တိုင်းနဲ့ ပြည်နယ် လွှတ်တော်အသီးသီးက ရွေးချယ်ခံရတဲ့ လွှတ်တော် ဥက္ကဋ္ဌနဲ့ ဒုတိယ ဥက္ကဋ္ဌ များစာရင်း

တတိယအကြိမ် တိုင်းဒေသကြီးလွှတ်တော်နဲ့ ပြည်နယ်လွှတ် တော်တွေမှာ ဒီကနေ့ မတ်လ ၂၀ ရက်နေ့မနက် ၁၀ နာရီကပထမနေ့ ပုံမှန်းအစည်းအဝေးကျင်းပခဲ့ပြီး ဥက္ကဋ္ဌနဲ့ ဒုတိယဥက္ကဋ္ဌတို့ကို ရွေးချယ်တင်မြှောက်ခဲ့ကြပါတယ်။

မန္တလေးတိုင်းဒေသကြီးလွှတ်တော် ဥက္ကဋ္ဌ အဖြစ် USDP ပါတီ ပါတီဗဟိုအလုပ်အမှုဆောင်၊ မန္တလေးတိုင်းဒေသကြီး ပါတီဥက္ကဋ္ဌ၊ မိတ္ထီလာမြို့ မဲဆန္ဒနယ်၊ တိုင်းဒေသကြီးလွှတ်တော်ကိုယ်စားလှယ် ဦးအောင်ကျော်မိုး တဦးတည်းကိုသာ အမည်စာရင်းတင်သွင်းခဲ့ပြီး ရွေးချယ်တင်မြှောက်ခဲ့တာဖြစ်ပါတယ်။ဒုတိယဥက္ကဋ္ဌ အဖြစ် ရမည်းသင်းမြို့နယ်၊ ကိုယ်စားလှယ် အမှတ် ၁ ဦးကျော်မြင့် တဦးတည်းကိုသာ အမည်စာရင်းတင်သွင်းခဲ့ပြီး ရွေးချယ်တင်မြှောက်ခဲ့တာဖြစ်ပါတယ်။

ရန်ကုန်တိုင်းဒေသကြီးလွှတ်တော် ဥက္ကဋ္ဌအဖြစ် သာကေတ မဲဆန္ဒနယ်အမှတ်(၁)က တိုင်းဒေသ ကြီးလွှတ်တော်ကိုယ်စား လှယ် ဦးဌေးအောင် တင်မြှောက်ခံရပါတယ်။ ဒုတိယဥက္ကဋ္ဌအဖြစ် မြောက်ဥက္ကလာပ မဲဆန္ဒနယ်အမှတ်(၁) တိုင်းဒေသကြီး လွှတ်တော်ကိုယ်စားလှယ် ဦးကျော်ကျော်စိုး တင်မြှေက်ခံရပါတယ်။

ပဲခူးတိုင်းဒေသကြီးလွှတ်တော်ဥက္ကဋ္ဌအဖြစ် ပြည်မြို့နယ်၊မဲဆန္ဒ နယ်အမှတ်(၁) လွှတ်တော် ကိုယ်စားလှယ် ဦးအောင်ချိုဦးကို ရွေးချယ်တင်မြှောက်ခဲ့ကြပါတယ်။ ဒုတိယဥက္ကဋ္ဌအဖြစ် ဖြူးမြို့နယ်မဲဆန္ဒနယ်အမှတ်(၂) လွှတ်တော်ကိုယ်စားလှယ် ဦးကျော်ဌေးကို တင်မြှောက်ခဲ့ကြပါတယ်။

မကွေးတိုင်းဒေသကြီး လွှတ်တော်ဥက္ကဋ္ဌအဖြစ် မကွေးမြို့နယ်မဲဆန္ဒနယ်အမှတ်(၁)က တိုင်းဒေသကြီး လွှတ်တော်ကိုယ်စား လှယ် ဒေါက်တာမောင်မောင်ဌေးကို ရွေးချယ်တင်မြှောက်ခဲ့ပြီး ဒုတိယလွှတ်တော်ဥက္ကဋ္ဌအဖြစ် ပခုက္ကူ မြို့နယ် မဲဆန္ဒနယ်အမှတ်(၂)က လွှတ်တော်ကိုယ်စားလှယ် ဦးခင်မောင်ညိုကို ရွေးချယ်တင်မြောက်ခဲ့ပါတယ်။

စစ်ကိုင်းတိုင်းဒေသကြီးလွှတ်တော်ဥက္ကဋ္ဌအဖြစ် မုံရွာမဲဆန္ဒနယ်အမှတ်(၂) တိုင်းဒေသကြီးလွှတ်တော် ကိုယ်စားလှယ် ဦးတင့်လှိုင်မြင့် တင်မြှောက်ခံရပါတယ်။ ဒုတိယဥက္ကဋ္ဌအဖြစ် ကန့်ဘလူမဲဆန္ဒယ်အမှတ်(၂) တိုင်းဒေသကြီး လွှတ်တော် ကိုယ်စားလှယ် ဦးမျိုးသန့်က တင်မြှောက်ခံရတာ ဖြစ်ပါတယ်။

ဧရာဝတီတိုင်းဒေသကြီး လွှတ်တော်ဥက္ကဋ္ဌ အဖြစ် ဦးသိန်းထွန်း၊ ဒုတိယဥက္ကဋ္ဌအဖြစ် ဦးသက်နိုင်ဦး တို့ကို ရွေးချယ်တင်မြှောက်ခဲ့ပါတယ်။

တနင်္သာရီတိုင်းလွှတ်တော် ဥက္ကဋ္ဌအဖြစ် လက်ရှိ ဝန်ကြီးချုပ်အဖြစ် တာဝန်ယူထားတဲ့ ဦးမြတ်ကို ရွေးချယ်ခဲ့ခြင်း ဖြစ်သည်။ လွှတ်တော်ဒုဥက္ကဋ္ဌအဖြစ် သယံဇာတရေးရာတိုင်းဝန်ကြီး ဦးခင်မောင်မြင့်ကို တိုင်းလွှတ်တော်ဒုဥက္ကဋ္ဌအဖြစ် ရွေးချယ်ခဲ့ပါတယ်။

ရခိုင်ပြည်နယ်လွှတ်တော်ဥက္ကဋ္ဌအဖြစ် စစ်တွေမဲဆန္ဒနယ်အမှတ် (၂)က ဒေါက်တာစန်းရွှေ တင်မြှောက်ခံရပါတယ်။ရခိုင်ပြည်နယ်လွှတ်တော်ဒုတိယဥက္ကဋ္ဌအဖြစ် ရခိုင်ပြည်နယ် မြေပုံမဲဆန္ဒနယ်အမှတ်(၂)က ပြည်နယ်လွှတ်တော်ကိုယ်စားလှယ် ဒေါက်တာထင်လင်းဦးကို တင်မြှောက်ခဲ့ကြပါတယ်။

ကချင်ပြည်နယ် လွှတ်တော်ဥက္ကဋ္ဌအဖြစ် ဦး ရာဝမ်ဂျုံး၊ ဒုတိယဥက္ကဋ္ဌ ဦးသိန်းထွန်းအေး တို့ကို ရွေးချယ်တင်မြှောက်ခဲ့ပါတယ်။

ကယားပြည်နယ်လွှတ်တော် ဥက္ကဋ္ဌအဖြစ် ဦးမော်ရယ်၊ ဒုတိယဥက္ကဋ္ဌအဖြစ် ဦးစိုးရယ် တို့ကို ရွေးချယ်တင်မြှောက်ခဲ့ပါတယ်။

ကရင်ပြည်နယ် လွှတ်တော်ဥက္ကဋ္ဌအဖြစ် ဦးစန်းကို၊ ဒုတိယဥက္ကဋ္ဌအဖြစ် ဦးအေးမင်းထွေး တို့ကို ရွေးချယ်တင်မြှောက်ခဲ့ပါတယ်။

ချင်းပြည်နယ်လွှတ်တော် ဥက္ကဋ္ဌအဖြစ် ဦးကောလ်လျန်ထန်း၊ ဒုတိယဥက္ကဋ္ဌအဖြစ် ဦးသန့်ဇင်ဦး တို့ကို ရွေးချယ်တင်မြှောက်ခဲ့ပါတယ်။

မွန်ပြည်နယ်လွှတ်တော် ဥက္ကဋ္ဌအဖြစ် ဦးသက်ထွေး၊ ဒုတိယဥက္ကဋ္ဌ အဖြစ် ဦးမင်းအောင်မြင့် တို့ကို ရွေးချယ်တင်မြှောက်ခဲ့ပါတယ်။

ရှမ်းပြည်နယ်လွှတ်တော် ဥက္ကဋ္ဌအဖြစ် ဦးစိုင်းလုံးကျော်၊ ဒုတိယဥက္ကဋ္ဌအဖြစ် ဦးစိုင်းထွန်းစိန် တို့ကို ရွေးချယ်တင်မြှောက်ခဲ့ပါတယ်။

ဒီကနေ့ ရွေးကောက်တင်မြှောက်ခဲ့ကြတဲ့ လွှတ်တော် ဥက္ကဋ္ဌနဲ့ ဒုတိယဥက္ကဋ္ဌ တွေဟာ အများစုက ပြည်နယ်နဲ့ တိုင်း ဒေသကြီးက USDP ပါတီ ဥက္ကဋ္ဌတွေဖြစ်ကြပြီး တချို့ ကလည်း လက်ရှိအစိုးရအဖွဲ့မှာ တာဝန်ထမ်းဆောင်နေသူတွေဖြစ်ကာ အရပ်သားတချို့သာ အနည်းငယ် ပါဝင်ပါတယ်။