ကမ္ဘာ့ဖလားပြိုင်ပွဲတွင် ပရိသတ်များ လုံခြုံရေးအတွက် လုံခြုံရေးဝန်ထမ်း တစ်သိန်းအထိ အသုံးပြုလာမယ့် မက္ကဆီကို
====================
ကမ္ဘာ့ဖလားပူးတွဲပိုင်ရှင် မက္ကဆီကိုဟာ နိုင်ငံတွင်းတွင် မူးယစ်ဆေးဂိုဏ်းများရဲ့ အကြမ်းဖက်မှုများ ဖြစ်ပျက်ခဲ့ပြီးနောက် နွေရာသီ ကမ္ဘာ့ဖလားပြိုင်ပွဲအတွင်းတွင် ပရိသတ်များအား အကာအကွယ်ပေးရန် လုံခြုံရေးဝန်ထမ်း တစ်သိန်းအထိ အသုံးပြုလာမည်ဖြစ်ကြောင်း ကြေညာလာပါတယ်။
အမေရိကန်၊ ကနေဒါတို့နှင့်အတူ ပူးတွဲအိမ်ရှင်အဖြစ် ကျင်းပလာမယ့် မက္ကဆီကိုဟာ ကမ္ဘာ့ဖလားပြိုင်ပွဲအား ဂွါဒါလာဂျာရာအပါအဝင် မြို့ ၃ မြို့တွင် လက်ခံကျင်းပသွားပါမယ်။ ဂွါဒါလာဂျာရာမှာ ပြီးခဲ့တဲ့လတုန်းက စတင်ဖြစ်ပျက်ခဲ့တဲ့ မူးယစ်ဆေးဂိုဏ်း အကြမ်းဖက်မှုကြောင့် လူပေါင်း ၁၂၀၀၀ အထိ ပျောက်ဆုံးနေတဲ့ ဂျာလစ်စကိုရဲ့ မြို့တော် ဖြစ်ပါတယ်။
မက္ကဆီကိုဟာ ဇွန်လ ၁၁ ရက်နေ့မှ ဇူလိုင်လ ၁၉ ရက်နေ့အထိ ကျင်းပမယ့် ကမ္ဘာ့ဖလားပြိုင်ပွဲအား မက္ကဆီကိုစီးတီး၊ မွန်တာရေးတို့တွင်လည်း ကျင်းပလာပါမယ်။ ယင်းနှစ်မြို့လုံးတွင်လည်း မူးယစ်ဆေးဂိုဏ်းရဲ့အကြမ်းဖက်မှုများ ဖြစ်ပျက်နေတာပါ။
မက္ကဆီကိုရဲ့ ကြောက်စရာအကောင်းဆုံးဂိုဏ်းများထဲမှ တစ်ခုဖြစ်တဲ့ Jalisco New Generation (CJNG) ဟာ ခေါင်းဆောင်အယ်မန်ချိုကို စစ်တပ်က လုပ်ကြံသတ်ဖြတ်လိုက်မှုအား တုံ့ပြန်တဲ့အနေဖြင့် ကားများကို မီးရှို့ခြင်းများ ပြုလုပ်နေသလို စစ်တပ်အား တုံ့ပြန် တိုက်ခိုက်မှုများ ပြုလုပ်နေပါတယ်။
ယခုအခါ မက္ကဆီကိုရဲ့ ကမ္ဘာ့ဖလားပူးတွဲကျင်းပရေးစင်တာအကြီးအကဲရိုမန်ဗီလာဗာဇိုက ပရိသတ်များလုံခြုံရေးအတွက် Plan Kukulkan အမည်ပေးထားတဲ့ စစ်ဆေးရေးဖြင့် ခရီးသွားဧည့်သည်များ၊ မြို့များကို အကာအကွယ်ပေးသွားမည်ဖြစ်ကြောင်း အတည်ပြုလာပါမယ်။
မက္ကဆီကိုဟာ လုံခြုံရေးဝန်ထမ်း ၉၉၀၀၀ အပြင် စစ်သား ၂၀၀၀၀၊ ရဲတပ်ဖွဲ့ဝင် ၅၅၀၀၀၊ စစ်တပ်နှင့် အရပ်ဘက်သုံး ကား ၂၅၀၀၊ တိုက်လေယာဉ် ၂၄ စင်း၊ ဒရုန်းကာကွယ်ရေးစနစ်၊ ဗုံးအနံ့ခံ ခွေးတို့အား ကမ္ဘာ့ဖလားပြိုင်ပွဲ လုံခြုံရေးအတွက် အသုံးပြုလာပါမယ်။
ကမ္ဘာ့ဖလားအဖွင့်ပွဲကို မက္ကဆီကိုနှင့် တောင်အာဖရိကတို့က မက္ကဆီကိုစီးတီးတွင် ကစားလာမှာ ဖြစ်ပါတယ်။
ဒါ့အပြင် အိုင်ယာလန်မှာလည်း ပလေးအော့ဖ်မှ တဆင့် ကမ္ဘာ့ဖလားခြေစစ်ပွဲ အောင်မြင်လာပါက တောင်ကိုရီးယားနှင့် ပထမဆုံးဂွါဒါလာဂျာရာပွဲအဖြစ် ကစားရပါမှာ ဖြစ်သလို နောက်တစ်ပွဲအား မက္ကဆီကိုနှင့် မက္ကဆီကိုစီးတီးတွင် ရင်ဆိုင်ရပါမယ်။
ဒါ့အပြင် ယူရိုချန်ပီယံ စပိန်မှာလည်း ဥရုဂွေးနှင့် ဂွါဒါလာဂျာရာတွင် ကစားရမှာ ဖြစ်ပါတယ်။ မက္ကဆီကိုဟာ ၃၂ သင်း ရှုံးထွက်အဆင့် ၂ ပွဲနှင့် ၁၆ သင်း ရှုံးထွက်အဆင့်ပွဲ ၁ ပွဲတို့ကိုလည်း လက်ခံကျင်းပသွားပါမယ်။
