ပထမဆုံးအိုးထရက်ဖို့ဒ်ပွဲစဉ်တွင် ယူနိုက်တက်စံချိန်သစ်ရေးထိုးလာတဲ့ ဘာစီလိုနာပစ်မှတ် ယူနိုက်တက်ပါရမီရှင် ဂျေဂျေဂါဘရီရယ်
===================

ယူနိုက်တက်လူစာရင်းမှာ ရွန်းနီ မပါဝင်ပါဘူး။ ကာရစ် မပါဝင်ပါဘူး။ ဒါပေမယ့် လူတိုင်းပါးစပ်ဖျားမှာ ရှိနေတဲ့အရာကတော့ အခြားအမည်တစ်ခု ဖြစ်နေပါတယ်။
အိုးထရက်ဖို့ဒ်တွင် ပီတာဘရော့နှင့် ရင်ဆိုင်ရတဲ့ ယူနိုက်တက်ရဲ့ FA Youth Cup ပြိုင်ပွဲ လူစာရင်းမှာ ကိုင်ရွန်းနီနှင့် ဂျေဆီကာရစ်တို့ မပါဝင်လာပါဘူး။
ဒါပေမယ့် အသက် ၁၅ နှစ် အရွယ်ရှိ ဂျေဂျေဂါဘရီရယ်ဟာ FA Youth Cup တတိယအဆင့်ပွဲစဉ်မှာ တစ်လုံးတည်းသော ဂိုးအား သွင်းယူပြီး သူ့အမည်ကို တစ်ကမ္ဘာလုံးအား မိတ်ဆက်လာပါတယ်။
အောက်တိုဘာလကမှ အသက် ၁၅ နှစ်ပြည့်ခဲ့တဲ့ ဂျေဂျေဂါဘရီရယ်ဟာ ပွဲချိန် ၂၂ မိနစ်တွင် သမိုင်းဝင် ဂိုးအား သွင်းယူခဲ့တာလည်း ဖြစ်ပါတယ်။ သူဟာ ယင်းဂိုးကြောင့် FA Youth Cup သမိုင်းတွင် အသက်အငယ်ဆုံးဂိုးသွင်းယူသူ ဖြစ်လာပါတယ်။
ဂျေဂျေဂါဘရီရယ်ဟာ ယူနိုက်တက်အတွက် ၁၂ ပွဲကစားရာမှာ ၁၁ ဂိုးအထိ သွင်းထားနိုင်ပြီလည်း ဖြစ်ပါတယ်။ သူဟာ ဒီရာသီမှာ လီဗာပူးယူ-၁၈ နှင့်ပွဲမှာ ဟက်ထရစ်သွင်းနိုင်ခဲ့ပါသေးတယ်။
ဂါဘရီရယ်ဟာ ကျောင်းအတန်း Year 10 မှာ စာသင်ကြားနေဆဲ ဖြစ်ပေမယ့်လည်း ယူနိုက်တက်အကယ်ဒမီတွင် ခြေစွမ်းပြကစားနိုင်မှုနဲ့အတူ အင်စတာဂရမ်မှာ ဖော်လိုဝါ ၃ သိန်းကျော်အထိ ပိုင်ဆိုင်ထားပြီးလည်း ဖြစ်ပါတယ်။ ဒါ့အပြင် သူဟာ ပါရမီရှင်တစ်ဦးဖြစ်တာနဲ့အညီ အသက် ၁၁ နှစ်အရွယ်ကတည်းက Nike နှင့် စပွန်ဆာစာချုပ်ချုပ်ဆိုထားနိုင်သူလည်း ဖြစ်ပါတယ်။
သူဟာ ယူနိုက်တက်အကယ်ဒမီရဲ့အလားအလာအကောင်းဆုံးကစားသမားဖြစ်တာနဲ့အညီ ဘာစီလိုနာရဲ့ စိတ်ဝင်စားခြင်းလည်း ခံနေရပါတယ်။
ယူနိုက်တက်ကလည်း ဂျေဂျေဂါဘရီရယ်ကို အသင်းတွင် ဆက်ထိန်းထားနိုင်ရေး အစွမ်းကုန် ကြိုးပမ်းနေပါတယ်။
ယူနိုက်တက်နည်းပြရူဘင်အမိုရမ်ဟာ ဂါဘရီရယ်နှင့် ၂ ကြိမ်တိုင်တိုင် တွေ့ဆုံ ဆွေးနွေးမှု ပြုလုပ်ခဲ့ပြီး ဖြစ်သလို ယခုရာသီတွင် ပထမအသင်းနှင့်အတူ ၂ ကြိမ်တိုင်တိုင် လေ့ကျင့်ခန်းဆင်းခွင့်ပေးထားပြီးလည်း ဖြစ်ပါတယ်။
သူဟာ အဲဗာတန်ကို ရှုံးနိမ့်တဲ့ပွဲစဉ်တွင် ယူနိုက်တက်ဒါရိုက်တာ Box မှ ကြည်ခွင့်ရခဲ့ပါတယ်။
မနေ့ညကပွဲမှာတော့ သူဟာ ကစားသမားဘဝတစ်လျှောက် ပထမဆုံးအကြိမ်အဖြစ် အိုးထရက်ဖို့ဒ်ကွင်းမှာ ကစားခဲ့ရာမှာတော့ FA Youth Cup သမိုင်းတွင် အသက်ငယ်ဆုံးဂိုးသွင်းရှင်ဖြစ်စေမယ့် ဂိုးကို သွင်းယူကာ သမိုင်းတွင်စေမယ့် ဂိုးအား သွင်းယူလာခဲ့ပြီလည်း ဖြစ်ပါတယ်။