Upgrade your To-Do List 📝📌
တနေ့တာမှာ ဘာလုပ်မယ်ဆိုတဲ့ To-Do List ရေးလေ့ရှိတဲ့သူဆိုရင်တော့ အခုပြောပြမယ့် နည်းလမ်းလေးနဲ့ ကိုယ့်ရဲ့ To-Do List ရေးတဲ့ ပုံစံကို Update လုပ်လို့ရပါတယ်။
ဒါကတော့ Ivy Lee Method လို့ခေါ်ပါတယ်။
အခုမှ အသစ်ပေါ်လာတာမဟုတ်ဘဲ 1918 လောက်ထဲက ရှိနေတဲ့ နည်းလမ်းတစ်ခုဖြစ်သလို အခုထိလည်း Productivity အတွက် သုံးလေ့ရှိတဲ့ နည်းလမ်းအဖြစ်ရှိနေပါသေးတယ်။
Ivy Lee Method ကို သုံးမယ်ဆိုရင်တော့ အခုပြောပြမယ့် နည်းလမ်းလေးတွေအတိုင်း အသုံးပြုလို့ရပါတယ်။
1️⃣ ညမအိပ်ခင်မှာ နောက်ရက်ကျရင် လုပ်မယ့် အလုပ် ၆ ခုကို သတ်မှတ်ပါ။
ဘာလို့ ညမအိပ်ခင် နောက်ရက်လုပ်မယ့်အလုပ်တွေကို စီစဉ်ထားရတာလဲ ဆိုတာလေး ပြောပြချင်ပါတယ်။
ကျွန်တော်တို့ရဲ့ Energy ကို ကုန်စေတဲ့ Decision Fatigue ဆိုတာရှိပါတယ်။ ဟိုဟာလုပ်ရမလိုလို ဒီဟာလုပ်ရမလိုလို ဒွိဟဖြစ်နေတဲ့စိတ်ပေါ့။
ကိုယ့်ရဲ့ တနေ့တာမှာ Energy အရှိဆုံး မနက်တာမှာ To-Do List ရေးပြီး Energy ကုန်သွားတာမျိုးမဖြစ်အောင် ညဖက် နားတဲ့အချိန်မှ ရေးတာက ပိုပြီး အဆင်ပြေပါတယ်။
2️⃣ ပြီးရင် ကိုယ်လုပ်မယ့်အလုပ် ၆ ခုရဲ့ အရေးကြီးမှုအပေါ်မူတည်ပြီး အစဉ်လိုက် ပြန်သတ်မှတ်ပါ။
အလုပ်တွေလုပ်တဲ့အခါ ကိုယ့်အတွက် High-Value Task တစ်ခုကို ပြီးမြောက်သွားတာက ကိုယ့်အတွက် သိပ်အရေးမကြီးတဲ့ အလုပ်တွေအများကြီးကို ပြီးသွားတာထက် ပိုသာပါတယ်။
3️⃣ တစ်နေ့တာ စတင်ပြီဆိုတာနဲ့ ကိုယ်လုပ်ရမယ့် ပထမဆုံးအလုပ်တစ်ခုတည်းကိုပဲ အာရုံစိုက်လုပ်ပါ။ ပြီးတဲ့ထိလုပ်ပါ။ ပြီးမှ ဒုတိယ အလုပ်ကို ဆက်လုပ်ပါ။
တစ်ခုဆို တစ်ခု ပြီးအောင်လုပ်တာက နောက်ထပ်အလုပ်တွေထက်လုပ်ဖို့အတွက် Motivation ရစေပါတယ်။
4️⃣ အကယ်၍ ဒီနေ့မှာ လုပ်ရမယ့် အလုပ် ၆ ခုလုံးမပြီးရင် ကျန်နေတဲ့ အလုပ်ကို နောက်တစ်ရက်ရဲ့ List ထဲမှာ ထည့်ရပါမယ်။
အလုပ်တွေပြီးတဲ့နေ့ရက်တွေ ရှိသလို တစ်ခါတလေ အကြောင်းကိစ္စတစ်ခုခု ပေါ်လာတာကြောင့် အကုန်လုံးမပြီးတဲ့နေ့ရက်တွေဆိုတာလည်း ရှိမှာပါပဲ။ အဲ့အခါမှာ အလုပ်မပြီးလို့ဆိုပြီး ကိုယ့်ကိုယ်ကိုယ် အပြစ်တင်မယ့်အစား နောက်ရက်လုပ်မယ့် List ထဲမှာ ထည့်ပြီး လုပ်နိုင်ပါတယ်။
ဒီလိုပုံစံမျိုးနဲ့ တစ်ရက်တာမှာ လုပ်ဖို့ သတ်မှတ်ထားတဲ့ အလုပ်တွေကို စီမံလို့ရပါတယ်။
ဒါကြောင့်မလို့ To-Do List ရေးလေ့ရှိတဲ့သူတွေအတွက် ဒီနည်းလမ်းလေးကို သုံးကြည့်ဖို့အတွက် ပြန်လည် မျှဝေလိုက်ခြင်းပဲဖြစ်ပါတယ်။
ဒီနေ့ ဖတ်လိုက်တယ်ဆို နောက်ရက်ကို Ivy Lee Method နဲ့ To-Do List ရေးကြည့်ပါ။ ပြီးရင် အတွေ့အကြုံကိုလည်း Comment မှာ ပြန်လည် မျှဝေပေးပါဦး။
နောက်ထပ် Content တွေမှာ ထပ်တွေ့ကြပါမယ်။
သာယာကောင်းမွန်တဲ့ နေ့ရက်လေး ဖြစ်ပါစေ။
🌐 Facebook Community Group
https://www.facebook.com/group....s/6970714666378515/?
🌐 Content Creators Group
https://www.facebook.com/group....s/contentcreatorsinm
🌐 Telegram Channel
https://t.me/itsmeyeswanaung04
🌐 Personal Facebook Account
https://www.facebook.com/yeswan.aung.79/
It’s me, Ye Swan Aung
“Your Productivity Partner”
#itsmeyeswanaung
#productivity
#ivyleemethod

Credit