ဘဏ္ဍာရေးပြဿနာကြုံနေရတဲ့ ကလပ်မှ ထွက်ခွာလာမှာဖြစ်ပြီး ၁၃ ခုမြောက် ကလပ်သစ် ရှာဖွေနေရတဲ့ ရီးရဲလ်မက်ဒရစ်စတားဟောင်း
====================

ရီးရဲလ်မက်ဒရစ်အလယ်တန်းကစားသမားဟောင်းဂျိမ်းစ်ရိုဒရီဂွက်ဇ်ဟာ ဘဏ္ဍာရေးပြဿနာကြောင့် 2025 Apertura ပြိုင်ပွဲအလွန် စာချုပ်သက်တမ်းတိုးလာနိုင်ခြင်း မရှိတဲ့ ကလပ်လီယွန်နှင့် လမ်းခွဲလာတော့မှာလည်း ဖြစ်ပါတယ်။

ကိုလံဘီယာလက်ရွေးစင်ကစားသမားဟာ ကလပ်လီယွန်မှ ထွက်ခွာလာတော့မှာ ဖြစ်ပြီး မက္ကကိုနှင့် ပြည်ပကလပ်များရဲ့ ကမ်းလှမ်းမှုအား တံခါးဖွင့်ထားကာ ကစားသမားဘဝ ၁၃ ခုမြောက် ကလပ်သို့ ပြောင်းလာတော့မှာလည်း ဖြစ်ပါတယ်။

သူဟာ မက္ကဆီကိုကလပ် ကလပ်လီယွန်တွင် တစ်နှစ်ကြာသာ ကစားပြီးနောက် ထွက်ခွာလာမှာလည်း ဖြစ်ပါတယ်။

ကလပ်လီယွန်ဟာ ကလပ်ရဲ့ ဘဏ္ဍာရေးပိုင်ရော ကွင်းတွင် ရလဒ်ပိုင်းပါ မကောင်းမွန်မှုနှင့်အတူ ဂျိမ်းစ်ရိုဒရီဂွက်ဇ်ကို စာချုပ်သက်တမ်းမတိုးရန် ဆုံးဖြတ်ခဲ့တာပါ။

ကလပ်လီယွန်ဟာ နွေရာသီ ကလပ်ကမ္ဘာ့ဖလားပြိုင်ပွဲမှ ထုတ်ပယ်ခြင်းခံခဲ့ရသလို လက်ရှိအချိန်တွင် အမှတ်ပေးဇယားအဆင့် ၁၇ နေရာမှာလည်း ရပ်တည်နေရပါတယ်။

အသက် ၃၄ နှစ်ရှိ ကိုလံဘီယာအသင်းခေါင်းဆောင်ဟာ ကလပ်လီယွန်အတွက် လိဂ်ပွဲ ၁၂ ပွဲကစားထားရာမှာ ၃ ဂိုးတည်းသာ သွင်းထားနိုင်ပါတယ်။ သူဟာ ကလပ်အတွက် စုစုပေါင်း ၃၂ ပွဲကစားထားရာမှာ ၅ ဂိုးတည်းသာ သွင်းထားနိုင်ပါတယ်။

သူဟာ ကိုလံဘီယာကလပ် အန်ဗီဂါဒိုတွင် ကစားသမားဘဝစတင်ပြီးနောက် ပေါ်တို၊ မိုနာကို၊ ရီးရဲလ်မက်ဒရစ်၊ ဘိုင်ယန်မြူးနစ်၊ အဲဗာတန်အပါအဝင် ကလပ် ၁၂ ခုတို့တွင် ကျင်လည်ခဲ့ဖူးပါတယ်။

သူဟာ ၂၀၁၄ ကမ္ဘာဖလားရွှေဖိနပ်ဆု၊ ကမ္ဘာ့အကောင်းဆုံးဂိုးဆု ဆွတ်ခူးဖူးသလို ချန်ပီယံလိဂ်ဖလားလည်း ၂ ကြိမ် ဆွတ်ခူးထားပါတယ်။