❝ ကျောင်းအတူတူသွားနေသူအချင်းချင်းမနာလိုပဲ that မှု ❞
ဟောင်ကောင်တဖက်ကမ်း တရုတ်ပြည် Shenzhen မှာ Zhong ဆိုတဲ့ အသက် ၁၄ နှစ်အရွယ်ကောင်လေးရယ်၊ Pan ဆိုတဲ့ အသက် ၁၄ နှစ်အရွယ်ကောင်မလေးရယ်၊ Chen ဆိုတဲ့ ကောင်လေးရယ်ဟာ လုံဟွာဒိစကြိတ်က အလယ်တန်းကျောင်းမှာ တစ်တန်းတည်းတက်နေတဲ့ အတန်းဖော်တွေလို့ ဆိုပါတယ်။
Zhong ရော၊ Pan ရော၊ Chen ရော သုံးယောက်စလုံးက အိမ်ရာတစ်ခုတည်းမှာ အတူတူနေနေကြတဲ့ သူငယ်ချင်းကျောင်းသွားဖော်တွေပါ။
ကောင်မလေး Pan ရဲ့အဖေနဲ့ ကောင်လေး Chen ရဲ့အဖေက ကလေး (၃) ယောက်ကို တစ်လှည့်စီကျောင်းလိုက်ပို့နေကျလို့ ဆိုပါတယ်။
အဲ့ဒီလို လိုက်ပို့ပေးနေတာ ၃ နှစ်ရှိပါပြီ။ ကောင်လေး Zhong ရဲ့အဖေက ဘာလို့ လိုက်မပို့ပေးနိုင်လဲ မသိပါ။
ဧပြီလ ၈ ရက်နေ့က Chen ရဲ့အဖေက ကလေး (၃) ယောက်ကို ကျောင်းကပြန်ကြိုပြီး အိမ်ရာအဝမှာ ချထားပေးခဲ့တယ်။
ကောင်မလေး Pan နဲ့ ကောင်လေး Chen က ဘယ်ဘက်ကွေ့ပြီး အိမ်အတူပြန်ကြတယ်။ ကောင်လေး Zhong က ညာဘက်လမ်းအတိုင်း သူ့အိမ်ကိုပြန်တယ်။
ဒါပေမဲ့ ကောင်မလေး Pan တစ်ယောက်တည်း လမ်းပေါ်မှာရှိနေတုန်း Zhong က အနားကပ်လာပြီး အိတ်ထဲက ခေါက် dar ထုတ်ပြီး ထိုးပါလေရော။
အဲ့ဒီ ခေါက် dar က သူအွန်လိုင်းပေါ်ကနေ ဝယ်ထားတာလို့ ဆိုပါတယ်။
ထိုးတာမှ ကောင်မလေး Pan လဲကျသွားတဲ့ အထိထိုးတုန်းပါ။ ပြီးတော့ Zhong က ပြေးပါလေရော။
ကောင်မလေး Pan က ဒဏ်ရာတွေနဲ့ ကြောက်လန့်တကြားအော်ဟစ်အကူအညီတောင်းတာမြင်တော့ Zhong က ပြန်လာပြီး လည်ပင်းကို ထပ် ထ-ိုးပြန်ပါတယ်။
ဟောင်ကောင်သတင်းစာ Sing Tao Daily အဆိုအရ dar ဒဏ်ရာ အချက် ၂၀ ကျော်တွေ့ရတယ်လို့ဆိုပါတယ်။
Zhong က dar ကိုလွှင့်ပစ်ပြီး အိမ်ပြန်ပြေးပြီးတော့ တစ်ယောက်ယောက်ကို ကယ်လိုက်လို့ လက်မှာ ဓားဒဏ်ရာရလာခဲ့တယ်လို့ လိမ်ပြောပါတယ်။
Zhong ရဲ့မိဘတွေက Group chat မှာ သူ့သားက တစ်ယောက်ယောက်ကို ကယ်လိုက်လို့ ဒဏ်ရာရလာလို့ ဆေးရုံပို့ထားရတယ်လို့ တင်လိုက်ပါသေးတယ်။
အိမ်ရာအုပ်ချုပ်ရေးက ရဲကိုဖုန်းဆက်ခေါ်ခဲ့တာဖြစ်ပြီး အရေးပေါ်လူနာတင်ကားနဲ့ ဆေးရုံပို့ခဲ့ပေမဲ့ ကောင်မလေး Pan ခမျာမှာ သေဆုံးသွားရှာပါတယ်။
နောက်နေ့မှာပဲ Zhong ကို ဆေးရုံပေါ်ကနေ သွားရောက်ဖမ်းဆီးနိုင်ခဲ့ပါတယ်။
ဒီအမှုကို Shenzhen Intermediate People's Court မှာ တနေ့က အောက်တိုဘာလ ၁၅ ရက်နေ့က စစ်ဆေးမှ လူသိများလာတာပါ။
ဘာကြောင့်အတန်းတူကျောင်းသွားဖော်ချင်းကို that ရတာလဲ❓
Zhong က အသက် ၁၄ နှစ်အရွယ်တစ်ယောက်ကို that ရင်ဘာပြစ်ဒဏ်ကျနိုင်သလဲကို အွန်လိုင်းပေါ်မှာ အရင်ရှာဖတ်ခဲ့တယ်လို့ တရားရုံးစစ်ချက်မှာ ဆိုပါတယ်။
ဒီအမှုမှာ Pan ကစာတော်လို့ Zhong ကမနာလိုဖြစ်ပြီး that တယ်လို့ ယူဆကြပါတယ်။
တရားရုံးမှာ Zhong ဘက်ကရှေ့နေက Zhong ဟာကျောင်းမှာ အနိုင်ကျင့်ခံရလို့ လုပ်တာလို့ ထွက်ဆိုပါတယ်။
ဒါပေမဲ့ ကျောင်းက ဆရာဆရာမတွေနဲ့ ကျောင်းသားတွေအားလုံးက Zhong သာလျှင်ကျောင်းမှာ သူများကို အနိုင်ကျင့်တတ်သူလို့ ထွက်ဆိုကြပါတယ်။
Pan ရဲ့အမေပြောတာက တရားရုံးရှေ့နေက Zhong ဟာ နောင်တရပုံလုံးဝမပြတဲ့အတွက် 6သဒဏ်ပေးဖို့ တောင်းဆိုတယ်လို့ ဆိုပါတယ်။
Zhong က အဲ့ဒီ 6သဒဏ်လည်းကြားရော ခခယယတောင်းပန်ပြီး လျော့ပေါ့ပေးဖို့ တောင်းပန်တယ်လို့ ဆိုပါတယ်။
ဒီအမှုကို ဆက်လက်စစ်ဆေးနေဆဲဖြစ်ပြီး အမိန့်မချသေးပါ။
အသက် ၁၄ နှစ်ပဲရှိသေးတဲ့ Zhong လို ကျောင်းသားလေးက အန္တရာယ်ရှိတဲ့ dar ကို အွန်လိုင်းပေါ်ကနေ ဘာလို့အလွယ်တကူဝယ်လို့ ရနေတာလဲ❓
Zhong အပါအဝင်၊ တနေ့က မလေးရှားက ကျောင်းသားလေးရော ဘာလို့ အခုလို လက်ရဲဇက်ရဲ လူ that ရဲတဲ့အထိဖြစ်လာကြတာလဲ❓
ဒီအချက်တွေကို ကျောင်းတွေ၊ မိဘတွေ၊ အွန်လိုင်းကဈေးရောင်းသူတွေ #သတိထားသင့်ပြီလို့ ထင်ပါတယ်။
ကျနော်ရေးသားပေးနေတဲ့ နိုင်ငံတကာသတင်းတွေမှာ လက်ရှိဖြစ်ပျက်နေတဲ့ လူမှုရေးကိစ္စတွေ ထင်ဟပ်နေတာကို သတိထားမိကြမယ်ထင်ပါတယ်။
အခုခေတ်မှာ မြီးကောင်ပေါက်ကလေးတွေရဲ့ စိတ်ပိုင်းဆိုင်ရာ ကြမ်းတမ်းလာမှုကို မိဘ/ဆရာတွေက ကြိုတင်သတိထားမိပြီး ပြုပြင်သင့်တာပြုပြင်၊ တားဆီးသင့်တာ တားဆီးမှုတွေ လုပ်သင့်တယ်လို့ မြင်ပါတယ်။
ဘာကြောင့်ဖြစ်တယ်ဆိုတာ တသတ်မှတ်တည်းပြောလို့မရပဲ ဖြစ်ရပ်မျိုးစုံကနေ အနည်းနဲ့အများတော့ သတိထားစရာတွေရမယ်လို့ မျှော်လင့်ပါတယ်။
ဒီအမှုမှာ Pan ရဲ့အဖေခမျာ သူ့သမီးနဲ့အတူတူ ကျောင်းကို ၃ နှစ် ၃ မိုး ကြိုပို့ပေးခဲ့တဲ့ ကောင်လေးက ဒီလိုလုပ်လိမ့်မယ်လို့ ထင်ထားခဲ့မှာမဟုတ်ပါ။