ဘုရင်မနှင့်မိသားစုဝင်များနေထိုင်ခဲ့တဲ့ စံအိမ်ကြီးကို ပေါင် ၅.၇ သန်းဖြင့် ဝယ်ယူလာတဲ့ အဲဗာတန်နှင့် အင်္ဂလန်ဂိုးသမားပစ်ဖို့ဒ်
=======================
အင်္ဂလန်နှင့် အဲဗာတန်ဂိုးသမားဂျော်ဒန်ပစ်ဖို့ဒ်ဟာ နတ်ရွာစံသွားပြီဖြစ်တဲ့ ဘုရင်မနှင့် မိသားစုဝင်များ နေထိုင်ခဲ့ရာ စံအိမ်ကြီးအား ပေါင် ၅.၇ သန်းဖြင့် ဝယ်ယူလာပါတယ်။
ယင်းစံအိမ်မှာ ချီရှိုင်းယားတွင် တည်ရှိပြီး ၂.၅ ဧကကျယ်ဝန်းတဲ့ ခြံအတွင်း တည်ဆောက်ထားကာ အိပ်ခန်း ၈ ခန်းအထိ ပါဝင်ပါတယ်။
ယင်းစံအိမ်ကို ၁၈၆၀ ခုနှစ်တွင် တည်ဆောက်ခဲ့တာ ဖြစ်ပြီး အဲလစ်ဇဘတ်ဘုရင်မ(၂)၊ ခင်ပွန်းသည်မင်းသားဖီးလစ်နှင့် ချားလ်ဘုရင်တို့ နေထိုင်ခဲဖူးပါတယ်။
ယင်းစံအိမ်တွင် အိမ်တွင်း ရေကူးကန်ပါဝင်သလို ကား ၄ စီးဆန့် ဂိုထောင်လည်း ပါဝင်ပါတယ်။
အသက် ၃၁ နှစ်ရှိ ပစ်ဖို့ဒ်နှင့် ဇနီးသည်မီဂန်တို့ဟာ ယင်းစံအိမ်ကို ပြီးခဲ့တဲ့နှစ် ဧပြီလတုန်းက ဝယ်ယူခဲ့တာ ဖြစ်ပြီး နေအိမ်အသုံးအဆောင်ပစ္စည်းများကို ခေတ်မီပစ္စည်းများဖြင့် အစားထိုးမှု ပြုလုပ်ထားပါတယ်။
ယင်းဂန္ထဝင်စံအိမ်ကြီးမှာ ၂၀၁၈ ခုနှစ်တုန်းက ပစ်ဖို့ဒ် ဝယ်ယူခဲ့တဲ့ ချီရှိုင်းယားမှ ပေါင် ၂.၁ သန်းတန် နေအိမ်နှင့် မနီးမဝေးမှာ တည်ရှိပါတယ်။
အဲဗာတန်တွင် တစ်ပတ်လုပ်ခ ပေါင် ၁၅၀၀၀၀ ရရှိနေတဲ့ ပစ်ဖို့ဒ်ဟာ ယင်းစံအိမ်ကြီးတွင် ရုပ်ရှင်ရုံနှင့် ဂျာကူဇီခန်းပါ ထည့်သွင်းပြီး အဆင့်မြှင့်ထားပါသေးတယ်။
ပစ်ဖို့ဒ်နှင့် မီဂန်တို့ဟာ ကျောင်းတက်စဉ် တွေ့ဆုံ ချစ်ကြိုက်ခဲ့တာ ဖြစ်ပြီး ၂၀၂၀ ခုနှစ် မတ်လတွင် လက်ထပ်ခဲ့ကြပါတယ်။
သူဟာ ၂၀၁၇ ခုနှစ် ဇွန်လတွင် ဆန်းဒါးလန်းမှ အဲဗာတန်သို့ ပေါင်သန်း ၃၀ ဖြင့် ပြောင်းလာခဲ့သူ ဖြစ်ပြီး အင်္ဂလန်အသင်းအတွက် ၈၁ ပွဲကစားထားသူလည်း ဖြစ်ပါတယ်။
