တိုက်ခိုက်ခံရစဉ် ခေါင်းတွင် ကားသော့စိုက် ဒဏ်ရာရရှိမှုကြောင့် ဆေးရုံသို့ ပြေးခဲ့ရတဲ့ ဘောလုံးသမား
=====================
ဘောလုံးသမားတစ်ဦးဟာ ရန်ပွဲတစ်ခုတွင် ခေါင်းတွင် သော့စိုက်ဝင်နေခဲ့ပြီးနောက် ဆေးရုံသို့ ပြေးခဲ့ရပါတယ်။
General Lamadrid မှ အလယ်တန်းကစားသမားဂျိုနသန်စမစ်ဟာ အာဂျင်တီးနားတွင် ကစားတဲ့ အမျိုးသမီးပွဲတစ်ပွဲတွင် အံ့ဩသင့်စရာကောင်းတဲ့ ဒဏ်ရာရရှိခဲ့တာလည်း ဖြစ်ပါတယ်။
အသက် ၃၅ နှစ်ရှိ စမစ်ဟာ သမီးဖြစ်သူနှင့်အတူ ယူ-၁၆ ပွဲကို သွားကြည့်ခဲ့တာ ဖြစ်ပြီး ပွဲကြည့်စင်တွင် မိဘများ ရန်ဖြစ်တာနှင့် ကြုံခဲ့တာလည်း ဖြစ်ပါတယ်။
အခြေအနေမှာ ထိန်းသိမ်းမရတဲ့ အခြေအနေဖြစ်ခဲ့ပြီး အလယ်တန်းကစားသမားမှာလည်း ခေါင်းတိုက် ကားသော့စိုက်ဝင်တဲ့ ဒဏ်ရာရရှိခဲ့ပါတယ်။
စမစ်ဟာ ချက်ချင်းပင် ဆေးရုံသို့ ပြေးခဲ့ရပြီး ဦးခေါင်းခွံကို ခွဲစိတ်ကုသမှု ပြုလုပ်ခဲ့ရပါတယ်။ ကံကောင်းတာက ကားသော့မှာ ဦးခေါင်းအတွင်းပိုင်းကို မထိခိုက်ခဲ့ပါဘူး။ ခွဲစိတ်ကုသမှုကလည်း အဆင်ပြေ အောင်မြင်ခဲ့ပါတယ်။
ဒါအပြင် စမစ်ကို တိုက်ခိုက်ခဲ့သူမှာ ဂါစတန်အိုမာအယ်ဗာရက်ဇ်ဆိုသူ ဖြစ်ပြီး ဖမ်းဆီးထိန်းသိမ်းထားနိုင်ခဲ့ပြီ ဖြစ်ပါတယ်။
ရဲတပ်ဖွဲ့ဟာ အဓိကသက်သေ ကားသော့ကို အသုံးပြုကာ အယ်ဗာရက်ဇ်ကို ဖမ်းဆီးနိုင်ခဲ့တာလည်း ဖြစ်ပါတယ်။
အသက် ၄၀ နှစ်ရှိ အယ်ဗာရက်ဇ်မှာလည်း ရန်ပွဲတွင် မျက်နှာဒဏ်ရာများ ရရှိခဲ့ကြောင်း တွေ့ရပါတယ်။
စမစ်ဟာ အာဂျင်တီးနားအောက်တန်းလိဂ်များတွင် ကျင်လည်ကစားပြီးနောက် ဇန်နဝါရီလတုန်းက စတုတ္ထတန်းကလပ် Lamadrid သို့ ပြောင်းလာခဲ့သူ ဖြစ်ပါတယ်။
