ကနေဒါနိုင်ငံက အလက်ဇန္ဒား ဗာဗီလော့ဗ် (Alexander Bavilov) ရဲ့ မိဘတွေဖြစ်ကြတဲ့ အန်ဒရီဘက်ဇရူကော့ဗ် (Andrey Bezrukov) နဲ့ အယ်လီနာ ဗာဗီလိုဗာ (Elena Vavilova) တို့ဟာ ရုရှားနိုင်ငံက လျှို့ဝှက်ထောက်လှမ်းရေး KGB ရဲ့ သူလျှိုတွေဖြစ်ကြပါတယ်
သူတို့နှစ်ဦးဟာ "Illegals Program" လို့ခေါ်တဲ့ အစီအစဉ်ရဲ့ တစ်စိတ်တစ်ပိုင်းအဖြစ် လုပ်ကိုင်ခဲ့ကြပြီး ဒီအစီအစဉ်က သူလျှိုတွေကို နှစ်ပေါင်းများစွာကြာအောင် နိုင်ငံခြားမှာ အမေရိကန် ဒါမှမဟုတ် ကနေဒါနိုင်ငံသားအစစ်အမှန်ပုံစံမျိုး ဟန်ဆောင်နေထိုင်စေဖို့ လေ့ကျင့်ပေးခဲ့ခြင်း ဖြစ်ပါတယ်
ကနေဒါ နဲ့ အမေရိကန်ပြည်ထောင်စုတို့မှာ နေထိုင်စဉ် သူတို့ဟာ ဒေါ်နယ်လ်ဟိသ်ဖီးလ် (Donald Heathfield) နဲ့ ထရေးစီအန်း ဖော်လီ (Tracey Ann Foley) ဆိုတဲ့ အမည်ဝှက်တွေနဲ့ နေထိုင်ခဲ့ကြပါတယ် သူတို့ဟာ တီမိုသီ (Timothy - ၁၉၉၀) နဲ့ အလက်ဇန္ဒား (Alexander - ၁၉၉၄) ဆိုတဲ့ သားနှစ်ယောက်ကို ကနေဒါနိုင်ငံ တိုရွန်တိုမြို့မှာမွေးဖွားခဲ့ကြပါတယ်
ကလေးတွေဟာ ပုံမှန်ကနေဒါမိသားစုဝင်တွေဖြစ်တယ်ဆိုတာကိုသာ သိခဲ့ကြပြီး မိဘတွေကလည်း ရုရှားစကားပြောတာကို တစ်ခါမျှမကြားဖူးခဲ့ပါဘူး
၂၀၁၀ ပြည့်နှစ် အလက်ဇန္ဒား အသက် ၁၆ နှစ်အရွယ်မှာတော့ FBI ဟာ အမေရိကန်ပြည်ထောင်စုတစ်ဝန်းရှိ ရုရှားလျှို့ဝှက်သူလျှို ၁၀ ဦးကို စုပေါင်းဖမ်းဆီးခဲ့ရာ သူ့မိဘတွေလည်း ပါဝင်ခဲ့ပါတယ် ဘော့စတွန်အနီးရှိ သူတို့ရဲ့ နေအိမ်မှာ ဖမ်းဆီးခဲ့ခဲ့ပြီး အဲ့ဒီအချိန်မှ သူတို့ရဲ့အမည်ရင်းနဲ့ ရုရှားထောက်လှမ်းရေးမှ ဆိုတဲ့အဖြစ်မှန် ပေါ်ပေါက်ခဲ့ပါတယ်
ဖမ်းဆီးခံရပြီးနောက် သူ့ရဲ့မိဘတွေဟာ ပြစ်မှုတွေကို ဝန်ခံခဲ့ပြီး သူလျှိုဖလှယ်ရေး အစီအစဉ်အရ ရုရှားနိုင်ငံသို့ ပြန်ပို့ခဲ့ပါတယ် အဲ့ဒီအခါ အလက်ဇန္ဒား နဲ့ သူ့အစ်ကို တီမိုသီတို့ဟာ ကနေဒါမှာ မွေးဖွားခဲ့ခြင်းကြောင့် နိုင်ငံသားဖြစ်ခွင့်ရှိသင့်ပေမဲ့လည်း ကနေဒါအစိုးရက ၎င်းတို့ရဲ့ နိုင်ငံသားဖြစ်ခွင့်ကို လက်မခံခဲ့ပါဘူး
"ကနေဒါနိုင်ငံသားဥပဒေ" (Citizenship Act) အရ ကနေဒါမှာ မွေးဖွားသူတိုင်းဟာ နိုင်ငံသားဖြစ်ခွင့်ရရှိပေမဲ့လည်း "နိုင်ငံခြားအစိုးရရဲ့ သံတမန် ဒါမှမဟုတ် ဝန်ထမ်းတစ်ဦးရဲ့ကလေး" တွေအတွက် ချွင်းချက်ရှိပါတယ် ကနေဒါအစိုးရက သူ့မိဘတွေဟာ နိုင်ငံခြားအစိုးရရဲ့ဝန်ထမ်းတွေဖြစ်တဲ့အတွက် အဲ့ဒီချွင်းချက်အောက်မှာ အကျုံးဝင်တယ်လို့ အခိုင်အမာပြောဆိုခဲ့ပါတယ်
အဲ့လိုနဲ့ အလက်ဇန္ဒားဗာဗီလော့ဗ် ဟာ တရားရုံးမှာ ဆယ်နှစ်နီးပါးကြာအောင် နိုင်ငံသားဖြစ်ခွင့်အတွက် တိုက်ပွဲဝင်ခဲ့ရပါတယ် ၂၀၁၉ ခုနှစ်၊ ဒီဇင်ဘာလမှာတော့ ကနေဒါတရားရုံးချုပ်က အဆိုပါ ချွင်းချက်ဟာ သံတမန်ဆိုင်ရာ အထူးအခွင့်အရေးတွေနဲ့ ကင်းလွတ်ခွင့်တွေ ရရှိထားတဲ့ နိုင်ငံခြားအစိုးရ ဝန်ထမ်းတွေရဲ့ သားသမီးများအတွက်သာ အကျုံးဝင်တယ်ဆိုပြီး ဆုံးဖြတ်ခဲ့ပါတယ်
သူလျှိုတွေဖြစ်ကြတဲ့ သူ့မိဘတွေဟာ လျှို့ဝှက်စွာနေထိုင်ခဲ့ကြပြီး မည်သည့်သံတမန်အခွင့်အရေးမှ မရှိခဲ့တာကြောင့် အဲ့ဒီချွင်းချက်နဲ့ မသက်ဆိုင်ကြောင်း တရားရုံးချုပ်က သတ်မှတ်ခဲ့ပါတယ် ရလဒ်အနေနဲ့ တရားရုံးချုပ်က အလက်ဇန္ဒားဗာဗီလော့ဗ်ကို ကနေဒါနိုင်ငံသားဖြစ်ခွင့် တရားဝင်ကြောင်းအတည်ပြု ဆုံးဖြတ်ခဲ့ပါတယ်
#knowledge #ဗဟုသုတ #facts #whatthefacts