ဂုတ်ထိပ်တံတားပြုပြင်ပြီး ရထားလမ်းပိုင်း ပြန်လည်ဖွင့်လှစ်ချိန် လုံခြုံရေးစနစ်တကျ ဆောင်ရွက်၍ ရထားများ လုံခြုံစွာပြေးဆွဲနိုင်ရေး ဆောင်ရွက်ရန် ယာယီသမ္မတ မှာကြား
အောက်တိုဘာ ၃
Watch
Homeဂုတ်ထိပ်တံတားပြုပြင်ပြီး ရထားလမ်းပိုင်း ပြန်လည်ဖွင့်လှစ်ချိန် လုံခြုံရေးစနစ်တကျ ဆောင်ရွက်၍ ရထားများ လုံခြုံစွာပြေးဆွဲနိုင်ရေး ဆောင်ရွက်ရန် ယာယီသမ္မတ မှာကြား
ပြည်တွင်းသတင်းသတင်း
ဂုတ်ထိပ်တံတားပြုပြင်ပြီး ရထားလမ်းပိုင်း ပြန်လည်ဖွင့်လှစ်ချိန် လုံခြုံရေးစနစ်တကျ ဆောင်ရွက်၍ ရထားများ လုံခြုံစွာပြေးဆွဲနိုင်ရေး ဆောင်ရွက်ရန် ယာယီသမ္မတ မှာကြား
admin
October 2, 2025
◾️ ပြင်ဦးလွင်-ဂုတ်ထိပ်-နောင်ပိန် ရထားလမ်းပိုင်း၌ ပြည်တွင်း/ပြည်ပခရီးသွားများကို ဆွဲဆောင်နိုင်သည့် ကျောက်မီးသွေးသုံး မီးရထားစက်ခေါင်းများ အသုံးပြုပြေးဆွဲနိုင်ရေး ဆောင်ရွက်ရန်ပါ မှာကြား
၂. ၁၀. ၂၀၂၅
Written by Nyein Kyaw
အကြမ်းဖက်သမားများကြောင့် ပျက်စီးခဲ့ရသည့် ဂုတ်ထိပ်တံတားပြုပြင်ပြီး ရထားလမ်းပိုင်း ပြန်လည်ဖွင့်လှစ်ချိန် လုံခြုံရေးစနစ်တကျ ဆောင်ရွက်၍ ရထားများ လုံခြုံစွာပြေးဆွဲနိုင်ရေး ဆောင်ရွက်ရန် မြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ယနေ့တွင် ပြင်ဦးလွင်ဘူတာကြီးသို့ သွားရောက်ကြည့်ရှု့စစ်ဆေးစဉ် မှာကြားခဲ့သည်။
အကြမ်းဖက်သောင်းကျန်းသူများ၏ မိုင်းခွဲဖျက်ဆီးမှုကြောင့် ထိခိုက်ပျက်စီးခဲ့ရသည့် ဂုတ်ထိပ်တံတားပြုပြင်ခြင်း လုပ်ငန်းများနှင့် တံတားလုံခြုံရေးအတွက် လိုအပ်သည်များကိုလည်း စနစ်တကျဖြင့် ဆောင်ရွက်သွားရန်လိုကြောင်း၊ အလားတူ ရထားလမ်းပိုင်းများအလိုက် ပြန်လည်ပြုပြင် ဆောင်ရွက်ခြင်းများ ဆောင်ရွက်ရာတွင်လည်း မီးရထားများ လုံခြုံချောမွေ့စွာဖြင့် ပြေးဆွဲနိုင်ရေး စနစ်တကျတွက်ချက်ဆောင်ရွက်ရန်လိုကြောင်း ယာယီသမ္မတက ပြောကြားသည်။
ရထားလမ်းအတွက်လိုအပ်သည့် ကျောက်များကိုလည်း သတ်မှတ်ချက်နှင့်အညီ ထည့်သွင်းဆောင်ရွက်ရန်လိုကြောင်း၊ ရထားလမ်းပိုင်းတစ်လျှောက်ရှိ တံတားများ၏ ကြံ့ခိုင်ရေးကိုလည်း ပြန်လည်စစ်ဆေးပြီး လိုအပ်သည့် ပြုပြင်ထိန်းသိမ်းခြင်းများကို ဆောင်ရွက်သွားရန်လိုကြောင်း၊ ရထားလမ်းပိုင်းပြန်လည် ဖွင့်လှစ်ချိန်တွင် ရထားများ အဆင်ပြေချောမွေ့စွာဖြင့် ပြေးဆွဲဆောင်ရွက်နိုင်ရေး ကြိုတင်ပြင်ဆင်ခြင်းလုပ်ငန်းများကို ဆောင်ရွက်သွားရန်လိုကြောင်း ယာယီသမ္မတက ပြောကြားသည်။
ပြင်ဦးလွင်-ဂုတ်ထိပ်-နောင်ပိန် ရထားလမ်းပိုင်း၌ ပြည်တွင်း/ပြည်ပခရီးသွားများကို ဆွဲဆောင်နိုင်သည့် ကျောက်မီးသွေးသုံးမီးရထားစက်ခေါင်းများ အသုံးပြု၍ ပြေးဆွဲနိုင်ရေး ဆောင်ရွက်သွားရန်လိုကြောင်း၊ ယခုကျရောက်မည့် သီတင်းကျွတ်ကာလ အများပြည်သူရုံးပိတ်ရက်များတွင် ရန်ကုန်- နေပြည်တော်-မန္တလေး လူစီးရထားများ ထပ်မံတိုးချဲ့ပြေးဆွဲသွားရန် လိုအပ်ကြောင်းနှင့် အခြားလိုအပ်သည်များကို ယာယီသမ္မတက လမ်းညွှန်မှာကြားသည်။
Credit - Myanmar Transparency News Agency
#centralnewsnaypyitaw
