၂၀၂၅ ခုနှစ် Talker Research က Bezel Wines ရဲ့ ရန်ပုံငွေပံ့ပိုးမှုနဲ့ အမေရိကန်ပြည်ထောင်စုတစ်ဝန်းက အမျိုးသမီး ၂,၀၀၀ ကို စစ်တမ်းကောက်ယူ လေ့လာခဲ့ရာ အမျိုးသမီတွေရဲ့ စိတ်ပိုင်းဆိုင်ရာ နဲ့ လူမှုရေးဆိုင်ရာ လိုအပ်ချက်တွေကို တွေ့ရှိခဲ့ရပါတယ်
စစ်တမ်းဖြေဆိုသူ အမျိုးသမီး ၇၈% ဟာ သူငယ်ချင်းတွေနဲ့ အပြင်ထွက် လည်ပတ်ခြင်းဟာမရှိမဖြစ် လိုအပ်တဲ့ အရာဖြစ်တယ်လို့ ယုံကြည်ထားကြပါတယ် ထူးခြားတာက ဒါကို ရံဖန်ရံခါ ပျော်ပါးမှု သက်သက် မဟုတ်ဘူးလို့ ခံယူထားကြတာပါ
အမျိုးသမီးတွေဟာ စိတ်ပိုင်းဆိုင်ရာအရ ပြန်လည်လန်းဆန်းစေဖို့ လူမှုရေးအရ ဆက်သွယ်မှုရှိနေဖို့ နဲ့ ဘဝမှာနေရတာ ပျော်တယ်ဆိုတာကို ခံစားရဖို့အတွက် ပျမ်းမျှအားဖြင့် ၂၂ ရက်လျှင် တစ်ကြိမ်အပြင်ထွက်ဖို့ လိုအပ်တယ်လို့ ဖော်ပြခဲ့ကြပါတယ်
ဒီလေ့လာမှုအရ သူငယ်ချင်းတွေနဲ့ ပုံမှန် ပေါင်းသင်းဆက်ဆံခြင်းက စိတ်ဖိစီးမှုကို လျှော့ချရာမှာ အဓိကအခန်းကဏ္ဍမှ ပါဝင်နေတာကို တွေ့ရပါတယ်
ရင်းနှီးတဲ့ သူငယ်ချင်းတွေနဲ့အတူ ပျော်ရွှင်စွာ ရယ်မောခြင်း၊ ဘဝအတွေ့အကြုံ ဇာတ်လမ်းတွေ ဖလှယ်ပြောဆိုခြင်း နဲ့ အဖျော်ယမကာတွေသောက်သုံးခြင်းတို့က ၎င်းတို့အား စိတ်ပိုင်းဆိုင်ရာကို ပြန်လည်ပြင်ဆင်ရန်အထောက်အကူပြုကြောင်း ပြောကြားခဲ့ကြပါတယ်
အဲ့လိုအပြင်ထွက်ခြင်းဖြင့် အလုပ်၊ မိသားစုတာဝန်တွေနဲ့ နေ့စဉ် ထပ်တလဲလဲ လုပ်ရတဲ့ အလုပ်တွေရဲ့ ဖိအားတွေမှ ခေတ္တခဏ လွတ်မြောက်အနားယူနိုင်တယ်လို့လည်း ဖြေဆိုခဲ့ကြပါတယ်
ဒီလေ့လာမှုဟာ ပညာရပ်ဆိုင်ရာ စစ်ဆေးအတည်ပြုခြင်းကို မခံယူရသေးပေမဲ့လည်း တွေ့ရှိချက်တွေဟာ စိတ်ပညာပညာရှင်တွေလက်ခံထားတဲ့ အမှန်တရားနဲ့ ကိုက်ညီနေပါတယ်
သူငယ်ချင်းတွေ နဲ့ ရည်ရွယ်ချက်ရှိရှိ အချိန်ပေးခြင်းဟာ စိတ်ခံစားချက်ကို မြှင့်တင်ပေးနိုင်ခြင်း၊ စိုးရိမ်ပူပန်မှုကို လျှော့ချပေးနိုင်ခြင်း နဲ့ ရင်းနှီးတဲ့ ဆက်ဆံရေးတွေကို ခိုင်မာစေခြင်း စတဲ့ အကျိုးကျေးဇူးတွေ ရရှိစေပါတယ်
တစ်နည်းအားဖြင့်ဆိုသော် အမျိုးသမီးတွေအတွက် သူငယ်ချင်းတွေနဲ့ အပြင်ထွက်ခြင်းဟာ ပျော်ရွှင်စရာတစ်ခုထက် ကျော်လွန်ပြီး နေ့စဉ်ဘဝကို ကျန်းမာစွာ ဖြတ်သန်းနိုင်ရန် စိတ်ပိုင်းဆိုင်ရာအရလိုအပ်နေကြောင်းကို ဒီလေ့လာမှုက ပြသနေပါတယ်
#whatthefacts #knowledge #facts #ဗဟုသုတ
