ဝန်ကြီးချုပ်ဟောင်း ပေတုန်တန် နုတ်ထွက်ပြီးနောက် ဖြူထိုင်းပါတီက ခေါင်းဆောင်သစ်ခန့်အပ်
ထိုင်းနိုင်ငံရဲ့ အကြီးဆုံးနိုင်ငံရေးပါတီများထဲမှ တစ်ခုဖြစ်တဲ့ ဖြူထိုင်းပါတီခေါင်းဆောင်အဖြစ် ဝန်ကြီးချုပ်ဟောင်း ပေတုန်တန်ရှင်နာဝပ်ထရာ နုတ်ထွက်ပြီးနောက် ပါတီခေါင်းဆောင်သစ်ကို ရွေးချယ်ခန့်အပ်လိုက်ပါတယ်။
လက်ရှိမှာတော့ ဖြူထိုင်းပါတီဝင်တွေဟာ ဘဏ္ဍာရေးဝန်ကြီးဟောင်း ဂျူလာပန် အမွန်ဗီဗက်ကို ပါတီခေါင်းဆောင်သစ်အဖြစ် ရွေးကောက်တင်မြှောက်ခဲ့ကြောင်း ပါတီ၏တရားဝင် Facebook စာမျက်နှာမှာ အတည်ပြုထုတ်ပြန်ထားပါတယ်။
ဒီပါတီကို ဝန်ကြီးချုပ်ဟောင်း သက်ဆင်ရှင်နာဝပ် တည်ထောင်ခဲ့တာဖြစ်ပြီး သက်ဆင်ရဲ့ သမီးဖြစ်သူ အသက် ၃၉ နှစ်အရွယ် ပေတုန်တန်ရှင်နာဝပ်ထရာဟာ ကမ္ဘောဒီးယားနဲ့ နယ်စပ်ပြဿနာမှာ ကျင့်ဝတ်ချိုးဖောက်တယ်ဆိုကာ ဝန်ကြီးချုပ်အဖြစ်ကနေ ဩဂုတ်လအတွင်းက ထုတ်ပယ်ခံခဲ့ရပါတယ်။
ဒါဟာ ကမ္ဘောဒီးယားဝန်ကြီးချုပ်ဟောင်း ဟွန်ဆန်နဲ့ တယ်လီဖုန်းအသံဖိုင် ပေါက်ကြားပြီးနောက် အခုလို ထုတ်ပယ်ခံခဲ့ရတာဖြစ်ပြီး သူမဟာ ပြီးခဲ့တဲ့ သီးတင်းပတ်တွေအတွင် ပါတီရဲ့ အကြီးအကဲအဖြစ်ကနေလည်း နုတ်ထွက်ခဲ့ပါတယ်။
ပါတီအကြီးအကဲအဖြစ် သူမရဲ့ နုတ်ထွက်မှုဟာ ဖြူထိုင်းပါတီအပေါ် ဖြစ်နိုင်ချေရှိတဲ့ ဥပဒေဆိုင်ရာစိန်ခေါ်မှုတွေကနေ ကာကွယ်ဖို့ မဟာဗျူဟာမြောက် လှုပ်ရှားမှုတခုဖြစ်ပြီး ရှင်နာဝပ်မိသားစုရဲ့ ထိုင်းနိုင်ငံရေးမှာ ဆယ်စုနှစ်များစွာ လွှမ်းမိုးမှုကို အဆုံးသတ်စေနိုင်တယ်လို့ စောင့်ကြည့်လေ့လာသူတွေက သုံးသပ်ထားပါတယ်။
