◾️အစိုးရလုပ်ငန်းများရပ်နားထားမှုတွင် ဒီမိုကရက်အေ ဂျင်စီများအား ဖြတ်တောက်သွားမည်ဟု ထရန့် ခြိမ်း ခြောက်
အစိုးရလုပ်ငန်းများရပ်နားထားရမှု ဒုတိယနေ့ ဆက်လက်ဖြစ်ပေါ်နေချိန်တွင် မည်သည့် ဒီမိုကရက် အေ ဂျင်စီများအား ဖြတ်တောက်သွားရမည် ဆိုသည်ကို ဆုံးဖြတ်ရန် ၎င်း၏ ဘဏ္ဍာ ရေးညွှန် ကြားရေးမှုးရပ်ဆဲလ်ဗောက်နှင့် တွေ့ဆုံသွားမည်ဖြစ်ကြောင်း အမေရိကန်သမ္မတ ဒေါ်နယ်ထရန့် က ပြောကြားသည်။
“အစွန်းရောက်လက်ဝဲဒီမိုကရက်တွေက မကြုံစဖူးအခွင့် အရေးပေးလိုက်တာကို ကျွန်တော် မယုံ နိုင် ဘူး ဖြစ်နေတယ်။” ဟု ထရန့်က လူမှုမီဒီယာပေါ်တွင်ရေးသားသည်။
ပါတီနှစ်ရပ်ကြား လွှတ်တော်တွင် လိပ်ခဲတည်းလည်းဖြစ်ခဲ့ပြီးနောက် ဗုဒ္ဒဟူးနေ့က စတင်ခဲ့သည့် အစိုးရ ရပ်ဆိုင်းမှုအ တွင်း ဒီမိုကရက်ယိမ်းသောပြည်နယ်များအတွက် အချို့သော ရန်ပုံငွေများကို ထရန့်က ဆိုင်းငံ့ ထားပြီးဖြစ်ကာ ဖက်ဒရယ်အစိုးရဝန်ထမ်းများကို ထပ်မံထုတ်ပယ်သွားနိုင်ကြောင်းလည်း ခြိမ်းခြောက်ထားသည်။
ယခုနှစ်ကုန်တွင် ဖက်ဒရယ်အစိုးရဝန်ထမ်း သုံးသိန်းအား အနားပေးမည့်အစီအစဉ်ကိုလည်း ထရန့် က ဖော်ဆောင် ထားပြီးဖြစ်ကြောင်း ရိုက်တာသတင်းက ဖော်ပြသည်။
သမ္မတထရန့် က ဝန်ထမ်းထောင်ပေါင်းများစွာကို ထုတ် ပယ်သွားနိုင်ကြောင်း အိမ်ဖြူတော်ပြောခွင့်ရသူ ကယ်ရို လင်းလီဗစ် က အသေးစိတ်မဖော်ပြပဲပြောသည်။
ယင်းသို့ ထုတ်ပယ်ခြင်းများ ဖြစ်ပေါ်မလာစေရန် ဖက်ဒရယ် အစိုးရဝန်ထမ်းသမဂ္ဂအများအပြားက တရားစွဲမှုများ လုပ်ဆောင်ထားသော်လည်း ဖက်ဒရယ်တရားရုံးများက ထုတ်ပယ်မှုများကို ခွင့်ပြုထားကြောင်း သိရသည်။
လွှတ်တော် ဘဏ္ဍာငွေခွဲဝေမှုကော်မတီ မှ ထိပ်တန်းဒီမိုကရက်အမတ်ဖြစ်သူ ပက်တီမာရေးကမူ ဖက်ဒရယ်ဝန် ထမ်းများ ထပ်မံထုတ်ပယ်ရန် လုပ်ဆောင်ခြင်းမှာ လိပ် ခဲတည်းလည်း အခြေအနေကို အဆုံးသတ်ရန် အထောက် အကူဖြစ်မည် မဟုတ်ကြောင်း ပြောကြားသည်။
“ လူအမြောက်အမြားကို သမ္မတက ထုတ်ပယ်ခဲ့ရင် ဒါဟာ အစိုးရရပ်ဆိုင်းမှုကြောင့် မဟုတ်ဘဲ ထုတ်ပယ်ဖို့ကို သူဆုံးဖြတ်လိုက်တာကြောင့် ဖြစ်ပါလိမ့်မယ်။ လူတွေက အပေးအယူ တန်ဆာပလာတွေ မဟုတ်ပါဘူး။ ဖက်ဒရယ်လုပ်သားတွေကို စစ်တုရင် နယ်ရုပ်လေးတွေလို သမ္မတက သဘောထားနေတာ စိတ်ပျက်ဖို့ ကောင်းပါတယ်။” ဟု အထက်လွှတ်တော်အမတ် မာရေးက လူမှုကွန်ရက်တွင် ရေးသားသည်။
၁၉၈၁ ခုနှစ်မှစ၍ (၁၅) ကြိမ်မြောက်ဖြစ်ပေါ်လာသော အမေရိကန်အစိုးရ လုပ်ငန်းများ ရပ်ဆိုင်းမှုနှင့်အတူ အစိုးရဝန်ကြီးဌာနများအတွက် အသုံးစရိတ် ရန်ပုံငွေ ၁ ဒသမ ၇ ထရီလီယံ ဆိုင်းငံ့ခံထားရပြီး ဖက်ဒရယ်ဝန်ထမ်း နှစ်သန်းခန့်၏ လစာများလည်း ဆိုင်းငံ့ ခံထားရကြောင်း သိရသည်။
၎င်းတို့အနက် ၇၅၀၀၀၀ ခန့်သည် အလုပ်မလုပ်ကြရန် အမိန့်ထုတ်ခံထားရသော်လည်း လက်နက်ကိုင် တပ် ဖွဲ့များနှင့် နယ်စပ် ကင်းလှည့် တပ်ဖွဲ့များမှာမူ လစာ မရလည်း အလုပ်လုပ်နေကြရသည်။
အစိုးရလုပ်ငန်းများ ရပ်ဆိုင်းနေမှုနှင့်ပတ်သက်၍ ထရန့်၏ အပေါင်းပါ ရီပတ်ဘလီကန်များကမူ ယခုအချိန်အထိ စိုးရိမ်မှု မပြသကြဘဲ အစိုးရဘဏ္ဍာငွေ ခွင့်ပြုပေးရမည့်တာဝန်ကို လွှတ်တော်က စွန့်လွှတ်ခဲ့ပါက ၎င်းတို့သင့်တော်သည်ဟု ထင်မြင်သည့်အတိုင်း အစိုးရအဖွဲ့က သုံးစွဲမှုများကို ဦးစားပေးသွားနိုင်ကြောင်း ပြောကြားကြသည်။
“လွှတ်တော်က ရန်ပုံငွေကို ရပ်တန့်လိုက်ချိန် ၊ ရန်ပုံငွေပြတ်လပ်သွားချိန်မှာ အဲဒီအရင်းအမြစ်တွေကို ဘယ်လိုသုံးစွဲသွားမလဲဆိုတာကို အမေရိကန်နိုင်ငံရဲ့ စစ်ဦးစီးချုပ် နဲ့ သမ္မတ က ဆုံးဖြတ်သွားနိုင်ပါတယ်။” ဟု အောက် လွှတ် တော်ဥက္ကဌ ရီပက်ဘလေကန်အမတ် မိုက်ဂျွန်ဆင် က သ တင်းထောက်များအား ပြောကြားသည်။
သတင်း-ရဲမင်း
ကိုးကား-Reuters
#နိုင်ငံတကာသတင်း
