ဇန်နဝါရီ ၁၁ ရက်တွင် ကျင်းပမည့် ရွေးကောက်ပွဲ အပိုင်း(၂)၌ရန်ကုန်တိုင်းဒေသကြီးအတွင်း မဲရုံ ၁၀၀၀ ကျော် ဖွင့် လှစ်ထားမည်
ရွေးကောက်ပွဲအပိုင်း (၂) အားရန်ကုန်တိုင်းဒေသကြီးအတွင်း မဲရုံ၁၀၀၀ ကျော် ဖွင့်လှစ်ကျင်းပမည်ဖြစ်ကြောင်း သိရသည်။
ရွေးကောက်ပွဲအား ၂၀၂၆ခုနှစ် ဇန်နဝါရီ ၁၁ ရက်တွင် အပိုင်း(၂)အဖြစ် ဆက်လက်ကျင်းပမည်ဖြစ်ပြီး ရန်ကုန်တိုင်းဒေသကြီးရှိဗဟန်းမြို့နယ်၊ ဒေါပုံမြို့နယ်၊ ပုဇွန်တောင်မြို့နယ်၊ လှိုင်မြို့နယ်၊ ရွှေပြည်
သာမြို့နယ်၊ ထန်းတပင်မြို့နယ်၊ လှည်းကူးမြို့နယ်၊ ပန်းဘဲတန်းမြို့နယ်၊ လသာမြို့နယ်၊ ကော့မှူးမြို့နယ်၊ကွမ်းခြံကုန်းမြို့နယ်၊ ဒဂုံမြို့သစ်(မြောက်ပိုင်း) မြို့နယ်၊တောင်ဥက္ကလာပမြို့နယ်၊ ကိုကိုးကျွန်းမြို့နယ်၊ ကြည့်မြင်တိုင်မြို့နယ်နှင့် အင်းစိန်မြို့နယ်တို့တွင် မဲရုံ ၁၇၁ ရုံ ဖွင့်လှစ်သွားမည်ဖြစ်ကြောင်း သိရ သည်။
ထို့ပြင် ဇန်နဝါရီ ၂၅ ရက်တွင် ကျင်းပမည့် ရွေးကောက် ပွဲအပိုင်း (၃) တွင်လည်း ရန်ကုန်တိုင်းဒေသကြီးရှိဒဂုံမြို့နယ်၊ လမ်းမတော်မြို့နယ်၊ ဆိပ်ကြီး/ခနောင်တိုမြို့နယ်၊ မြောက်ဥက္ကလာပမြို့နယ်၊ တာမွေမြို့နယ်၊ ရန်ကင်းမြို့နယ်၊ ကျောက်တန်းမြို့နယ်၊ ခရမ်းမြို့နယ်၊ သုံးခွမြို့နယ်၊စမ်းချောင်းမြို့နယ်၊ ဒလမြို့နယ်၊ ဒဂုံမြို့သစ် (ဆိပ်ကမ်း)မြို့နယ်၊ ဒဂုံမြို့သစ် (အရှေ့ပိုင်း) မြို့နယ်၊ မင်္ဂလာတောင်ညွန့်မြို့နယ်၊ သာကေတ မြို့နယ်၊ လှိုင်သာယာ (အနောက်ပိုင်း)နှင့် လှိုင်သာယာ (အရှေ့ပိုင်း) မြို့နယ်တို့တွင် မဲရုံ ၁၃၀၀ရုံ ဖွင့်လှစ် သွားမည်ဖြစ်ကြောင်း သိရသည်။
လွတ်လပ်၍ တရားမျှတသည့် ပါတီစုံဒီမိုကရေစီအထွေထွေရွေး ကောက်ပွဲအပိုင်း (၁) ကို ဒီဇင်ဘာ ၂၈ရက်ကကျင်းပပြီးစီးခဲ့ရာ ရန်ကုန်တိုင်းဒေသကြီးရှိ မြို့နယ်၁၂ ခုတွင် မဲရုံ ၁၃၁၃ ရုံဖွင့်လှစ်ခဲ့ရာ မဲဆန္ဒရှင် များကမြန်မာအီလက်ထရွန်နစ်မဲပေးစက်အသုံးပြုပြီး လွတ်လပ်စွာဖြင့် ဆန္ဒမဲ များပေးခဲ့ကြကြောင်း သိရသည်။
ရွေးကောက်ပွဲအပိုင်း (၁) ကို ရန်ကုန်တိုင်းဒေသကြီးရှိကမာရွတ်မြို့နယ်၊ ကျောက်တံတားမြို့နယ်၊ တိုက်ကြီးမြို့နယ်၊ တွံတေးမြို့နယ်၊ ဒဂုံမြို့သစ် (တောင်ပိုင်း) မြို့နယ်၊ဗိုလ်တထောင်မြို့နယ်၊ မရမ်းကုန်းမြို့နယ်၊ မင်္ဂလာဒုံမြို့နယ်၊ မှော်ဘီမြို့နယ်၊ သင်္ဃန်းကျွန်းမြို့နယ်၊ သန်လျင်မြို့နယ်နှင့် အလုံမြို့နယ်တို့၌ကျင်းပခဲ့ကြောင်း သိရသည်။
