ထိုင်းလေဆိပ်ကစစ်ဆေး‌သော်လည်း နီပါ ရောဂါပိုးများကို မတွေ့ခဲ့

ဘင်္ဂလားဒေ့ရှ်၏ အနောက်ဘင်ဂေါတွင် ရောဂါကူးစက်ဖြစ်ပွားမှု မြင့်တက်လာပြီးနောက် ဒေသဆိုင်ရာ စောင့်ကြည့်စစ်ဆေးမှုများ ကိုတိုးမြှင့်လုပ်ဆောင် လျှက်ရှိသည်။ ထိုင်းနိုင်ငံ သုဝဏ္ဏဘူမိလေဆိပ်မှ ကျန်းမာရေးတာဝန်ရှိသူများသည် နီပါဗိုင်းရပ်စ်ကူးစက်မှု လက္ခဏာပြသည့် ခရီးသည်များကို မတွေ့ခဲ့ဟု ဆိုသည်။
ထိုင်းနိုင်ငံ လေဆိပ်များကို စီမံခန့်ခွဲသော Airports of Thailand Plc သည် နိုင်ငံတကာ ကူးစက်ရောဂါ ထိန်းချုပ်ရေးနှင့် ကာကွယ်ကန့်သတ်ရေးဌာနခွဲနှင့် ပူးပေါင်း၍ ပြည်သူ့ကျန်းမာရေး ကြိုတင်ကာကွယ်ရေး အစီအမံအဖြစ် တနင်္ဂနွေနေ့ မနက် ၄ နာရီမှ စတင်ကာ အိန္ဒိယမှ ဝင်ရောက်လာသော ခရီးသည်များကို စစ်ဆေးစိစစ်ခြင်းများ ပြုလုပ်ခဲ့သည်။ အထူးသဖြင့် ကိုးလ်ကတ္တားမှ ရောက်ရှိလာသော လေယာဉ်ခရီးစဉ်များကို ဦးတည်စစ်ဆေးနေပြီး အပူချိန် စကင်နာ စစ်ဆေးရေး အချက်အလက်များနှင့် ကျန်းမာရေး အကဲဖြတ် နေရာများကို တပ်ဆင်ထားကာ လက္ခဏာများနှင့် ဆက်သွယ်ရန် အချက်အလက်များ ပါဝင်သည့် ကျန်းမာရေး သတိထားရန်ကဒ်များ Health Beware Card များကိုလည်း ဖြန့်ဝေပေးလျက်ရှိပသည်။
သုဝဏ္ဏဘူမိ လေဆိပ် ဒါရိုက်တာ ကစ်တီပုန် ကစ်တီကဂျွန် က အဆိုပါ အစီအမံများသည် နိုင်ငံတကာ စံချိန်စံညွှန်းများနှင့် ကိုက်ညီပြီး ခရီးသည်များ အနှောင့်အယှက် နည်းပါးစေရန်အတွက် ကျန်းမာရေး တာဝန်ရှိသူများမှ စောစီးစွာ သိရှိနိုင်စေရန် ဒီဇိုင်း ပုံထုတ် ပြုလုပ်ထားကြောင်း ပြောကြားခဲ့သည်။ အာဏာပိုင်များသည် လွန်ခဲ့သည့် ၁၄ ရက် မှ ၂၁ ရက်အတွင်း စောင့်ကြည့်ရေးနယ်မြေများတွင် ရောက်ရှိလာသူများအတွက် ခရီးသွားမှတ်တမ်းများကို စစ်ဆေးလျက်ရှိသည်။
တနင်္ဂနွေနေ့တွင် ခရီးသည် ၃၃၂ ဦး တင်ဆောင်သည့် ကိုးလ်ကတ္တားမှ ပျံသန်းမှု နှစ်ခုဖြစ်သည့် ၆အီး၁၉၁၁ နှင့် တီဂျီ၃၁၄ ကို စစ်ဆေးခဲ့သည်။ စစ်ဆေးမှုခံနေရသည့် လူနာများအဖြစ် ခရီးသည်များကို မသတ်မှတ်ထားကြောင်း တာဝန်ရှိသူများက ပြောသည်။
ခရီးသွားတစ်ဦးဦးသည် အဖျားကြီးခြင်း၊ ပြင်းထန်စွာ ခေါင်းကိုက်ခြင်း သို့မဟုတ် အသက်ရှုလမ်းကြောင်းဆိုင်ရာ ပြဿနာများကဲ့သို့ လက္ခဏာများပြသခြင်းတို ဖြစ်ပါက သီးခြားခွဲထားရန်နှင့် သတ်မှတ်ထားသော ဆေးရုံများသို့ လွှဲပြောင်းခြင်းအပါအဝင် သတ်မှတ်ထားသော စည်းမျဉ်းစည်းကမ်းများကို ချက်ချင်းအသက်ဝင်စေမည်ဖြစ်ကြောင်း အာဏာပိုင်များက အလေးပေးပြောကြားခဲ့သည်။
သီးခြားအနေဖြင့် ချူလာလောင်ကွန် တက္ကသိုလ် မှ ဒေါက်တာ ယောင် ပူဝိုရာဝန် ဦးဆောင်သော Center of Excellence က နီပါ ဗိုင်းရပ်စ်သည် အသစ်မဟုတ်ကြောင်းနှင့် တုပ်ကွေး သို့မဟုတ် ကိုဗစ်-၁၉ ကဲ့သို့ပင် ပျံ့နှံ့နိုင်ဖွယ်မရှိကြောင်း ပြောကြားခဲ့သည်။
တနင်္လာနေ့တွင် ဆိုရှယ်မီဒီယာပေါ်တွင် ရေးသားခြင်းတွင် နီပါ သည် ကူးစက်မှုနှုန်း နည်းပါးကြောင်း ၎င်းက ရှင်းပြခဲ့သည်။