အသက် ၃၀ အလွန်တွင် ဂိုး ၅၀၀ သွင်းနိုင်တဲ့ ပထမဆုံးကစားသမားဖြစ်လာတဲ့ ခရစ္စတီယာနိုရော်နယ်ဒို
==================
ခရစ္စတီယာနိုရော်နယ်ဒိုဟာ အသက် ၃၀ နှစ်ပြည့်ပြီးချိန်နောက်ပိုင်းတွင် ဂိုး ၅၀၀ အထိ သွင်းယူလာနိုင်ကာ ကစားသမားဘဝ နောက်ဆုံး ရည်မှန်းချက်ဖြစ်တဲ့ ဂိုး ၁၀၀၀ ပြည့်သွင်းနိုင်ရေး တဖြည်းဖြည်းနီးကပ်လာခဲ့ပြီ ဖြစ်ပါတယ်။
၂၀၁၅ ခုနှစ် ဖေဖော်ဝါရီလတုန်းက အသက် ၃၀ နှစ်ပြည့်ခဲ့တဲ့ ခရစ္စတီယာနိုရော်နယ်ဒိုဟာ ဥရောပတလွှား ကလပ်နှင့် နိုင်ငံတကာပွဲများတွင်လည်း ဂိုးများ အကြီးအကျယ် သွင်းယူလာခဲ့သူ ဖြစ်ပါတယ်။
သူဟာ စနေနေ့ညတုန်းက Al-Nassr က Al-Hazem FC ကို ၄-၀ ဂိုးဖြင့် အနိုင်ရတဲ့ပွဲမှာ ၂ ဂိုးသွင်းယူနိုင်ပြီးနောက် အသက် ၃၀ နှစ်ပြည့်ပြီးနောက်ပိုင်းတွင် ဂိုး ၅၀၀ ပြည့်သွင်းလာနိုင်ပါတယ်။
ဒါ့အပြင် ခရစ္စတီယာနိုရော်နယ်ဒိုဟာ ပရော်ဖက်ရှင်နယ်ကစားသမားဘဝ စုစုပေါင်းဂိုး ၉၆၄ ဂိုး ရှိလာခဲ့ပြီး ဂိုး ၁၀၀၀ ပြည့်သွင်းနိုင်ရေး နီးကပ်လာပြီလည်း ဖြစ်ပါတယ်။
ခရစ္စတီယာနိုရော်နယ်ဒိုဟာ ဖေဖော်ဝါရီလအစောပိုင်းတုန်းက Al-Nassr ပိုင်ရှင် PIF ရဲ့ အသင်းများအပေါ် မမျှမတ ဆက်ဆံမှုအပေါ် ဆန္ဒပြတဲ့အနေဖြင့် ပွဲမကစားဘဲ သပိတ်မှောက်ခဲ့သူလည်း ဖြစ်ပါတယ်။
ဒါပေမယ့် သူဟာ နောက်ပိုင်းတွင် Al-Nassr အတွက် ပြန်လည်ကစားလာခဲ့တာပါ။
Al-Nassr ဟာ Al-Hazem FC နိုင်ပွဲကြောင့် ဆော်ဒီပရိုလိဂ်အား ၁ မှတ်ဖြတ်ကာ ဦးဆောင်ထားလာနိုင်ပါတယ်။
