ပို့ကုန်ရငွေနှင့် ပတ်သက်ပြီး မကြာခင် ရာခိုင်နှုန်းလျော့ချပေးမည်ဟု ယာယီသမ္မတဆို
---------------------------------------
ပြည်ပကို ပို့ကုန်တင်ပို့တာက ရရှိတဲ့ ပို့ကုန်ရငွေနဲ့ ပတ်သက်ပြီး မကြာခင်မှာ ရာခိုင်နှုန်းလျော့ချပေးသွားမယ်လို့နိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်က ပြောပါတယ်။
နိုဝင်ဘာလ ၃၀ ရက် နေ့လယ်ပိုင်းက ရန်ကုန်မြို့ရှိ အမျိုးသားကဇာတ်ရုံမှာ ကျင်းပတဲ့ ပြည်ထောင်စုသမ္မတ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်ရဲ့ (၃၄) ကြိမ်မြောက်နှစ်ပတ်လည်အသင်းသားစုံညီအစည်းအဝေးကို တက်ရောက်အမှာစကားပြောကြားချိန်မှာ ယာယီသမ္မတက အခုလို ထည့်သွင်းပြောကြားခဲ့တာပါ။
လက်ရှိနိုင်ငံမှာ အမေရိကန်ဒေါ်လာ ဘီလီယံ၂၀ ကျော်လောက်ရှိပေမယ့် ကုန်သွယ်မှုကရတဲ့ငွေကို သာ အားကိုးလုပ်ဆောင်နေရတာဖြစ်တဲ့အတွက် လိုအပ်တဲ့ စားအုန်းဆီ ၊ ဆေးဝါးပစ္စည်း၊ အရေးကြီးကုန်ပစ္စည်းတွေအတွက် တဖြည်းဖြည်းဖြေလျော့ပေးထားပြီး မကြာခင် နိုင်ငံခြားငွေ ရာခိုင်နှုန်းလျော့ချပေးဖို့ရှိတယ်လို့ ဆိုပါတယ်။
