◾️အရှေ့အလယ်ပိုင်းအတွက်ကြီးကျယ်သောနေ့အဖြစ် ထရန့် ဝံ့ကြွား
အစ္စရေးနှင့် ဟားမားစ်တို့က ဓားစာခံများနှင့် အကျဉ်းသားများကို လဲလှယ်ပြီးနောက် နာရီပိုင်းအကြာတွင် အမေရိကန်သမ္မတ နှင့် အခြားဒေသတွင်း ခေါင်းဆောင်များက ဂါဇာ တွင်အပစ် အခတ်ရပ် စဲမှု ခိုင်မာ စေရန်ရည်ရွယ်သည့် ကြေညာချက်တစ်ရပ်ကို လက်မှတ်ရေးထိုးခဲ့ချိန်မှာပင် ယင်းမှာ အရှေ့အလယ်ပိုင်းအတွက် ကြီးကျယ်သောနေ့တစ်နေ့ဖြစ်ကြောင်း ဒေါ်နယ်ထရန့်က ဝံ့ကြွားခဲ့သည်။
အစ္စရေးသို့ လျှပ်တစ်ပြက်သွားရောက်ခဲ့ပြီး ပါလီမန်မိန့်ခွန်းတွင် အစ္စရေးဝန်ကြီးချုပ် နေတန်ယာဟု အား ချီးကျူးပြော ဆိုပြီးနောက် ဒေါ်နယ်ထရန့်က အီဂျစ်နိုင်ငံတွင် ကျင်းပသော ဂါဇာထိပ်သီးအစည်းအဝေးသို့ တက်ရောက်ခဲ့သည်။
ယင်းအစည်းအဝေးမှာပင် ထရန့် နှင့် အီဂျစ်၊ ကာတာ နှင့် တူရကီခေါင်းဆောင်များက ဂါဇာသဘောတူညီချက်ကို အာမခံသူများအဖြစ် ကြေညာချက်ကို လက်မှတ်ရေးထိုးခဲ့ကြသည်။
“ ဒီနေ့ဟာ ကမ္ဘာကြီးအတွက် ကြီးကျယ်တဲ့နေ့ ၊ အရှေ့အလယ်ပိုင်းအတွက် ကြီးကျယ်တဲ့နေ့ဖြစ်ပါတယ်” ဟု ဒေါ်နယ်ထရန့်က ကမ္ဘာ့ခေါင်းဆောင် နှစ်ဒါဇင်ကျော် တက်ရောက်သော အီဂျစ်အပန်းဖြေမြို့ ရှမ်အယ်လ်ရှိက် ထိပ်သီးအစည်းအဝေးတွင် ပြောကြားပြီး ခေါင်း‌ဆောင်များသည် လူတိုင်းက မဖြစ်နိုင်ဟုပြောကြသော အချင်းအရာကို အောင်မြင်ခဲ့ကြကြောင်း နှင့် “ နောက်ဆုံးမှာတော့ အရှေ့အလယ်ပိုင်းမှာ ငြိမ်းချမ်းရေးရရှိခဲ့ပါပြီ” ဟု ဒေါ်နယ်ထရန့်က ပြောကြားသည်။
အရှေ့အလယ်ပိုင်းတွင် ကျယ်ပြန့်သောငြိမ်းချမ်းရေးမျှော် မှန်းချက် ၊ လုံခြုံရေးနှင့် အတူတကွ ကြီးပွား တိုးတက်ရေးကို လိုက်နာကြမည်ဟု လက်မှတ်ရေးထိုးသူ ခေါင်းဆောင်များက ဂါဇာကြေညာချက်တွင် ဖော်ပြ ကြသည်။
ထို့ပြင် ဂါဇာကမ်းမြောင်တွင် ကျယ်ပြန့်၍တာရှည်ခံသော ငြိမ်းချမ်းရေးအစီအစဉ်များ ထူထောင်၍ ဖွံ့ဖြိုးတိုးတက်မှုရရှိရေးကို ကြိုဆိုကြောင်းလည်း ၎င်းတို့က ပြောကြားကြသည်။
ဂါဇာသဘောတူညီချက်သည် လူသားတို့၏ သမိုင်းတွင် နာ ကျင်ဖွယ်ရာအပိုင်း တစ်ခုကို ပိတ်သိမ်းလိုက်ခြင်းဖြစ်ကာ နှစ်နိုင်ငံအတူ တည်ရှိရေးကို လမ်းခင်းပေးလိုက်ခြင်းဖြစ် ကြောင်း အိမ်ရှင်အီဂျစ်သမ္မတ အဗ္ဗဒယ်ဖက်တာအယ်စီစီ က ပြောကြားသည်။
ဂါဇာစစ်ပွဲအဆုံးသတ်ရေး ထရန့်၏ အစီအစဉ်အရ ဟားမားစ်အဖွဲ့က ယမန်နေ့က နောက်ဆုံး အသက်ရှင်ကျန်နေသေးသော ဓားစာခံ ၂၀ ကို လွှတ်ပေးခဲ့ပြီး အစ္စရေးဘက်က ပါလက်စတိုင်းအကျဉ်းသား ၊ အချုပ်သား ၁၉၆၈ ဦးကို လွှတ်ပေးခဲ့ကြောင်း သိရသည်။
နောက်ပိုင်းရက်များတွင် ၎င်းတို့ဖမ်းဆီးထားချိန်တွင် အ သတ်ခံရသူ သို့ သေဆုံးသွားခဲ့သူ ဓားစားခံ ၂၇ ဦး ၏ ရုပ် ကြွင်းများကို ဟားမားအဖွဲ့ က လွှဲပြောင်းပေးမည်ဖြစ်ကာ ယင်းမှာ သဘောတူညီချက်ထဲတွင် ပါဝင်သည့်အချက်ဖြစ် သည်။
အစောပိုင်းအပစ်အခတ်ရပ်စဲမှုများတွင် ဟားမားစ်အဖွဲ့ က ဓားစာခံ ၄၇ ဦးကို လွှတ်ပေးပြီးဖြစ်သည်။
အပစ်အခတ်ရပ်စဲမှုကြောင့် ဂါဇာတွင် နေထိုင်သူများအ တွက် စိတ်သက်သာရာရသွားခဲ့သော်လည်း စစ်ပွဲကြောင့် စိစိညက်ညက်‌ကြေခဲ့သော ဒေသတစ်ခုလုံးနီးပါးတွင် လူ သားချင်းစာနာထောက်ထားမှုအကျပ်အတည်း ကို ကြုံတွေ့နေရကာ ပြန်လည်နာလန်ထူရေးမှာ ခရီးဝေးတစ်ခုဖြစ်သည်။
လူသားချင်းစာနာထောက်ထားမှုအကူအညီ အ မြောက်အမြားကို ဂါဇာထဲသို့ ဝင်ခွင့်ပြုရမည့်အချိန်ဖြစ်ကြောင်း ကု လသမဂ္ဂ၏ပါလက်စတိုင်းအေဂျင်စီ (UNRWA ) အ ကြီးအကဲ ဖိလစ်ပီလာဇာရာနီက X လူမှုကွန်ရက်တွင် ပြောကြားသည်။
သတင်း-ရဲမင်း
ကိုးကား-AFP
#နိုင်ငံတကာသတင်း