" လူတိုင်းကြိုက်ဖို့ မလိုဘူး "
********************
လော က မှာ..
လက်ညိုးထိုးပြီး အပြစ်တင်ဖို့လွယ်သလောက်
လက်မထောင်နိုင်တဲ့အထိ
အောင်မြင်အောင်ကြိုးစားဖို့ကျတော့ မလွယ်ဘူး။
ချစ်တဲ့သူက အကောင်းပြောမယ်။
မုန်းတဲ့သူက မကောင်းပြောမယ်။
ဒါပေမယ့် ဘယ်သူတွေ ဘာပြောပြော
ကိုယ့်သမိုင်း ကိုယ်လှအောင် ရေးပြီး
ကိုယ့်လမ်း ကိုယ်ဖြောင့်အောင်လျှောက်ရမှာက
ကိုယ့်ရဲ့ ပဓာနကျတဲ့ အလုပ်ပဲ ။
ဝေဖန်တာတွေ ကဲ့ရဲ့တာတွေ
ငြူစူစောင်းမြောင်းတာတွေ
ချိုးနှိမ် အထင်အမြင်သေးတာတွေကို
အချိန်ကုန်ခံပြီး တုန့်ပြန်နေမယ်ဆိုရင် ..
ကိုယ်သွားချင်တဲ့ ပန်းတိုင်ဆီကို
ရောက် ဖို့ နှေး သွား ပါ လိမ့် မယ်။
ဒီ လို ဘဲ
လူတိုင်းပြောတာ လိုက်နားထောင်ပြီး
မလိုတဲ့ပြဿနာတွေ ခေါင်းထဲထည့်ထားရင်လဲ ..
ကိုယ့်စိတ်အေးချမ်းဖို့အတွက်
အနှောက်အယှက် ဖြစ်သွားလိမ့်မယ်။
ပြောချင်တာက ကိုယ်လုပ်နေတဲ့အလုပ်
ကိုယ်ဘဲနားလည်တယ် ။
ကိုယ်ဖြတ်သန်းခဲ့ရတဲ့ဘဝအကြာင်း
ကိုယ့်လောက် ဘယ်သူမှ သေချာမသိဘူး။
ကိုယ်တည်ဆောက်ထားတဲ့
ဆက်ဆံရေးနယ်မြေထဲကိုလဲ
တစ်ခြားသူတွေ ခဏတာရောက်လာရုံနဲ့
သူတို့နဲ့ ချက်ချင်းအံဝင်ခွင်ကျ ဖြစ်မှာမဟုတ်သလို
ရေရှည်မှာလဲ သူတို့နဲ့ အဆင်ပြေချင်မှ ပြေလိမ့်မယ်။
ဒါပေမယ့်..
ဘယ်သူက ကြိုက်လို့
ဘယ်သူက မကြိုက်လို့
ဘယ်သူက အကောင်းပြောလို့
ဘယ်သူက မကောင်းပြောလို့
ဘယ်သူတွေက ချီးမွှန်းလို့
ဘယ်သူတွေက ကဲ့ရဲ့ကြလို့ ...ဆိုပြီးတော့
ကိုယ့်ပုံစံကို ပြောင်းလဲလိုက်ဖို့ မလိုဘူး။
ဒါ ကြောင့် ပြောချင်တာက ဘဝမှာ
ဘယ်လိုအမြင်မတူတာတွေ
ဝေဖန် ဟန့်တားမှုတွေနဲ့ ကြုံလာပါစေ
ယုံကြည်မှု ရှိရှိ ဆက်သွားဖို့လိုတယ်။
ကိုယ့်ကိုယ်ကိုပဲ အာရုံပိုစိုက်ဖို့လိုတယ်။
ကိုယ့်ဘဝအစစ်မှာပဲ ကိုယ်ရှင်သန်ရမယ်။
ကိုယ့်လိပ်ပြာ ကိုယ်လုံအောင် လုပ်ရမယ်။
ကိုယ့်ဘဝတိုးတတ်ဖို့အတွက်ပဲ
အမြဲမပြတ် သင်ယူလေ့လာနေရမယ်။
ကိုယ်မှန်တယ်ဆိုတာ သူတို့သိဖို့ထက်
ကိုယ်အမှားမလုပ်မိအောင် ဂရုစိုက်ရမယ်။
လူကောင်းတစ်ယောက်ဆိုတာ သူတို့သိဖို့ထက်
လူဆိုးစာရင်းထဲ ကိုယ်မပါဖို့ဘဲ ကြိုးစားနေရမယ်။
သိပ္ပံနဲ့ သင်္ချာမှာပုံသေနည်းတွေ ရှိပေမယ့်-
ဘဝသီအိုရီမှာတော့ ဘယ်တော့မှ
ပုံသေနည်းဆိုတာ မရှိဘူး။
အကောင်းတွေ ပေးတိုင်း
အကောင်းတွေ ပြန်မရတတ်သလို..
အလုပ်တွေ မှန်နေတိုင်းလဲ လူတိုင်းက
အမှန်တွေလုပ်နေတယ်လို့ မြင်မှာ မဟုတ်ဘူး။
ထား လိုက်.. ဒါတွေ ကိစ္စ မရှိဘူး။
အရေးကြီးတာက ကိုယ့်စတိုင်နဲ့ ကိုယ်နေပြီး
ကိုယ့်ပုံစံနဲ့ပဲ ကိုယ် ရှင်သန်ပါ။
စာချစ်သူအားလုံး ရွှင်လန်းချမ်းမြေ့ကြပါစေ
#crd_to_owner_with_respect
