ရှမ်းယူနိုက်တက်နဲ့ပွဲမှာ လူသစ်ကစားသမားတွေ ထုတ်သုံးမယ်လို့ ရန်ကုန်အသင်းနည်းပြချုပ် ဆို
ရန်ကုန်ယူနိုက်တက်အသင်း နည်းပြချုပ် ဖြစ်သူ ဂျပန်နိုင်ငံသား ယုကီတက်ဆူရိုက သူ့ရဲ့အသင်းမှာ ဒဏ်ရာရကစားသမား အများအပြားရှိနေတာကြောင့် လာမယ့်ရှမ်းယူနိုက်တက်အသင်းနဲ့ ကစားရမယ့်ပွဲမှာ လူသစ်ကစားသမားတွေကို ထုတ်သုံးသွားမှာဖြစ်ကြောင်း ထုတ်ဖော်ပြောကြားပါတယ်။
ယုကီတက်ဆူရိုက"လက်ရှိရနေတဲ့ အသင်းရဲ့ ပုံစံကောင်းကို ဆက်ပြီးထိန်းသွားနိုင်မယ်လို့ ယုံကြည်နေပါတယ်။ အသင်းမှာ ကစားသမား ဆယ်ယောက်လောက်ပဲ ကောင်းကောင်းကစားနိုင်ပါတယ်။ ရှေ့လာမယ့်ပွဲ(ရှမ်းယူနိုက်တက်) မှာ အသင်းက အမာခံကစားသမားတွေ ပါဝင်နိုင်မှာ မဟုတ်တဲ့အတွက် လူသစ်ကစားသမားတွေကို အသုံးပြုသွားရမှာပါ။ ဒါပေမဲ့ အသင်းရဲ့ စိတ်ဓာတ်ပိုင်းရော အာရုံစူးစိုက်မှုပိုင်းကိုပါ ပိုကောင်းလာအောင် လုပ်ဆောင်သွားမှာပါ။ ကျွန်တော်တို့ အသင်းကို အမြဲဝန်းရံအား ပေးနေတဲ့ ပရိသတ်တွေကို ကျေးဇူးတင်ပါတယ်။ ပရိသတ်တွေကြောင့်သာ ကျွန်တော်တို့ နိုင်ပွဲတွေ ဖော်ဆောင်နိုင်နေတာပါ။ လာမယ့်ပွဲကိုလည်း ပရိသတ်တွေ လာရောက်ဝန်းရံအားပေးဖို့ ဖိတ်ခေါ်ချင်ပါတယ်" ဆိုပြီး ပြောကြားခဲ့တာဖြစ်ပါတယ်။
ရန်ကုန်ယူနိုက်တက်အသင်းဟာ လာမယ့်ဖေဖော်ဝါရီ ၂၀ ရက်၊ နေ့လယ် ၃ နာရီခွဲမှာ ယခုရာသီ MNL အမှတ်ပေးလိဂ်ပြိုင်ပွဲ ပွဲစဉ် (၁၈) အဖြစ် အသင်းရဲ့ အိမ်ကွင်းဖြစ်တဲ့ YUSC ကွင်းမှာ လက်ရှိချန်ပီယံ ရှမ်းယူနိုက်တက်အသင်းနဲ့ ယှဉ် ပြိုင်ကစားရမှာဖြစ်ပါတယ်။
ဒီပွဲက နှစ်သင်းစလုံးအတွက် ဒီရာသီ ချန်ပီယံဆုအ တွက် အလွန်အရေးပါနေပြီး အနိုင်ရရှိမယ့်အသင်းက ဗိုလ်စွဲဖို့ အခွင့်အရေးအသာရနိုင်မှာ ဖြစ်ပါတယ်။
