ဘယ်လ်ဂျီယံဆယ်ကျော်သက် ဂျက်ဆီဘီဆီဝူကို ခေါ်ယူဖို့ ဘာစီလိုနာအသင်း အနီးကပ်စောင့်ကြည့်နေကြောင်း အေးဂျင့်ဖြစ်သူ အတည်ပြု
ဘာစီလိုနာအသင်းဟာ ကလပ်ဘရုဂေးအသင်းက ဘယ်လ်ဂျီယံဆယ်ကျော်သက် တောင်ပံကစားသမား ဂျက်ဆီဘီဆီဝူကို ခေါ်ယူဖို့ အနီးကပ်စောင့်ကြည့်နေကြောင်း သူ့ရဲ့ အေးဂျင့်ဖြစ်သူက ပြောကြားခဲ့ပါတယ်။
ပြီးခဲ့တဲ့ ဇန်နဝါရီလကမှ အသက်(၁၈)နှစ်ပြည့်ခဲ့တဲ့ ဘီဆီဝူဟာ ဘယ်လ်ဂျီယံမှာ မွေးဖွားပြီး ဘယ်လ်ဂျီယံယူ-၁၇ အသင်းအတွက် ကစားခဲ့ပေမဲ့ ဂါနာလူမျိုးဖြစ်ကြောင်း သိရပါတယ်။
ကလပ်ဘရုဂေးအကယ်ဒမီအသင်းမှာ ခြေစွမ်းပြနေတဲ့ ဘီဆီဝူကို ခေါ်ယူဖို့ စိတ်ဝင်စားနေတဲ့ ကလပ်အသင်းများစွာ ရှိတဲ့အနက် ဘာစီလိုနာအသင်းက တရားဝင်ဆက်သွယ်မှုပြုလုပ်လာကြောင်းလည်း သူ့ရဲ့ အေးဂျင့် မိုဘင်ဒီမာသီက ပြောကြားခဲ့ပါတယ်။
''ဘာစီလိုနာက ဂျက်ဆီကို အနီးကပ်စောင့်ကြည့်နေတယ်ဆိုတာ အမှန်ပါပဲ။ သူ့အခြေအနေကို စောင့်ကြည့်နေတဲ့ အသင်းတွေထဲက တစ်သင်းပါ။ ဒါပေမဲ့ ကျွန်တော်တို့ တည်တည်ငြိမ်ငြိမ်စီမံခန့်ခွဲပြီး တစ်ဆင့်ချင်းလျှောက်လှမ်းသွားမှာပါ'' လို့ မာသီက ပြောကြားခဲ့ပါတယ်။
ဘီဆီဝူရဲ့ ကစားပုံကို ယမားလ်နဲ့ နှိုင်းယှဉ်ချီးကျူးမှုတွေ ရှိနေပြီး တောက်ပလာနိုင်တဲ့ ဆယ်ကျော်သက်တစ်ဦးအဖြစ် ထင်ကြေးပေးနေကြပါတယ်။
