မာဒူရိုအား ဖမ်းဆီးလိုက်ပြီးနောက် ကမ္ဘာ့ရွှေဈေး ထပ်တက်
ဗင်နီဇွဲလားသမ္မတ မာဒူရိုကို အမေရိကန်ဖမ်းဆီးလိုက်ခြင်းက ပထဝီနိုင်ငံရေး အန္တရာယ်များနှင့် ပတ်သက်၍ ရင်းနှီး မြုပ်နှံသူများ၏ စိုးရိမ်မှုများကို မြင့်တက်လာစေခဲ့ပြီးနောက် ရွှေ၊ ငွေသတ္တုဈေးနှုန်းများ ထပ်မံမြင့် တက်ခဲ့ကြောင်း သိရသည်။
ရင်းနှီးမြုပ်နှံသူများက ငွေကြေးများကို ဘေးကင်း လုံခြုံသောနေရာများသို့ ရွှေ့ပြောင်းကြသဖြင့် ယနေ့ အာရှ ရွှေဈေး ကွက် အရောင်းအဝယ်ဖွင့်ချိန်၌ ရွှေဈေးသည် ၁ ဒ သမ ၈ ရာခိုင်နှုန်း မြင့်တက်ပြီး တစ်အောင်စလျှင် ဒေါ်လာ ၄၄၀၈ သို့ ရောက်ရှိသွားကာ ငွေသတ္တုဈေးလည်း ၃ ဒသမ ၅ ရာခိုင်နှုန်းနီးပါး တက်ခဲ့သည်။
ထိုအတောအတွင်း ရေနံစိမ်းဈေးနှုန်းမှာ အပြောင်းအလဲ မရှိသလောက်ဖြစ်ကာ အာရှတွင် ရှယ်ယာဈေးနှုန်းများ အ များအားဖြင့် ဈေးမြင့်သွားခဲ့သည်။
ရွှေနှင့် ငွေသတ္တုများသည် ၂၀၂၅ ခုနှစ်အတွင်း စံချိန်တင်မြင့်မားသော ဈေးနှုန်းများသို့ ရောက်ရှိခဲ့ပြီး နှစ်ကုန်ပိုင်းရက် အနည်းငယ်မှ အနည်းငယ်ပြန်ကျခဲ့သည်။
ထိုသို့ အနည်းငယ်ဈေးကျသွားခဲ့သော်လည်း ရွှေဈေးနှုန်းသည် ၆၀ ရာခိုင်နှုန်းကျော် မြင့်တက်ခဲ့ပြီး ၁၉၇၉ ခုနှစ်နောက်ပိုင်း တစ်နှစ်အတွင်း အကောင်းဆုံး အနေအထားသို့ ရောက်ရှိခဲ့ရာ ဒီဇင်ဘာ ၂၆ ရက်က အမြင့်ဆုံး ဒေါ်လာ ၄၅၄၉ ဒသမ ၇၁ အထိ ဈေးနှုန်း မြင့်တက်ခဲ့သည်။
ငွေကြေးအတိုးနှုန်းများ လျှော့ချမည်ဟူသော မျှော်လင့် ချက်များ၊ ဗဟိုဘဏ်များ၏ ရွှေချောင်းဝယ်ယူမှုများ နှင့် စီးပွားရေးမရေရာမှုများနှင့် ကမ္ဘာ့အရေး တင်းမာမှုများ အပေါ် ရင်းနှီးမြုပ်နှံသူများ၏ စိုးရိမ်မှု စသော အ ကြောင်းအရာများ က ရွှေဈေးကို အမြင့်သို့ တွန်းပို့ခဲ့သည်။
