iOS 26 မှာ လူတိုင်း မကြိုက်ကြတဲ့ Feature က Liquid Glass ဖြစ်နေမလားပဲ?
Liquid Glass လို့ စင်ပေါ်မှာပြောခဲ့ပြီး အခု တိုင်ပတ်နေတာက Apple ပါပဲ
iOS 26 Beta 1 မှာတည်းက Liquid Glass ရဲ့ Transparency တွင်းဖောက်မြင်နိုင်မှုက အရမ်း များနေတော့ ကွန်းပလိန်းဝိုင်းတက်ခဲ့ကြလို့ iOS 26 Beta 2 မှာ Transparency ကိုပြန်လျှော့ခဲ့ရပါတယ်
နောက်ထပ် Beta တွေမှာ Liquid Glass ရဲ့ Transparency ကိုလျှော့လိုက် ၊ တိုးလိုက် နဲ့ Apple တစ်ယောက် တိုင်ပတ်နေတာ အခုဆို iOS 26.1 Beta 4 ကိုရောက်ခဲ့ပါပြီ
ပြောရရင် Beta ပေါင်း 13 လောက်ရှိနေပါပြီ
ဒါ့အပြင် iOS 26 Official Release ကလည်း လုပ်ပြီးပါပြီ
ဒီအထိတောင်မှ Liquid Glass ကို တည်ငြိမ်အောင် Apple မလုပ်နိုင်သေးပါဘူး
ဒါနဲ့ပဲ iOS 26.1 Beta 4 မှာတော့ Liquid Glass ကို ဘယ်လိုထားမလဲ ရွေးနိုင်တဲ့ Option ထည့်ပေးလာရပြီပဲဖြစ်ပါတယ်
Mode (2) မျိူးရွေးနိုင်မယ် Clear နဲ့ Tinted ပါ
Clear ကတော့ Liquid Glass ကို ပိုပြီးတွင်းဖောက်မြင်နိုင်မယ့်ပုံစံမျိူး
Tinted ကတော့ Contrast ပိုများပြီး တွင်းဖောက်မြင်ရတာပိုနည်းမယ်ပေါ့
Apple ကနေ အခုလို Software UI အတွက် Option ထည့်ပေးတယ်ဆိုတာ တိုးလိုက် ၊ လျှော့လိုက်လုပ်ရင်း အကြံကုန်လို့ Option ပဲရွေးကြပါတော့ဆိုပြီး ထည့်ပေးရတဲ့ပုံပါပဲ
ကျနော်ကတော့ ဒါက အဆုံးသတ်လို့မထင်ပါဘူး Social Media တွေမှာ ဝိုင်းပြောနေကြတဲ့ Liquid Glass ရဲ့ Transparent ကို အတိုးအလျှော့လုပ်နိုင်တဲ့ Slider ပါထည့်ပေးလာမယ်လို့ ခန့်မှန်းမိပါတယ်