တရားဥပဒေစိုးမိုးမှုသည် ဖွံ့ဖြိုးရေး၏အခြေခံအုတ် မြစ်ဖြစ်
တရားဥပဒေစိုးမိုးမှုသည် ဖွံ့ဖြိုးရေး၏အခြေခံအုတ် မြစ်ဖြစ်သည်ဟု ယနေ့ မတ် ၁၃ ရက်ကကျင်းပသည့် မြန်မာ့မျက်နှာစာသစ်နှစ်ဖိုရမ်(ယုံကြည်မှု၊ တည်ငြိမ်အေး ချမ်းမှုနှင့် ဖွံ့ဖြိုးတိုးတက်မှု)အခမ်းအနားတွင် နိုင်ငံ တော်ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှ ပြောကြားခဲ့ခြင်းဖြစ်သည်။
နိုင်ငံတစ်နိုင်ငံဖွံ့ဖြိုးတိုးတက်မှု၏ အခြေခံသည်တည် ငြိမ်အေးချမ်းမှု၊ တရားဥပဒေစိုးမိုးမှု၊ လူ့စွမ်းအားအ ရင်းအမြစ်ဖွံ့ဖြိုးမှု၊ အခြေခံအဆောက်အအုံများတည် ရှိမှုတို့ပင်ဖြစ်၍ ဒီမိုကရေစီနှင့် ဖက်ဒရယ်စနစ်ကို အ ခြေခံသည့် ပြည်ထောင်စုနိုင်ငံတည်ဆောက်ရေးကို မိမိတို့ အားသွန်ခွန်စိုက်ကြိုးပမ်းဆောင်ရွက်နေသည်ဟု ပြောသည်။
" တရားဥပဒေစိုးမိုးမှသာ တရားမျှတမှုနဲ့ လူမှုဝန်းကျင်တည်ငြိမ်မှုရှိမှာဖြစ်သလို တရားဥပဒေစိုးမိုးမှုဟာ ဖွံ့ ဖြိုးရေးရဲ့အခြေခံအုတ်မြစ်လည်းဖြစ်တဲ့အတွက် မိမိတို့ အားလုံးဝိုင်းဝန်းကြိုးပမ်းကြရမှာဖြစ်ပါတယ်"ဟု နိုင်ငံတော် ယာယီသမ္မတက ပြောသည်။
ထို့ပြင် တရားဥပဒေစိုးမိုးရေးကို တစ်ဖက်က ဆောင်ရွက်ပေးရမည်ဖြစ်သကဲ့သို့ အခြားတစ်ဖက်ကလည်း ကောင်းမွန်သည့် အုပ်ချုပ်မှုစနစ်ဖြစ်ပေါ်လာရေးအတွက် လိုအပ်သည့်ပြုပြင်ပြောင်းလဲမှုကိုဆောင်ရွက်မှသာ ပြည်သူ့ဝန်ဆောင်မှုလုပ်ငန်းများ၌ အရည်အသွေးမြင့်တက်လာမည်ဟု ပြောသည်။
" နိုင်ငံဖွံ့ဖြိုးတိုးတက်ရေးအတွက်တည်ငြိမ်အေးချမ်းရေးနဲ့ တရားဥပဒေစိုးမိုးရေးတို့အပြင် လူ့အရင်းအမြစ်ဖွံ့ဖြိုးတိုးတက်ရေးနဲ့ အခြေခံအဆောက်အအုံဖွံ့ဖြိုးတိုးတက်ဖို့လည်း မလွဲမသွေလိုအပ်ပါတယ်။ အခြေခံအ ဆောက်အအုံတွေဖြစ်တဲ့ လျှပ်စစ်ဓာတ်အားထုတ်လုပ် မှု၊ လမ်းပန်းဆက်သွယ်မှု၊ ဒေသတစ်ခုနဲ့တစ်ခု ကွန် ရက်ချိတ်ဆက်နိုင်မှု၊ ဒီဂျစ်တယ်ဆက်သွယ်ရေးစနစ် အားကောင်းမှုတို့သည် နိုင်ငံစီးပွားရေးဖွံ့ဖြိုးရေး၊ ကုန် ထုတ်လုပ်မှုနဲ့ ရောင်းဝယ်ဖောက်ကားမှုတိုးတက်ရေးတို့အတွက် အခရာကျတဲ့လိုအပ်ချက်တွေဖြစ်ပါတယ်"ဟု နိုင်ငံတော် ယာယီသမ္မတက ပြောသည်။
၎င်းတို့ ပိုမိုတိုးတက်ကောင်းမွန်ရန် နိုင်ငံတော်အစိုးရတစ်ခုတည်းကဆောင်ရွက်၍မရဘဲ ဒေသခံများ၊ အဖွဲ့အစည်းများ၊ လွှတ်တော်ကိုယ်စားလှယ်များအားလုံးက ဝိုင်းဝန်းပူးပေါင်းဆောင်ရွက်ပေးရမည်ဖြစ်ကာ အစိုးရကတည်ဆောက်အကောင်အထည်ဖော်ပေးရမည်ဖြစ်ပြီး ဒေသခံအားလုံးက မပျ-က်စီး၊ မပျောက်ပျက်အောင် ၊ မသမာသူများ၏ ဖျ-က်ဆီးမှုမခံရအောင် ဝိုင်းဝန်း ထိန်းသိမ်းရန်လိုသည်ဟု နိုင်ငံတော် ယာယီသမ္မတက ပြောကြားခဲ့သည်။
