အန်ဖီးလ်သို့ လက်ထောက်နည်းပြအဖြစ် တကျော့ပြန်လာမယ့် ဂျာဂင်ဂလော့ပ်
===================
ဂျာဂင်ကလော့ပ်ဟာ အန်ဖီးလ်မှ ထွက်ခွာသွားပြီး ၁၈ လအကြာမှာတော့ လီဗာပူးသို့ တကျော့ပြန်လာတော့မှာ ဖြစ်ပါတယ်။
ဂျာမန်လူမျိုးနည်းပြဟာ လီဗာပူးကို ၉ နှစ်ကြာ ကိုင်တွယ်စဉ်အတွင်း ဆုဖလားများ ရရှိအောင် ဦးဆောင်နိုင်ခဲ့မှုနှင့်အတူ အန်ဖီးလ်ဂန္ထဝင်တစ်ဦးအဖြစ် သတ်မှတ်ခံထားရသူလည်း ဖြစ်ပါတယ်။
ကလော့ပ်ဟာ လီဗာပူးနှင့်အတူ ပရီးမီးယားလိဂ်ဖလား၊ အက်ဖ်အေဖလားနှင့် ချန်ပီယံလိဂ်ဖလားတို့ ရယူနိုင်ခဲ့ပါတယ်။
သူဟာ ၂၀၂၄ ခုနှစ် နွေရာသီမှာတော့ အန်ဖီးလ်မှ ထွက်ခွာသွားခဲ့ကာ ဖိအားနည်းတဲ့ အလုပ်ဖြစ်တဲ့ ရက်ဘူးလ်ရဲ့ တစ်ကမ္ဘာ့လုံးဆိုင်ရာ ဘောလုံးအကြီးအကဲအဖြစ် တာဝန်ထမ်းဆောင်လာခဲ့ပါတယ်။
ကလော့ပ်နေရာကို အစားထိုးတာဝန်ယူတဲ့ အန်းဆလော့ဟာ လီဗာပူးကို ကိုင်တွယ်တဲ့ ပထမဆုံးရာသီမှာ ပရီးမီးယားလိဂ်ဖလား ရရှိအောင် စွမ်းဆောင်နိုင်ခဲ့ပေမယ့်လည်း ယခုရာသီတွင် ရုန်းကန်နေရမှုနှင့်အတူ ပရိသတ်အချို့ကို အသင်းကို ပြန်လည်ကိုင်တွယ်စေလိုနေကြပါတယ်။
ယခုအခါမှာတော့ လီဗာပူးပရိသတ်များရဲ့ ဆန္ဒပြည့်ဝလာတော့မှာ ဖြစ်ပါတယ်။
ကလော့ပ်ဟာ လီဗာပူးသို့ ရာထူးသစ်ဖြင့် ပြန်ရောက်လာမှာဖြစ်ပါတယ်။ လက်ထောက်နည်းပြအဖြစ် ပြန်ရောက်လာမှာလည်း ဖြစ်ပါတယ်။
သူဟာ ဒေါ့မွန်ဂန္ထဝင်များအသင်းနှင့် ကစားမယ့် လီဗာပူးဂန္ထဝင်များအသင်းပွဲတွင် လက်ထောက်နည်းပြအဖြစ် ဆောင်ရွက်လာမှာလည်း ဖြစ်ပါတယ်။
သူဟာ လီဗာပူးဂန္ထဝင်နည်းပြကန်နီဒဲလ်ကလစ်ရှ်ရဲ့ လက်ထောက်နည်းပြအဖြစ် ဆောင်ရွက်လာပါမယ်။
လီဗာပူးပရိသတ်များဟာ ကလော့ပ်ကို အန်ဖီးလ်ကွင်းမှာ ပြန်လည်ကြီးကြပ်တာ မြင်ရလာမှာ ဖြစ်လို့ စိတ်လှုပ်ရှားနေကြပြီလည်း ဖြစ်ပါတယ်။
