ကယ်လီဖိုးနီးယားပြည်နယ်ရဲ့ Wildlife Learning Center မှာ နေထိုင်တဲ့ ဇူးစ် (Zeus) လို့ခေါ်တဲ့ ဝက်စတန် စကရီးချ် ဇီးကွက် (Western Screech Owl) လေးဟာ တကယ့်ကို ထူးခြားဆန်းကြယ်တဲ့ အလှတရားတစ်ခုကို ပိုင်ဆိုင်ထားပါတယ်။ ဇူးစ်ဟာ ဒ၊ဏ်ရာတစ်ခုကြောင့် မျက်စိအမြင်အာရုံကို ဆုံးရှုံးခဲ့ရပြီး တောထဲမှာ လွတ်လွတ်လပ်လပ် ပျံသန်းနိုင်တဲ့ ဘဝမျိုးကိုတော့ စွန့်လွှတ်ခဲ့ရပါတယ်
ဒါပေမဲ့ သူ့ကို သေချာကြည့်မယ်ဆိုရင် အံ့မခန်းစရာ မြင်ကွင်းတစ်ခုကို တွေ့ရပါလိမ့်မယ်။ ဇူးစ်ရဲ့ နက်မှောင်နေတဲ့ မျက်လုံးအိမ်ထဲမှာ ငွေရောင်နဲ့ အဖြူရောင် အစက်အပြောက်လေးတွေဟာ ကြယ်တာရာတွေလိုပဲ လင်းလက်တောက်ပလို့နေပါတယ်။ ဒီမြင်ကွင်းက ကျယ်ပြောလှတဲ့ နဂါးငွေ့တန်း (Galaxy) တစ်ခုကို မျက်ဝန်းထဲမှာ သယ်ဆောင်ထားသလို၊ စကြာဝဠာကြီးတစ်ခုလုံးကို စုစည်းထားသလို ခံစားရစေပါတယ်
ဇူးစ်ရဲ့ ဇာတ်လမ်းက ဝမ်းနည်းစရာ မဟုတ်ဘဲ၊ ဒုက္ခကြားက ထွန်းလင်းတဲ့ အလှတရားကို ဖော်ညွှန်းနေတာပါ။ သူဟာ ချို့ယွင်းချက်၊ ဒဏ်ရာတွေကြားကနေတောင် ဘဝက ဘယ်လိုမျိုး အလင်းပြန်ရနိုင်တယ်ဆိုတာကို လက်တွေ့ပြနေတဲ့ သက်သေတစ်ခုပါ။ အမှောင်ဖုံးလွှမ်းသွားတယ်လို့ ထင်ရတဲ့အခါမှာတောင် ဘဝဟာ နည်းလမ်းအမျိုးမျိုးနဲ့ တောက်ပနေနိုင်ပါတယ် ဆိုတဲ့ ခိုင်မာတဲ့ မက်ဆေ့ချ်ကို သူက ပေးစွမ်းနေတာပါ
ဇူးစ်ဟာ Wildlife Learning Center ရဲ့ ချစ်ခြင်းမေတ္တာအောက်မှာ လုံခြုံစွာ ရှင်သန်နေပြီး၊ သူ့ကို လာရောက်တွေ့ဆုံသူတိုင်းကို "ကျွန်တော်တို့ ဘယ်လောက်ပဲ ခက်ခဲတဲ့ အခြေအနေတွေနဲ့ ရင်ဆိုင်နေရပါစေ၊ အဲဒီအထဲမှာ အမြဲတမ်း ရှာဖွေတွေ့ရှိဖို့ စောင့်ဆိုင်းနေတဲ့ အံ့ဖွယ်အလှတရားတွေ ရှိနေပါတယ်" ဆိုတဲ့ စကားကို ပါးလိုက်သလိုပါပဲ
🦉💫 တကယ့် ခွန်အားဆိုတာ ပြီးပြည့်စုံခြင်းမှာ မဟုတ်ဘဲ၊ ဘယ်လိုပဲ ဒ၊ဏ်ရာတွေရှိပါစေ ဆက်လက်ရှင်သန်နိုင်ခြင်းနဲ့ ထူးခြားတဲ့ အလှတရားကို ပိုင်ဆိုင်ထားခြင်းမှာသာ တည်ရှိတယ်ဆိုတာကို ဇူးစ်က သတိပေးနေတာပါ
ဒီဇီးကွက်လေးရဲ့ မျက်လုံးထဲက ဂယ်လက်ဆီကို မြင်ရတဲ့အခါ ဘယ်လိုခံစားရပါသလဲ...