တမ်ဘားကို စာချုပ်သစ်ချုပ်ဆိုရန် အာဆင်နယ် ဆွေးနွေးနေ
အောက်တိုဘာ ၄
အာဆင်နယ်ဟာ နောက်ခံလူဂျူရီယန်တမ်ဘားကို စာချုပ်သစ်ချုပ်ဆိုရန် ဆွေးနွေးမှု ပြုလုပ်နေပြီ ဖြစ်ပါတယ်။
အာဆင်နယ်ဟာ မီခေးလ်အာတီတာလက်အောက်တွင် အရေးပါတဲ့ နောက်ခံလူအဖြစ် ကစားနေတဲ့ နယ်သာလန်လက်ရွေးစင်ကစားသမားကို လုပ်ခတိုးမြှင့်ပြီး စာချုပ်သစ်ချုပ်ဆိုလိုနေတာလည်း ဖြစ်ပါတယ်။
အာဆင်နယ်နှင့် တမ်ဘားရဲ့အေးဂျင့်အကြား စာချုပ်သစ်ချုပ်ဆိုရေး ဆွေးနွေးမှုမှာ အစောပိုင်းအဆင့်တွင်သာ ရှိနေဆဲ ဖြစ်ပါတယ်။ ဒါပေမယ့် နှစ်ဖက်လုံးက စာချုပ်သက်တမ်းတိုးချုပ်ဆိုရေး ဆန္ဒပြင်းပြနေမှုနှင့်အတူ ၂၀၂၈ ခုနှစ်တွင် ကုန်ဆုံးမယ့် လက်ရှိ စာချုပ်အား သက်တမ်းတိုးလာဖို့ သေချာသလောက် ရှိနေပါတယ်။
အသက် ၂၄ နှစ်ရှိ နောက်ခံလူဟာ ၂၀၂၃ ခုနှစ်နွေရာသီတွင် အေဂျက်စ်မှ ပေါင် ၃၄.၄ သန်းဖြင့် ပြောင်းလာပြီးနောက် ပထမရာသီ ပရီးမီးယားလိဂ်အဖွင့်ပွဲတွင် ဒူးအရွတ်ဒဏ်ရာရရှိကာ ကာလရှည်ကြာ အနားယူခဲ့ရကာ တစ်ရာသီလုံးတွင် တစ်ပွဲတည်းသာ ကစားနိုင်ခဲ့ပါတယ်။
ဒါပေမယ့် သူဟာ ၂၀၂၄-၂၅ ရာသီမှာတော့ ၅၁ ပွဲအထိ ကစားနိုင်ခဲ့သလို ယခုရာသီတွင်လည်း အဓိကညာနောက်ခံလူအဖြစ် ပုံမှန်ပွဲထွက်ကစားခွင့် ရနေပါတယ်။
အာဆင်နယ်ဟာ အဓိကနောက်ခံလူဝီလီယမ်ဆာလီဘာကို ၅ နှစ်စာချုပ်သစ်ချုပ်ဆိုထားပြီး ဖြစ်သလို ဘူကာယိုဆာကာကိုလည်း စာချုပ်သစ်ချုပ်ဆိုရေး ဆွေးနွေးနေပါတယ်။
#ဘောလုံးသတင်းစုံ
