မဲထော်သလေးကျေးရွာအနီးမှ တရုတ်နှင့် ရုရှားနိုင်ငံသားများအပါအဝင် ပြည်ပနိုင်ငံသား(၆၉)ဦးကို ယနေ့ မတ် ၁၅ ရက်က ထပ်မံဖမ်းမိခဲ့
ကရင်ပြည်နယ်၊ မြဝတီမြို့နယ်၊ မဲထော်သလေးကျေးရွာအနီး၌ တရုတ်နှင့် ရုရှားနိုင်ငံသားများအပါအဝင် ပြည်ပနိုင်ငံသား(၆၉)ဦးကို ယနေ့ မတ် ၁၅ ရက်က ထပ်မံဖမ်းဆီးရမိခဲ့ကြောင်း သိရသည်။
မဲထော်သလေးကျေးရွာ၏ အရှေ့ဘက်မီတာ(၆၅၀)ခန့်အကွာ တောအုပ်အတွင်းပုန်းအောင်းနေသည့် မြန်မာနိုင်ငံအတွင်းသို့ တရားမဝင်ဝင်ရောက်လာသော တရုတ်နိုင်ငံသား(၆၅)ဦး၊ ဗီယက်နမ်နိုင်ငံသား(၁)ဦး၊ မလေးရှားနိုင်ငံသူ(၁)ဦး၊ ရုရှားနိုင်ငံသူ(၁)ဦး၊ လာအိုနိုင်ငံသူ (၁)ဦးတို့အား ထပ်မံဖမ်းဆီးရမိခဲ့ကြောင်း သိရသည်။
ထို့ကြောင့် ၎င်းတို့အား မြဝတီမြို့၌ထိန်းသိမ်းထားပြီး ဌာနဆိုင်ရာပူးပေါင်းအဖွဲ့များကလိုအပ်သည့် ကိုယ်ရေးအချက်အလက်များနှင့် မှတ်တမ်းများစာရင်းကောက်ယူလျက်ရှိကာ သက်ဆိုင်ရာနိုင်ငံများသို့ လုပ်ထုံးလုပ်နည်းများနှင့်အညီ ပြန်လည်လွှဲပြောင်းပေးနိုင်ရေးအ တွက်လည်း ဆက်လက်ဆောင်ရွက်လျက်ရှိကြောင်း သိရသည်။
