ကြာဇံကြော်
အသားမပါပဲ အသီးအရွက် အသားတုလေးနဲ့ပဲ ကြော်ထားတာ
ကြာဇံကြော်ဆို ပျော့ပြီးပြတ်ထွက်နေရင် လုံးဝမကြိုက်ဘူး
ဆန်ကြာဇံကို မိနစ်နှစ်ဆယ်လောက်ရေစိမ်ပြီး ရေစစ်ထားပါ။
ပြီးရင် ပဲငံပြာရည်အကြည်၊ ပဲငံပြာရည်အနောက် အနည်းငယ်၊ ကြက်သားမှုန့်တို့ထည့်ပြီး အရသာဝင်သွားအောင် နယ်ထားပါ။
အရသာက ကိုယ့်ရဲ့ကြာဇံအနည်းအများပေါ်မူတည်ပြီး ထည့်ပါရှင့်။
ပြီးရင် ကိုယ်ထည့်မဲ့ အသီးအရွက်တွေလှီးပြီး ရေဆေးသန့်စင်ကာ ရေစစ်ထားပါ။
အရင်ဆုံး ကြက်ဥလေးကြော်ပြီး ပြန်ဆယ်ထားပါ။
ကြော်ရန်အတွက် အိုးထဲဆီထည့် ဆီပူရင် ကြက်သွန်ဖြူနုတ်နုတ်စင်းထားတာကို ထည့်ပါ။
ကြက်သွန်ဖြူ အနံလေးမွှေးလာရင် အသီးအရွက်တွေထည့်ကြော်ပါ။
အသားတုပါ တခါတည်းထည့်ကြော်ပါ။
အရသာအတွက် ကြက်သားမှုန့် သကြားအနည်းငယ်နဲ့ ခရုဆီထည့်ပါ။
အသီးအရွက်တွေကြော်တဲ့အချိန် မီးများများနဲ့ကြော်ပါ။
အသီးအရွက် မကျက်တကျက်အချိန် အရသာနယ်ထားတဲ့ကြာဇံတွေ ထည့်ကြော်ပါ။
မီးအနေတော်လေးပဲထားပါ။ တူးပြီးအိုးကပ်တတ်ပါတယ်။
တအားထိုးမမွေပါနဲ့ ကြာဇံတွေပြတ်သွားရင် မလှပါဘူး။
ဇွန်းလေးနှစ်ချောင်းနဲ့ အသာလေးအပေါ်အောက်မွေပေးပါ။
ပြီးရင် ကြာဇံနဲ့အသီးအရွက်လေးတွေ သမမျှတပြီးထွေးထွေးအိအိလေးဖြစ်ရင် ကြာဇံကြော်ရပါပြီ......။
ကြော်ထားတဲ့ကြက်ဥကြော်လေးထည့်ပါ။
နောက်ဆုံတရုတ်နံနံလေးအုပ်ပြီးရင် ရပါပြီ.....😋
Credit - Kay Khaing Oo 🙏🏻🙏🏻🙏🏻
