ကမ္ဘာ့ဖလားခြေစစ်ပွဲ အောင်မြင်ပြီးနောက် နော်ဝေတစ်သင်းလုံးကို လက်ဆောင်ဝယ်ပေးလာတဲ့ အာလင်းဟာလန်း
===================
အာလင်းဟာလန်းဟာ ကြာသပတေးနေ့တုန်းက အက်စ်တိုးနီးယားကို ၄-၁ ဂိုးဖြင့် အနိုင်ရကာ ကမ္ဘာ့ဖလားခြေစစ်ပွဲအောင်မြင်ပြီးနောက် နော်ဝေတစ်သင်းလုံးအား လက်ဆောင်ဝယ်ပေးလာပါတယ်။
ယင်းပွဲတွင် အက်သလက်တီကိုတိုက်စစ်မှူးအလက်ဇန္ဒားဆော်လော့က မိနစ် ၅၀ နှင့် ၅၂ မိနစ်တို့တွင် ၂ ဂိုးသွင်းခဲ့ပြီး အသင်းခေါင်းဆောင် အာလင်းဟာလန်းကလည်း ၆ မိနစ်အတွင်း ၂ ဂိုးသွင်းခဲ့ပါတယ်။
ဟာလန်းဟာ နော်ဝေအတွက် နောက်ဆုံး ၃ ပွဲတွင် ၁၀ ဂိုးအထိ သွင်းထားနိုင်ပြီး ယခုရာသီတွင် ကလပ်နှင့် နိုင်ငံအတွက် ဂိုး ၃၀ အထိ သွင်းထားနိုင်ပြီ ဖြစ်ပါတယ်။
ဟာလန်းဟာ နော်ဝေအတွက် အသက် ၁၈ နှစ်တွင် ပထမဆုံးပွဲ ကစားခွင့်ရရှိပြီးနောက် ၄၇ ပွဲတွင် ၅၃ ဂိုးအထိ သွင်းထားနိုင်ပြီ ဖြစ်ပါတယ်။
နော်ဝေဟာ ယင်းနိုင်ပွဲကြောင့် ကမ္ဘာ့ဖလားခြေစစ်ပွဲအောင်မြင်ရန် သေချာသွားခဲ့ပြီလည်း ဖြစ်ပါတယ်။ အုပ်စုဒုတိယနေရာမှာ ရပ်တည်နေတဲ့ အီတလီအနေဖြင့် ယနေ့ည နော်ဝေနှင့်ပွဲတွင် ၁၇ ဂိုးပြတ် အနိုင်ရရှိမှသာလျှင် ခြေစစ်ပွဲအောင်မြင်လာတော့မှာလည်း ဖြစ်ပါတယ်။
နော်ဝေဟာ ကမ္ဘာ့ဖလား ၃ ကြိမ်သာ ခြေစစ်ပွဲ အောင်မြင်ဖူးပြီး ယူရိုလည်း ၁ ကြိမ်သာ အောင်မြင်ဖူးပါတယ်။
ဟာလန်းဟာ ခြေစစ်ပွဲအောင်မြင်ပြီးနောက် နော်ဝေကစားဖော်များအတွက် ချီးစ်ဘာဂါ ၇၀ မှာယူကာ ကျွေးမွေးခဲ့ပါတယ်။
