ဖုမ္မသိမ်ရွက်ဟာ သွေးကြောမျှင်လေးတွေပေါက်ပြဲတာ၊ လေဖြတ်တာ၊ ခန္ဓာကိုယ်တစ်ခြမ်းသေတာတွေကို ကာကွယ်ပေးနိုင်ပါတယ်။ ခွန်အားဖြည့်ပေးပြီး သွေးလည်ပတ်မှုကောင်းစေတဲ့အပြင် သွေးကိုလဲ မပျစ်စေပါဘူး။ ခန္ဓာကိုယ်ဖူးယောင်တာ၊ ဒဏ်ရာရောင်ရမ်းတာ၊ အရိုးနဲ့ အဆစ်အမြစ်နာတာတွေ၊ ခေါင်းကိုက်တာတွေကိုလည်း သက်သာစေပါတယ်။ ပန်းနာရင်ကျပ်သမားတွေနဲ့လည်း သင့်တော်ပါတယ်။
ဖုမ္မသိမ်ရွက်ကို ပါးပါးလှီးပြီး နေရိပ်ထဲမှာ အခြောက်ခံပါ။ မှိုမတက်အောင် သတိထားပါ။ ပြီးရင် လက်တစ်ဆုပ်စာကို ရေနွေးတစ်ခွက်စာနဲ့ ရောပြီး လက်ဖက်ရည်ကြမ်းလို ဖျော်သောက်ပါ။ မနက်တစ်ကြိမ် ညတစ်ကြိမ် ပုံမှန်သောက်ပေးပါ။ ခေါင်းမူး၊ ခေါင်းကိုက်ပြီး မျက်လုံးပြာတာမျိုးဖြစ်ရင်လည်း ရေနွေးနဲ့ဖျော်ပြီး ချက်ချင်းသောက်ပေးနိုင်ပါတယ်။
ဒါမှမဟုတ်ရင် ဖုမ္မသိမ်ရွက် ၁၀ ဂရမ်ကို ရေ ၁.၅ လီတာနဲ့ ၁၅ မိနစ်ကြာအောင် တည်ပြီး သောက်လို့လည်းရပါတယ်။ မနက်တစ်ကြိမ်၊ ညတစ်ကြိမ် သောက်ပေးပါ။ လေဖြတ်ထားတဲ့သူတွေဆိုရင် ရက် ၃၀ ဆက်တိုက်သောက်ပြီး ၇ ရက်နားပေးရင် ရောဂါလက္ခဏာတွေ တဖြည်းဖြည်း သက်သာလာပါလိမ့်မယ်။
