ဂါဇာလူမျိုးသုဉ်းသတ်ဖြတ်မှုအတွက် အစ္စရေးကို အပြစ်တင်လာတဲ့အပြင် နိုင်ငံတကာပွဲ ပိတ်ပင်ရန် ဂွါဒီယိုလာတောင်းဆိုလာ
=======================
ပက်ဂွါဒီယိုလာဟာ ပါလက်စတိုင်းတွင် လူမျိုးသုဉ်းသတ်ဖြတ်မှုအတွက် အစ္စရေးကို ပြင်းထန်တဲ့ ပြစ်တင်ရှုံ့ချမှု ဖြစ်လာပြီး နိုင်ငံတကာခေါင်းဆောင်များကိုလည်း အရေးမှု ပြုလုပ်ရန် တောင်းဆိုမှု ပြုလုပ်လာပါတယ်။
ယနေ့ အင်္ဂါနေ့တွင် ဘာစီလိုနာရှိ luis Companys stadium တွင် ACT x Palestine ရန်ပုံငွေခြေစမ်းပွဲစဉ်အဖြစ် ကာတာလိုနီးယားနှင့် ပါလက်စတိုင်းတို့ ခြေစမ်းပွဲ ကစားကြပါမယ်။ ယင်းပွဲအတွက် လက်မှတ် ၂၅၀၀၀ ကျော် ရောင်းချထားရပြီးလည်း ဖြစ်ပါတယ်။
ယင်းပွဲမှာ ရရှိလာတဲ့ အမြတ်အစွန်းများကို ဂါဇာတွင် ဒုက္ခရောက်နေကြတဲ့ ပြည်သူများအတွက် လူသားချင်စာနာမှု ထောက်ပံ့မှုများ ပြုလုပ်လာမယ့်အပြင် ပြန်လည်တည်ဆောက်ရေးတို့အတွက် အသုံးပြုသွားပါမယ်။
အစ္စရေးဟာ ၂၀၂၃ ခုနှစ် နိုဝင်ဘာလတုန်းက ဟားမက်စ်တို့က ကျူးကျော်ကာ လူပေါင်း ၁၂၀၀ ကျော်ကို သတ်ဖြတ်ပြီး လူ ၂၅၀ ဝန်းကျင်ကို ဓားစာခံအဖြစ် ဖမ်းဆီးသွားပြီးနောက် ပါလက်စတိုင်းကို အကြီးအကျယ် တိုက်ခိုက်လာခဲ့ပြီး လူပေါင် ၇၀၀၀၀ ကျော် သေဆုံးထားပြီး ဖြစ်ပါတယ်။
အစ္စရေးရဲ့ ဂါဇာတိုက်ခိုက်မှုအား ယူအန်က လူမျိုးသုဉ်းသတ်ဖြတ်မှုအဖြစ် တရားဝင် ကြေညထားပြီး တဖက်တွင် အမေရိကန်သမ္မတဒေါ်နယ်ထရမ့်က အချက် ၂၀ ပါ ငြိမ်းချမ်းရေးအစီအစဉ်ဖြင့် ငြိမ်းချမ်းရေး ရရှိရေး လုပ်ဆောင်ထားပါတယ်။
ဒါပေမယ့် ဂါဇာမှာတော့ နေရာတိုင်းလိုလို အစ္စရေးရဲ့ တိုက်ခိုက်မှုကြောင့် ထိခိုက်ပျက်စီးနေပြီး ဖြစ်ပါတယ်။
ဂွါဒီယိုလာဟာ အပြစ်ပယ်ခံ ပါလက်စတိုင်းအား ကူညီနိုင်ရေးအတွက် ACT x Palestine ခြေစမ်းပွဲအား လာရောက်ကြည့်ရှုပြီး စည်းလုံးညီညွှတ်မှုအား ပြသရန် တောင်းဆိုထားပါတယ်။
ဂွါဒီယိုလာက "ဒီပွဲက ရန်ပုံငွေပွဲတစ်ပွဲ ဆိုတာထက် ပိုပါတယ်။ ဒီကနေ့မှာ လူတိုင်း အရာတိုင်းကို သိနေကြပါပြီ။ ဒီပွဲက ပါလက်စတိုင်းသားတွေကို ကမ္ဘာ့ကြီးရဲ့ အစိတ်အပိုင်းတစ်ရပ်အဖြစ် လူတွေ ဂရုစိုက်တယ်ဆိုတာ ပြသမယ့်ပွဲပါ။ ကမ္ဘာကြီးက ပါလက်စတိုင်းကို ပစ်ပယ်ထားပါတယ်။ ကျွန်တော်တို့ ဘာမှ မလုပ်ပေးနိုင်ခဲ့ကြဘူး။ ပါလက်စတိုင်းမှာ မွေးဖွားတာက အပြစ်တစ်ခုအဖြစ် အပြစ်တင်လို့ မရပါဘူး။ ကျွန်တော်တို့ အဲဒီမှာ ရှိတဲ့သူတွေအားလုံး ကို ဖျက်ဆီးခွင့်ပေးခဲ့ကြတယ်။ ပျက်စီးပြီးသွားပြီ။ ပြန်မပြင်နိုင်တော့ပါဘူး။ တစ်ဦးတစ်ယောက်တည်းက ဂါဇာ လူမျိုးသုဉ်းသတ်ဖြတ်မှုကို မတားဆီးနိုင်ပါဘူး။ ကျုပ်တို့ သားသမီးတွေလည်း အဲဒီမှာ ရှိနေနိုင်တယ်။ အဲဒီမှာ မွေးပြီး ရိုးရှင်းစွာ သတ်ဖြတ်ခံရနိုင်တယ်။ ကမ္ဘာ့ခေါင်းဆောင်တွေအပေါ် ယုံကြည်မှု နည်းသွားပါပြီ။ သူတို့က ကိုယ့်အာဏာတည်မြဲရေးပဲ အစွမ်းကုန်လုပ်ကြတယ်"လို့ ပြောကြားသွားပါတယ်။
ဂွါဒီယိုလာဟာ ဂါဇာတွင် လူမျိုးသုဉ်းသတ်ဖြတ်မှု ကျူးလွန်တဲ့ အစ္စရေးအား နိုင်ငံ့တကာဘောလုံးပြိုင်ပွဲမှ ပိတ်ပင်ရန် ယူအီးအက်ဖ်အေနှင့် ဖီဖာတို့အား တိုက်တွန်းလာတာလည်း ဖြစ်ပါတယ်။
ဖီဖာနှင့် ယူအီးအက်ဖ်အေဟာ ယူကရိန်းကို ကျူးကျော်စစ်ဆင်နွဲတဲ့ ရုရှားအား နိုင်ငံတကာပြိုင်ပွဲမှ ပိတ်ပင်ခဲ့ပေမယ့်လည်း အစ္စရေးကို ပိတ်ပင်ရေးအတွက်မူ နောက်တွန့်နေပါတယ်။
တဖက်တွင် အမေရိကန်သမ္မတဒေါ်နယ်ထရမ့်က အစ္စရေးကို နိုင်ငံတကာပြိုင်ပွဲမှ ပိတ်ပင်လာမယ့် မည်သည့် လုပ်ဆောင်မှုမျိုးကိုမဆို အစွမ်းကုန်ခုခံကာကွယ်မယ်လို့ ဆိုထားပါတယ်။
