အိန္ဒိယ GOAT Tour ခရီးစဉ်အတွင်း အိန္ဒိယဘီလျှံနာရဲ့ ဒေါ်လာ ၁.၂ သန်း တန်ကြေးရှိ အဖိုးတန်နာရီ လက်ဆောင်ရရှိခဲ့တဲ့ လီယွန်နယ်မက်ဆီ
==================

လီယွန်နယ်မက်ဆီဟာ အိန္ဒိယ GOAT Tour ခရီးစဉ်အတွင်းတွင် အိန္ဒိယဘီလျှံနာတစ်ဦးရဲ့ ဒေါ်လာ ၁.၂ သန်း တန်ကြေးရှိ အဖိုးတန်နာရီတစ်လုံး လက်ဆောင်ပေးခြင်းခံခဲ့ရပါတယ်။
အာဂျင်တီးနားစူပါစတားဟာ စနေနေ့တုန်းက တောင်အာရှနိုင်ငံသို့ ရောက်လာခဲ့ပြီး ၄ ရက်ကြာ လည်ပတ်ခဲ့ပါတယ်။
သူဟာ အိန္ဒိယ ၄ ရက်ခရီးတွင် ကာလ်ကတ္တား၊ ဟိုက်ဒရာဘတ်၊ မွမ်ဘိုင်း၊ နယူးဒေလီစတဲ့ မြို့ကြီး ၄ မြို့သို့ လည်ပတ်ခဲ့ပါတယ်။
သူဟာ အိန္ဒိယခရီးစဉ်အတွင်းတွင် ဂျမ်နာဂါရှိ e Vantara Global Wildlife Rescue and Conservation Centre သို့လည်း သွားရောက်လည်ပတ်ခဲ့ပါတယ်။
ယင်းစင်တာကို အာရှရဲ့အချမ်းသာဆုံးပုဂ္ဂိုလ် အိန္ဒိယဘီလျှံနာမူကပ်ရှ်အမ်ဘာနီက ပိုင်ဆိုင်ထားတာ ဖြစ်ပါတယ်။ သူ့ရဲ့သားက မက်ဆီ လာရောက်လည်ပတ်ချိန်မှာ အဖိုးတန်နာရီ လက်ဆောင်ပေးခဲ့တာလည်း ဖြစ်ပါတယ်။
အေနန့်အမ်ဘာနီဟာ ဘာစီလိုနာနှင့် ပီအက်စ်ဂျီစူပါစတားဟောင်းကို ဒေါ်လာ ၁.၂ သန်းတန်ဖိုးရှိ နာရီတစ်လုံး လက်ဆောင်ပေးခဲ့တာပါ။
ယင်းနာရီကို Richard Mille က ဖန်တီးထားတာ ဖြစ်ပြီး တစ်ကမ္ဘာလုံးတွင် ၁၂ လုံးတည်းသာ ရှိပါတယ်။ မက်ဆီကို ပေးလိုက်တာက RM 003-V2 GMT Tourbillon Asia Edition ဖြစ်ပါတယ်။
မက်ဆီဟာ ယင်းနာရီကို ဝတ်ဆင်ထားရာ အမ်ဘာနီရဲ့လက်ဆောင်ကို လက်ခံခဲ့တယ်လို့ ယူဆရပါတယ်။
မက်ဆီရဲ့ အိန္ဒိယခရီးစဉ်ကို အားလုံး အဆင်ပြေချောမွေ့ခဲ့တာတော့ မဟုတ်ပါဘူး။ အိန္ဒိယခရီးစဉ် ပထမနေ့တွင် Salt Lake Stadium တွင် ၅ မိနစ်ခန့်တည်းသ ပရိသတ်များနှင့် တွေ့ဆုံခဲ့ရပြီးနောက် ပရိသတ်များက မက်ဆီကို မမြင်တွေ့ရမှုနှင့်အတူ ဆူပူသောင်းကျန်းကာ ကွင်းကို ဖျက်ဆီးမှုကြောင့် ထွက်ပြေးခဲ့ရပါတယ်။