Match for Hope 2026 ရန်ပုံငွေပွဲတွင် ပြိုင်ဘက်ဂိုးသမားအားဒေါ်လာ ၁၀၀၀၀ ပေးပြီး ဘေးထွက်နေစေကာ အကာအကွယ်မဲ့ ဂိုးပေါက်ထဲသို့ ပင်နယ်တီ ကန်သွင်းခဲ့တဲ့ Mr Beast
=================

YouTube မီဂါစတား Mr Beast ဟာ 2026 Match For Hope ရန်ပုံငွေ ဘောလုံးပွဲတွင် ပရိသတ်အားလုံး အံ့ဩသင့်သွားစေမယ့် လုပ်ရပ်တစ်ခု လုပ်ဆောင်လာခဲ့ပါတယ်။
YouTube တွင် subscribed အများဆုံး ရရှိသူအဖြစ် ရပ်တည်နေတဲ့ Mr Beast ဟာ ကာတာတွင် ကစားတဲ့ Team Chunkz နှင့် ပွဲစဉ်တွင် Team Aboflah အတွက် ပါဝင်ကစားခဲ့ပါတယ်။
ယင်းပွဲစဉ်တွင် နှစ်ဖက်သွင်းဂိုး ၁၅ ဂိုးအထိ ရှိခဲ့ပြီး Team Chunkz က ၈-၇ ဖြင့် အနိုင်ရသွားခဲ့ပါတယ်။
အံ့ဩစရာကောင်းတာက ပွဲချိန် ၇၄ မိနစ်တွင် Team Chunkz က ၇-၅ ဖြင့် ဦးဆောင်နေချိန်မှာ Mr Beast ဟာ ပွဲရလဒ် ၇-၆ ဖြစ်စေမယ့် အခွင့်အရေး အဖြစ် ပင်နယ်တီ ကန်သွင်းနိုင်မယ့် အခွင့်အရေး ရရှိလာခဲ့ပါတယ်။
Mr Beast ဟာ ယခင်တုန်းကလည်း Sidemen Charity Match ပွဲအပါအဝင် ရန်ပုံငွေများမှာ ပါဝင်ကစားခဲ့ဖူးသူ ဖြစ်ပါတယ်။
သူဟာ ပင်နယ်တီကန်ဖို့ ရှေ့ထွက်ခဲ့ပြီးနောက် အရန်ခုံသို့ တခုခု ယူလာပေးရန် အချက်ပြခဲ့ပါတယ်။
သူ ယူဆောင်လာခိုင်းခဲ့တာက သေတ္တာတစ်လုံး ဖြစ်ပါတယ်။
Mr Beast က ငွေသား ဒေါ်လာ ၁၀၀၀၀ ထည့်ထားတဲ့ သေတ္တာလို့ ဆိုပါတယ်။
သူဟာ ယင်းငွေများကို ပြိုင်ဘက်ဂိုးသမားအား ပေးပြီး အကာအကွယ်မဲ့ ဂိုးပေါက်ထဲသို့ ကန်သွင်းနိုင်ရန် လာဘ်ထိုးခဲ့ပါတယ်။
ဂိုးသမားဟာလည်း ယင်းငွေသေတ္တာအား ယူသွားခဲ့ပြီးနောက် ပရိသတ်များအား ငွေယူသင့်/မယူသင့် မေးမြန်းခဲ့ပါတယ်။
ဂိုးသမားက ပရိသတ်များက ငွေယူဖို့ ပြောကြားလာပေမယ့် မယူဖို့ လုပ်ခဲ့ပါတယ်။ ဒါပေမယ့် Mr Beast ရဲ့ ကစားဖော်တစ်ဦးက ဂိုးသမားကို အခြားတစ်ဖက်သို့ ခေါ်ဆောင်သွားခဲ့ပါတယ်။
ယင်းအချိန်တွင် Mr Beast က အကာအကွယ်မဲနေတဲ့ ဂိုးပေါက်ထဲသို့ ပင်နယ်တီ ကန်သွင်းခဲ့ပါတယ်။
ဘောလုံးပရိသတ်များအား အဆိုပါ အဖြစ်အပျက်အား ဆိုရှယ်မီဒီယာတွင် ဟာသနှော ပြောဆိုမှုများ ပြုလုပ်နေကြပါတယ်။