ဆန္ဒနောက်ကို အလွန်အကျွံ မလိုက်မိစေနဲ့
တခါတုန်းက ဖားတွေနေတဲ့ တိုင်းပြည်တစ်ပြည်ရှိသတဲ့။ တစ်နေ့တော့ ဖားတွေရဲ့ဘုရင်ကြီးဟာ တိုက်ပွဲတစ်ပွဲမှာ ကျဆုံးသွားတာကြောင့် ဖားတွေရဲ့တိုင်းပြည်ကြီးဟာ မင်းမဲ့တိုင်းပြည်ကြီးလို ဖြစ်သွားပါတယ်။
ဒါကြောင့် ပညာရှိတဲ့ ဖားတွေက တခြားဖားတွေကို ခေါ်ပြီး အခုလိုပြောတယ်... "ငါတို့တိုင်းပြည်မှာ ဘုရင်မရှိတော့ဘူး။ ဒါကြောင့် ငါတို့တိုင်းပြည်ကို အုပ်ချုပ်ပ်ဖို့ ဘုရင်တစ်ပါးလိုတယ်။ ဒီကိစ္စကို မိုးနတ်သားဆီမှာ အကူအညီတောင်းရမယ်" လို့ဆိုတော့...
ဖားတွေအားလုံးကလည်း သဘောတူကြပါတယ်။ ဒါနဲ့ မိုးနတ်သားဆီမှာ သူတို့ ဖားတိုင်းပြည်ကို အုပ်ချုပ်မယ့်ဘုရင်တစ်ပါးစေလွှတ်ရန် အကူအညီတောင်းလိုက်ပါတယ်။
အဲဒီအခါမှာ မိုးနတ်သားက သစ်တုံးကြီးတစ်တုံးကို ပစ်ချပေးလိုက်ပါတယ်။ ပထမတော့ ဖားများဟာ သစ်တုံးကြီးကိုမြင်ပြီး အလွန်ကြော,က်လန့်ကြတယ်။ သစ်တုံးကြီး မမြင်အောင်ဆိုပြီး ရေအောက်မှာ ငုတ်လျှိုးနေကြတယ်။
အတော်ကြာမှ မလှုပ်မယှက်နေတဲ့ သစ်တုံးကြီးကို ကြည့်ပြီး အကြော,က်ပြေလာကြတယ်။ တဖြည်းဖြည်းနဲ့ သစ်တုံးကြီးနား ကပ်လာကြတယ်။ နောက်ဆုံးတော့ သစ်တုံးကြီးပေါ် တက်ကစားတဲ့အထိ အတင့်ရဲလာကြပါတယ်။
ဒီလိုနဲ့ ကြာလာတဲ့အခါမှာတော့ ဖားများဟာ သစ်တုံးကြီးကို ငြီးငွေ့လာကြသတဲ့။ မလှုပ်မယှက်သစ်တုံးကြီနဲ ဆော့ရတာ ပျင်းစရာကောင်းလာတယ်။ ဒါကြောင့် မိုးနတ်သားဆီမှာ ဘုရင်အသစ်လဲပေးဖို. ထပ်မံတောင်းဆိုလိုက်ပါတယ်။
အဲဒီအခါ မိုးနတ်သားတာ သစ်တုံးကြီးအစား ငရှည့်တစ်ကောင်ကို ပို့ပေးလိုက်ပါတယ်။ ငရှည့်ဟာ ဖားတိုင်းပြည်ကို ရောက်ထဲက တွင်းထဲမှာပဲ ခွေနေတာကြောင့် ဖားတွေဟာ စိတ်ပျက်ကြသတဲ့။
ဒါကြောင့် အခြားဘုရင်တစ်ဦးနဲ့ လဲပေးဖို့ ထပ်မံတောင်းဆိုလိုက်ပြန်တယ်။ အဲဒီလို ခဏခဏတောင်းဆိုတဲ့ ဖားတွေရဲ့ တောင်းဆိုသံကိုကြားတဲ့ အခါမှာတော့ မိုးနတ်သားကြီးဟာ အတော်လေးဒေါသ ထွက်သွားပါတယ်။
ဒါကြောင့် မြွေတစ်ကောင်ကို ဖားတို့ရဲ့ဘုရင်အဖြစ် ပို့ပေးလိုက်ပါတယ်။ အဲဒီအချိန်ထဲက မြွေဟာ ဖားတွေကို တစ်ကောင်ပြီးတစ်ကောင် မျိုချလိုက်တာကြောင့် ဖားတိုင်းပြည်ကြီးဟာ ပျက်စီးသွားပါသတဲ့။
ပုံပြင်လေးကတော့ ဒါပါပဲ။ ဒီပုံပြင်လေးက ဘာကိုခြျေင်တာလဲဆိုတော့ ထိုက်သင့်သလောက်နဲ့ တင်းတိမ်ရောင့်ရဲခြင်း မရှိပဲ လိုအင်ဆန္ဒနောက်ကို လိုက်နေမယ်ဆိုရင် တချိန်မှာ ပျက်စီးဆုံးရှုံးခြင်းကို ကြုံတွေ့လာနိုင်မည်ဖြစ်ကြောင်း သင်ခန်းစာ ပေးထားတာပဲ ဖြစ်ပါတယ်။
