မြေအောက်ရေ အများအပြားသုံးစွဲမှုကြောင့် ပင်လယ်ရေအောက်ဆီ နိမ့်ဆင်းလာနေတဲ့ ရန်ကုန်မြို့။
လွန်ခဲ့တဲ့ ၁၀နှစ်အတွင်း ရန်ကုန်မြို့တွင် အထပ်မြင့် အဆောက်အဦးတွေနဲ့ လူနေထူထပ်လာမှုတွေကြောင့် မြေအောက်ရေကို အဆမတန် ထုတ်ယူသုံးစွဲခဲ့ရပါတယ်။
ဒီလို ပင်လယ်ရေအောက်ဆီ နိမ့်ဆင်းလာခြင်းကို Land Subsidence ဖြစ်တယ်လို့ ခေါ်ကြပြီး ရန်ကုန်မြို့လိုမျိုး မြစ်ဝကျွန်းပေါ်မြေသား ဒေသတွေမှာ ပိုမိုပြီး နစ်မြုပ်လွယ်ပါတယ်။
ဒါဟာ မြေအောက်ရေကို အလွယ်တကူ ကုန်ခမ်းစေတဲ့ အကြောင်းအရင်းတွေကြားက တစ်ချက်ဖြစ်ပြီးတော့ သောက်သုံးရန်၊ စက်ရုံများနှင့် လယ်ယာလုပ်ငန်းများအတွက် နေ့စဉ် မြေအောက်ရေကို စက်ရေတွင်းပေါင်း တစ်သိန်းကျော် မှစုပ်ထုတ်လျက်ရှိပါတယ်။
မြန်မာနိုင်ငံက တစ်နှစ်လျှင် ၉ စင်တီမီတာအထိ Land Subsidence ဖြစ်နေကြောင်းကို ဂြိုလ်တုဒေတာအချက်အလက်တွေအရ တွေ့ရပါတယ်။
အခုလိုရေမြုပ်ရခြင်းနဲ့ ရေကြီးရေလျှံခြင်းတွေ ဖြစ်ရခြင်းရဲ့ အကြောင်းအရင်းတွေထဲက တစ်ချက်ကတော့ ချောင်း၊ မြောင်းတွေထဲမှာ အမှိုက်နဲ့စွန့်ပစ်ပစ္စည်းတွေကို အလွန်အကျွံ စွန့်ပစ်မှုတွေကြောင့်လည်း ဖြစ်တယ်လို့လည်း ယူဆရပါတယ်။
