ယာဉ်တိမ်းမှောက်မှု ဖြစ်ခဲ့သော ဇော်လေးနိုင် ဇာတ်သဘင်ကို ဧရာဝတီဖောင်ဒေးရှင်းက သိန်းသုံးရာလှူဒါန်း
နေပြည်တော်၊ တပ်ကုန်းမြို့ကို ဖျော်ဖြေရန် သွားရောက်သည့် ဇာတ်အဖွဲ့ ကားမှောက်မှုကြောင့် ၈ဦး အသက်
ဆုံးခဲ့ရသည့် ဇာတ်သဘင်ကို ဧရာဝတီဖောင်ဒေးရှင်းမှ ကျပ်သိန်း သုံးရာ လှူဒါန်းသည်။
ထိုသို့လှူဒါန်းခြင်းကို မြန်မာနိုင်ငံသဘင်အစည်းအရုံး-ဗဟိုက ယနေ့ (ဇန်နဝါရီ ၃၀) ၌ ထုတ်ပြန်ခြင်း ဖြစ်သည်။
ထို့အတူ မြန်မာနိုင်ငံသဘင်အစည်းအရုံး (ဗဟို) ဥက္ကဌ ဦးဖိုးချစ်သည်လည်း နေပြည်တော် ခုတင် (၁၀၀၀) ဆေးရုံတွင် ဆေးကုသမှု ခံယူလျက်ရှိကြသော ဒါဏ်ရာရရှိသူများ အား တွေ့ဆုံအားပေး၍ လိုအပ်သည်များ ဆောင်ရွက်ပေးခဲ့သည်။
ထိုနည်းတူ မြို့ရွှေမန်းသားဖိုးချစ်” ဇာတ်သဘင်အဖွဲ့နှင့် ပရိသတ်များမှလည်း အလှုငွေ ကျပ်သိန်း (၁၀၀) တိတိကို လှူဒါန်းခဲ့သေးသည်။
ယင်းဇာတ်အဖွဲ့သည် နေပြည်တော်၊ တပ်ကုန်းမြို့ကို ဖျော်ဖြေရန် သွားရောက်စဉ် (ဇန်နဝါရီ ၂၈) က တောင်ညိုလမ်းတွင် ကားတိမ်းမှောက်ခဲ့ခြင်း ဖြစ်သည်။
