ဘရာဇီးနိုင်ငံက ဆရာဝန်တွေဟာ လွန်ခဲ့တဲ့ရက်တွေက ဇီဝဗေဒဆိုင်ရာ အလွန်ရှားပါးတဲ့ ဖြစ်ရပ်တစ်ခုကို အတည်ပြုခဲ့ပါတယ် အဲ့တာကတော့ အသက် ၁၉ နှစ်အရွယ် အမျိုးသမီးတစ်ဦးဟာ ဖခင်နှစ်ဦးနဲ့ ရတဲ့ အမွှာကလေးငယ်တွေကို မွေးဖွားခဲ့ခြင်း ဖြစ်ပါတယ် ဒီဖြစ်စဉ်ဟာ မွေးဖွားမှု အကြိန်ရေတစ်သန်းမှာ တစ်ကြိမ်အောက်သာ ဖြစ်ပွါးနိုင်တယ်လို့ သိပ္ပံပညာရှင်တွေက ခန့်မှန်းထားကြပါတယ်
ဒီဖြစ်စဉ်ကို Heteropaternal SuperFecundation လို့ခေါ်ပြီး မိခင်ရဲ့ မတူညီတဲ့ မျိုးဥနှစ်လုံးဟာ တစ်ပြိုင်နက်တည်း ဒါမှမဟုတ် မျိုးဥထွက်ချိန် တူညီသောကာလအတွင်းမတူညီတဲ့ ဖခင်နှစ်ဦးထံမှ သုက်ပိုးတွေနဲ့ သန္ဓေတည်ခြင်းကြောင့် ဖြစ်ပွားရခြင်း ဖြစ်ပါတယ်
ဒါဟာ အလွန်ရှားပါးတဲ့ သန္ဓေတည်ခြင်း ဖြစ်စဉ်တစ်ခုဖြစ်ပြီး ၎င်းဖြစ်စဉ်ဖြစ်ပွားရန်အတွက် အဆင့်သုံးဆင့် ပြည့်စုံရန် လိုအပ်ပါတယ် ပုံမှန်အားဖြင့် အမျိုးသမီးတစ်ဦးဟာ တစ်လလျှင် မျိုးဥ တစ်လုံး သာ ထွက်လေ့ရှိပါတယ် SuperFecundation ဖြစ်စေရန်အတွက်မူ ခန္ဓာကိုယ်ဟာ ပုံမှန်မဟုတ်ဘဲ မျိုးဥနှစ်လုံး ဒါမှမဟုတ် အဲ့ဒီထက်ပိုတဲ့ မျိုးဥတွေကို တစ်လတာအတွင်း အချိန်တိုအတွင်း ထုတ်လွှတ်ရမှာဖြစ်ပါတယ်
လူ့ရဲ့သုက်ပိုးတွေဟာ အမျိုးသမီးရဲ့မျိုးပွါးလမ်းကြောင်းအတွင်းမှာ ပုံမှန်အားဖြင့် ရက်အနည်းငယ် (အများအားဖြင့် ၃ ရက်မှ ၅ ရက်အထိ) ရှင်သန်နိုင်စွမ်းရှိပါတယ် မိခင်ဟာ မျိုးဥနှစ်လုံးထွက်ချိန် (Ovulation Period) ဝန်းကျင်အတွင်း မတူညီတဲ့ အမျိုးသားနှစ်ဦးနဲ့ လိင်ဆက်ဆံခဲ့လို့ဖြစ်ရတာပါ ပထမမျိုးဥကို ပထမဖခင်ရဲ့ သုက်ပိုးက မျိုးအောင်ပြီး ဒုတိယဖခင်ရဲ့ သုက်ပိုးတွေက ဒုတိယမျိုးဥကို မျိုးအောင်သွားခြင်းဖြစ်ပါတယ် ဒီမျိုးအောင်ခြင်းဖြစ်စဉ်နှစ်ခုဟာ နာရီပိုင်းမှ ရက်ပိုင်းအတွင်း ဖြစ်ပွါးရပါတယ်
အမွှာကလေးငယ်တွေဟာ မိခင်တစ်ဦးတည်းမှ မွေးဖွားလာပေမဲ့လည်း ၎င်းတို့ဟာ မတူညီတဲ့ မျိုးရိုးဗီဇ (DNA) ကို ဖခင်တွေထံမှ ရရှိထားခြင်းဖြစ်ပါတယ် ဒီအမွှာတွေဟာ မတူညီတဲ့ အမွှာ (Fraternal Twins) တွေဖြစ်တဲ့အတွက် ၎င်းတို့မှာ မတူညီတဲ့လိင် (ဥပမာ- ယောက်ျားလေး နဲ့ မိန်းကလေး) ရှိနိုင်သလို ရုပ်သွင်အသွင်အပြင်တွေ (ဥပမာ- အသားအရောင် ဒါမှမဟုတ် မျက်နှာသွင်ပြင်) တို့ဟာလည်း မတူညီဘဲ အစ်ကို/မောင်နှမ အဆင့်သာ မျိုးဗီဇချင်း ဆက်နွှယ်မှုရှိပါတယ်
၎င်းတို့ဟာ မအေတူ ဖအေကွဲ တွေလို မျိုးဗီဇ ၅၀% သာ တူညီကြပါတယ် ဘရာဇီးနိုင်ငံကဖြစ်ရပ်မှာ DNA စစ်ဆေးမှုက ဒီအလွန်ရှားပါးတဲ့ ဖြစ်ရပ်ကို တရားဝင် အတည်ပြုခဲ့ခြင်းဖြစ်ပါတယ် ဒီဖြစ်စဉ်ဟာ ခွေး၊ ကြောင်၊ နွား စတဲ့ သားပေါက်များတဲ့ တိရစ္ဆာန်တွေမှာ ပိုမိုအဖြစ်များကြောင်း သိရပါတယ်
