ကားအမြန်မောင်းမှုကြောင့် အမှု ရင်ဆိုင်ရမယ့် ဝေါလ်ကားရဲ့ ဇနီးသည်အန်နီကယ်နာ
=================
မန်စီးတီးနောက်ခံလူဟောင်းကိုင်လီဝေါလ်ကားရဲ့ ဇနီးသည်အန်နီကယ်နာဟာ ယာဉ်မောင်းနေစဉ် ဖုန်းအသုံးပြုမှုကြောင့် အရေးယူခံရပြီး တစ်လအကြာမှာပင် ပေါင် ၁၀၀၀၀၀ တန်ဇိမ်ခံကားဖြင့် ကားအမြန်မောင်းနှင်မှုကြောင့် ထပ်မံ အမှုရင်ဆိုင်လာရတော့မှာ ဖြစ်ပါတယ်။
ကယ်နာဟာ ကားအမြန်မောင်းမှုအတွက် ၂၀၂၆ ခုနှစ် မတ်လတွင် အမှုရင်ဆိုင်ရမှာ ဖြစ်ပါတယ်။ သူမဟာ အပြစ်ထင်ရှားကြောင်း တွေ့ရှိပါက ယာဉ်မောင်းခွင့်ပိတ်ပင်ခြင်းခံလာရနိုင်ပါတယ်။
ကယ်နာဟာ ၂၀၂၄ ခုနှစ် ဇွန်လတုန်းက ချီရှိုင်းယား၊ အယ်ဒါလေအိတ်တွင် ကားအမြန်မောင်းမှုကြောင့် ယာဉ်ထိန်းရဲရဲ့ တားဆီးခြင်းခံခဲ့ရပါတယ်။
အစောပိုင်းတုန်းက ကယ်နာက အပြစ်မရှိကြောင်း အသနားခံခဲ့ပေမယ့်လည်း နောက်ပိုင်းတွင် စွဲချက်အား လက်ခံခဲ့ပါတယ်။
သူမဟာ ယာဉ်မောင်းနှင်နေစဉ် မိုဘိုင်းဖုန်း အသုံးပြုမှုအတွက် ပွိုင့် ၃ ပွိုင့်အလျှော့ခံခဲ့ရသလို ဒဏ်ငွေနှင့် တရားစရိတ် ပေါင် ၆၇၇ ပေးခဲ့ရပြီးလည်း ဖြစ်ပါတယ်။
သူမဟာ ယခင်တုန်းက ယာဉ်စည်းကမ်းချိုးဖောက်မှုကြောင့် ၆ ပွိုင့်လျော့ချခြင်းခံထားရရာ ယခုအခါ စုစုပေါင်း ၉ ပွိုင့်လျှော့ချခံရပြီး ဖြစ်ပါတယ်။
ယခု သူမဟာ တစ်နာရီလျှင် မိုင် ၅၀ ထက် ပိုမောင်းနှင်ခွင့် မရှိတဲ့ ဧရိယာတွင် ပေါင် ၁၀၀၀၀၀ တန် Land Rover ကားဖြင့် တစ်နာရီလျှင် ၆၄ မိုင်နှုန်း မောင်းနှင်ခဲ့တာပါ။
ကယ်နာရဲ့ ခင်ပွန်းသည် ကိုင်လီဝေါလ်ကားဟာ အေစီမီလန်တွင် ခြောက်လအငှားဖြင့် သွားကစားပြီးနောက် နွေရာသီတွင် တန်းတက်ဘန်လေသို့ ပေါင် ၅ သန်းဖြင့် အပြီးသတ်ပြောင်းခဲ့သူလည်း ဖြစ်ပါတယ်။
ဘန်လေဟာ ပရီးမီးယားလိဂ်တွင် ၃ ပွဲအနိုင်ရပြီး ၁၀ မှတ်ဖြင့် အမှတ်ပေးဇယားအဆင့် ၁၆ နေရာမှာ ရပ်တည်နေပါတယ်။
