မွန်ပြည်နယ် အကျဉ်းထောင်အသီးသီးမှ အကျဉ်းသား/သူ ၅၀၀ ကျော် လွတ်ငြိမ်းသက်သာခွင့် ပြန်လည်လွတ်မြောက်
ယမန်နေ့က ထုတ်ပြန်သည့် လွတ်ငြိမ်းချမ်းသာခွင့်အမိန့်အရ မွန်ပြည်နယ်အတွင်းရှိ အကျဉ်းထောင်၊ အချုပ်ထောင်၊ အလုပ်စခန်းများမှ အကျဉ်းသား/အကျဉ်းသူ (၅၁၂) ဦး ပြန်လည်လွတ်မြောက်လာကြောင်း သိရသည်။
နိုင်ငံတော်က နိုင်ငံတဝန်းရှိပြစ်ဒ-ဏ်ကျခံနေရသည့်အကျဉ်းသား/အကျဉ်းသူများ (၆,၀၀၀) ကျော်ကို ယမန်နေ့ ဇန်နဝါရီလ (၄) ရက်က လွတ်ငြိမ်းသက်သာခွင့်များပေးရာတွင် မွန်ပြည်နယ်တွင် အဆိုပါ အကျဉ်းသား/အကျဉ်းသူ (၅၁၂) ဦး ပါဝင်လာခြင်းဖြစ်သည်။
ကျိုက်မရောဗဟို အကျဉ်းထောင်မှ အကျဉ်းသား (၉) ဦးနှင့် အကျဉ်းသူ (၁၅) ဦး၊ မော်လမြိုင်အချုပ်ထောင်မှ အကျဉ်းသား (၆၆) ဦး၊ အကျဉ်းသူ (၇၆) ဦး၊ သထုံအကျဉ်းထောင်မှ အကျဉ်းသား (၁၁၈) ဦး လွတ်ငြိမ်းချမ်းသာခွင့်ဖြင့် လွတ်မြောက်လာကြောင်း သိရသည်။
ထို့အတူ အင်္ဂဘိုအလုပ်စခန်းမှ အကျဉ်းသား (၂၈) ဦး၊ ဇင်းကျိုက်ကုန်ထုတ်စခန်းမှအကျဉ်းသား (၂၂) ဦး၊ ရင်းငြိမ်ကုန်ထုတ်စခန်းမှ အကျဉ်းသား (၂၂) ဦးလည်း လွတ်မြောက်လာသည်။
အလားတူ အင်းဗြောင်ကုန်ထုတ်စခန်းမှ အကျဉ်းသား (၂၇) ဦး၊ တောင်စွန်းကုန်ထုတ်စခန်းမှ အကျဉ်းသား (၂၀) ဦး၊ မုပ္ပလင် (အမျိုးသား) ကုန်ထုတ်စခန်းမှ အကျဉ်းသား (၅၂) ဦးနှင့် မုပ္ပလင် (အမျိုးသမီး) ကုန်ထုတ်စခန်းမှ အကျဉ်းသူ (၅၆) ဦးတို့ အသီးသီးလွတ်မြောက်လာခဲ့ကြကြောင်း သိရသည်။
