မုဒုံမြို့နယ်အတွင်းမှ မီးဘေးသင့် အိမ်ခြေ (၅၀) ကျော်မှ မီးဘေးသင့်ပြည်သူများကို ထောက်ပံ့ကူညီမှုများ ပေးအပ်
မွန်ပြည်နယ်၊ မုဒုံမြို့နယ်၊ ကတုံးပေါ်ကျေးရွာ၌ ဇန်နဝါရီလ (၈) ရက် မွန်းလွဲပိုင်းက ဖြစ်ပွားခဲ့သည့် မီးလေ-ာင်ကျွမ်းမှုကြောင့် မီးဘေးသင့်ခဲ့သည့် အိမ်ခြေ (၅၇) လုံးမှ မီးဘေးသင့်ပြည်သူများကို လူကယ်ပြန် ဝန်ကြီးဌာနကိုယ်စားပြည်နယ် အစိုးရအဖွဲ့က သွားရောက်ထောက်ပံ့ကူညီပေးခဲ့ကြောင်း သိရသည်။
ယနေ့ ဇန်နဝါရီလ (၉) ရက် နံနက်ပိုင်းတွင် မွန်ပြည်နယ်အစိုးရအဖွဲ့က ကတုံးပေါ်ကျေးရွာ ဘုန်းကြီးကျောင်းတွင် ယာယီနေထိုင်နေသည့် မီးဘေးသင့်ပြည်သူများကို လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဦးစီးဌာန ကိုယ် စား မွန်ပြည်နယ် အစိုးရအဖွဲ့က သွားရောက်လှူဒါန်းခဲ့ခြင်း ဖြစ်ကြောင်း သိရသည်။
ထိုသို့ လှူဒါန်းရာတွင် အိမ်ထောင်စု တစ်စုလျှင် နှစ်သိန်းကျပ်၊ ပြည်သူတစ်ဦးလျှင် ဆန်ဖိုး (၅၀၀၀) ကျပ်နှုန်းနှင့် ကယ်ဆယ်ရေးပစ္စည်း (၁၆) မျိုးပါ ပလပ်စတစ်ပုံ (၅၇) ပုံး စုစုပေါင်း ငွေကျပ်သိန်း (၁၁၇,၂၄၀,၉၄၆) ကျပ်နှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ငွေကျပ် (၃၀) သိန်း၊ မွန် ပြည်နယ်ကြက်ခြေနီအသင်းက ထောက်ပံ့ရေးပစ္စည်းများလှူဒါန်းခဲ့ကြောင်း သိရသည်။
ထို့ပြင် မုဒုံမြို့နယ်ရှိ အလှူရှင်များအပါအဝင် မုဒုံမြို့နယ်ကယ်ဆယ်ရေးအသင်းများ၊ မော်လမြိုင်မြို့ကယ်ဆယ်ရေးအသင်းများကလည်း မီးဘေးသင့်ပြည်သူများအတွက် ဆန်၊ ရေသန့်၊ အဝတ်အစား၊ ခေါက်ဆွဲခြောက်များသွား ရောက်လှူဒါန်းရန် စီစဥ်လျက်ရှိကြောင်း သိရသည်။
