ကမ္ဘာပေါ်တွင် ခြင်ကင်းစင်သည့် နေရာနှစ်ခုအနက်မှ တစ်ခုအဖြစ် ရပ်တည်ခဲ့သော အိုက်စလန်နိုင်ငံတွင် ယခုနှစ် နွေဦးရာသီ၌ စံချိန်တင် အပူချိန်မြင့်တက်မှုများ ကြုံတွေ့ပြီးနောက် ပထမဆုံးအကြိမ်အဖြစ် ခြင်သုံးကောင်ကို တွေ့ရှိခဲ့ရသည်။
ဤတွေ့ရှိမှုသည် အံ့အားသင့်ဖွယ် သဘာဝပတ်ဝန်းကျင်ဆိုင်ရာ အပြောင်းအလဲတစ်ခုဖြစ်ကြောင်း AFP သတင်းဌာနက ဖော်ပြသည်။
သိပ္ပံအမည် Culiseta annulata မျိုးစိတ်ဝင် ခြင်ထီးတစ်ကောင်နှင့် ခြင်မနှစ်ကောင်ကို မြို့တော်ရေချ်ဂျာဗစ်၏ မြောက်ဘက် ကီလိုမီတာ ၃၀ ခန့်အကွာတွင် တွေ့ရှိခဲ့ခြင်းဖြစ်သည်။
အိုက်စလန်၏ သဘာဝပတ်ဝန်းကျင်၌ ခြင်များရှိနေကြောင်း မှတ်တမ်းတင်နိုင်ခဲ့သည့် ပထမဆုံးအကြိမ်ဖြစ်သည်။
ယခင်က လေယာဉ်များတွင် စပါကပ်များအဖြစ် တစ်ကောင်တလေ တွေ့ဖူးသော်လည်း ယခုတွေ့ရှိမှုသည် အရေးပါသည့် မှတ်တမ်းတစ်ခုဖြစ်သည်။
သိပ္ပံပညာရှင်များက ယခုတွေ့ရှိရသည့် ခြင်များသည် သင်္ဘောများ သို့မဟုတ် ကွန်တိန်နာများမှတစ်ဆင့် မကြာသေးမီကမှ ရောက်ရှိလာခြင်းဖြစ်နိုင်သည်ဟု ယူဆကြသည်။
သို့သော် ၎င်းတို့သည် အိုက်စလန်နိုင်ငံအတွင်း အမြဲတမ်း ရှင်သန်နေထိုင်နိုင်မည်လားဆိုသည်ကိုမူ နောက်ထပ် လေ့လာစောင့်ကြည့်ရန် လိုအပ်ဆဲဖြစ်သည်။
သုတေသီများက ရာသီဥတုဖောက်ပြန်မှုကြောင့် ကမ္ဘာ့မြောက်ပိုင်းဒေသများတွင် ခြင်များ အခြေချနေထိုင်ရန် ပိုမိုသင့်လျော်လာကြောင်း
Culiseta annulata ခြင်မျိုးစိတ်သည် အေးသောရာသီဥတုကို ကောင်းစွာခံနိုင်ရည်ရှိပြီး အိုက်စလန်၏ ပြင်းထန်သော ဆောင်းရာသီကိုပင် ဖြတ်ကျော်နိုင်သည်ဟု သုံးသပ်ကြသည်။
World Population Review ၏ ဖော်ပြချက်အရ ယခုတွေ့ရှိမှုမတိုင်မီက အိုက်စလန်သည် အေးခဲသော ရာသီဥတုနှင့် ခြင်များမျိုးပွားနိုင်သည့် ရေဝပ်နေရာများ မရှိခြင်းကြောင့် ကမ္ဘာပေါ်တွင် ခြင်မရှိသည့် ဒေသ နှစ်ခုအနက် တစ်ခုဖြစ်ခဲ့သည်။
ကုလသမဂ္ဂက ပြီးခဲ့သည့်နှစ်သည် ကမ္ဘာပေါ်တွင် စံချိန်တင် အပူဆုံးနှစ်ဖြစ်ခဲ့ပြီး ကမ္ဘာကြီး ပိုမိုပူနွေးလာခြင်းသည် လူသားတို့၏ လုပ်ဆောင်မှုများကြောင့်ဖြစ်သည်မှာ သံသယဖြစ်ဖွယ်မရှိကြောင်း အခိုင်အမာ ထုတ်ဖော်ပြောကြားထားသည်