ချန်ပီယံလိဂ်ပွဲစဉ်မတိုင်မီ အာဆင်နယ်အား လေဗာကူဆင်လှောင်ပြောင်လာ
====================
လေဗာကူဆင်ဟာ ယနေ့ည ချန်ပီယံလိဂ် ၁၆ သင်း ရှုံးထွက်အဆင့် ဒုတိယအကျော့ပွဲစဉ်မတိုင်မီ အာဆင်နယ်ရဲ့ အလွတ်တည်ကန်ဘောပိုင်နိုင်မှုအား စနောက်လှောင်ပြောင်မှု ပြုလုပ်လာပါတယ်။

လေဗာကူဆင်ဟာ ပထမအကျော့တုန်းက ၁ ဂိုးစီသရေကျပြီးနောက် ယနေ့ညတွင် အမ်းမရိတ်သို့ လာရောက်ကာ ကွာတားဖိုင်နယ်သို့ တက်ရေး ကြိုးပမ်းရပါမယ်။

ဘွန်ဒက်စ်လီဂါကလပ်ဟာ အာဆင်နယ်အား X တွင် ပို့စ်တင်ပြီး လှောင်ပြောင်ကာ ပြိုင်ဘက်အား Mind Games စတင် ပြုလုပ်လာတာလည်း ဖြစ်ပါတယ်။

လေဗာကူဆင်ဟာ အာဆင်နယ်ရဲ့ ထောင့်ကန်ဘောအလံတိုင်ထောင့် ဓာတ်ပုံမှ အလံတိုင်ထောင့်ကို ကွင်းအပြင်သို့ ထုတ်ထားတဲ့ ပုံအား အသုံးပြုကာ “that’s better” ဆိုတဲ့ စာသားဖြင့် ပို့စ်တင်လာတာလည်း ဖြစ်ပါတယ်။

ဘောလုံးပရိသတ်များဟာ လေဗာကူဆင်အသင်းရဲ့ ဟာသနှောပို့စ်တင်လာမှုအား နှစ်သက်သဘောကျလျက်ရှိကြသလို လေဗာကူဆင်အသင်းရဲ့ ဆိုရှယ်မီဒီယာအက်ဒမင်ကိုလည်း ချီးကျူးနေကြပါတယ်။

အာဆင်နယ်ဟာ ယခုရာသီတွင် အလွတ်တည်ကန်ဘောမှ ၂၁ ဂိုးအထိ သွင်းထားကာ ပရီးမီးယားလိဂ်တွင် အလွတ်တည်ကန်ဘောအကောင်းဆုံးအသင်းအဖြစ် ရပ်တည်နေပါတယ်။

ဒါပေမယ့် လေဗာကူဆင်ဟာ ပြီးခဲ့တဲ့အပတ်တုန်းက အာဆင်နယ်နှင့်ပွဲတွင် ထောင့်ကန်ဘောမှ တဆင့် ဂိုးသွင်းယူခဲ့ပါတယ်။

လေဗာကူဆင်က အာဆင်နယ်ရဲ့ အလွတ်တည်ကန်ဘောကျွမ်းကျင်မှုအား ဆိုရှယ်မီဒီယာတွင် လှောင်ပြောင်လာတဲ့ ပထမအသင်း မဟုတ်ပါဘူး။

မန်ဖီးလ်တောင်းဟာလည်း အက်ဖ်အေဖလားပွဲစဉ်မတိုင်မီ အာဆင်နယ်ကို TikTok မှ တဆင့် တင်ကာ လှောင်ပြောင်ဖူးပါတယ်။