပြီးခဲ့တဲ့လတုန်းက ဟော်ဖန်ဟိမ်းအား ရှုံးနိမ့်တဲ့ပွဲစဉ်တွင် ဒူးအရွတ်ဒဏ်ရာရရှိလာခဲ့တာဖြစ်ပြီး ကစားသမားဘဝအတွင်း သုံးကြိမ်မြောက် ဒူးအရွတ်ဒဏ်ရာရရှိခဲ့တာပါ။
သူဟာ ပြင်းထန်ဒူးအရွတ်ဒဏ်ရာရရှိလာခဲ့ခြင်း မရှိပေမဲ့လည်း နောက်ထပ် ပြင်းထန်ဒဏ်ရာရရှိမှုမှ ရှောင်ရှားနိုင်ရန်အတွက် ကစားသမားဘဝမှ အနားယူရန် ရွေးချယ်လာတာလည်း ဖြစ်ပါတယ်။
ဘိုင်ယန်မြူးနစ်နှင့် ဟော်ဖန်ဟိမ်းနောက်ခံလူဟောင်းဟာ ဇွန်လ ၃၀ ရက်နေ့တွင် ဒေါ့မွန်နှင့် စာချုပ်သက်တမ်းကုန်ဆုံးချိန်မှာတော့ ကစားသမားဘဝမှ အနားယူလာမှာလည်း ဖြစ်ပါတယ်။
ဒူးဒဏ်ရာစစ်ဆေးပြီးချိန်နှင့်ပတ်သက်ပြီး Spielmacher podcast အစီအစဉ်တွင် ဆူးလ်က ရေချိုးခန်းထဲဝင်ကာ ၁၀ မိနစ်ခန့် ငိုကြွေးခဲ့ကြောင်း ဖွင့်ဟထားပါတယ်။
ဆက်လက်ပြီး ၎င်းက "အဲဒီတုန်းက အရွတ်စုတ်သွားတယ်လို့ ထင်ထားခဲ့တယ်။ နောက်တစ်နေ့ MRI သွားစစ်တယ်။ သတင်းကောင်းကြားခဲ့ရတယ်( အရွတ်ဒဏ်ရာမဟုတ်မှန်း)။ ဒါက ကျွန်တော့်အတွက် ပြီးဆုံးသွားပြီဆိုတာ ၁၀၀၀ ရာခိုင်နှုန်းသေချာသွားခဲ့တယ်။ နောက်ပိုင်းအချိန်မှာ တကယ်မျှော်လင့်တာထက် ပိုဆိုးတဲ့အရာကို စိတ်ကူးလို့တောင် မရပါဘူး။ လွတ်လွတ်လပ်လပ်နေမယ်၊ ခရီးသွားမယ်၊ ကလေးတွေနဲ့ အချိန်ကုန်မယ်၊ ဒါပေမဲ့ တတိယမြောက် ဒူးအရွတ်ဒဏ်ရာကောင်းမွန်ရေးလည်း ဆက်လုပ်မယ်"လို့ ပြောကြားသွားပါတယ်။
ဆူးလ်ဟာ ဘိုင်ယန်မြူးနစ်နှင့်အတူ ဘွန်ဒက်စ်လီဂါဖလား ၅ ကြိမ် ဆွတ်ခူးခဲ့ပြီး ချန်ပီယံလိဂ်ဖလားလည်း ဆွတ်ခူးခဲ့ကာ ၂၀၂၂ ခုနှစ်တွင် ဒေါ့မွန်သို့ ရောက်လာသူ ဖြစ်ပါတယ်။
သူဟာ ဂျာမနီအတွက် ၄၉ ပွဲကစားခဲ့ကာ ကမ္ဘာ့ဖလား ၁ကြိမ်ကစားခဲ့ကာ ၂၀၁၇ ခုနှစ် တိုက်ကြီးများဖလား ဆွတ်ခူးနိုင်ခဲ့ပါတယ်။