ဟူစတန်မြို့က ၉၁၁ အရေးပေါ်ဖုန်းခေါ်ဆိုဌာနရဲ့ တာဝန်ခံဟောင်းတစ်ဦးဖြစ်သူ Crenshanda Williams ဟာ အရေးပေါ်ဖုန်းခေါ်ဆိုမှု ထောင်ပေါင်းများစွာကို တမင်ဖုန်းချခဲ့တဲ့အတွက် ပြစ်ဒဏ်ချမှတ်ခဲ့ရပါတယ်
Crenshanda Williams ဟာ ဟူစတန်မြို့ ၉၁၁ စင်တာမှာ အလုပ်လုပ်ခဲ့သူဖြစ်ပြီး ၂၀၁၄ အောက်တိုဘာကနေ ၂၀၁၆ ခုနှစ် မတ်လအတွင်းမှာ ဖုန်းခေါ်ဆိုမှုတွေကို လက်ခံဖြေကြားခြင်းမပြုဘဲ တမင်ချခဲ့တယ်လို့ စွပ်စွဲခံခဲ့ရပါတယ် စုံစမ်းစစ်ဆေးမှုတွေအရ သူမဟာ အဲဒီကာလအတွင်းမှာ အရေးပေါ်ဖုန်းခေါ်ဆိုမှုပေါင်း ၂,၀၀၀ ကျော်ကို ချခဲ့တယ်လို့ တွေ့ရှိခဲ့ပါတယ်
ဒီအဖြစ်အပျက်တွေထဲမှာ အသက်အန္တရာယ်ရှိတဲ့ အခြေအနေတွေလည်း ပါဝင်ပါတယ် အဲ့ဒီထဲမှာ ဓားပြတိုက်ခံရတဲ့ စတိုးဆိုင်မန်နေဂျာတစ်ဦးက ဖုန်းခေါ်ဆိုခဲ့ပေမယ့် သူမက ဖုန်းချခဲ့ပါတယ် နောက်ပြီးကားကို ဓားပြတိုက်ခံရတဲ့ အမျိုးသားတစ်ဦးက ဖုန်းခေါ်ဆိုတဲ့အခါ "စိတ်မပူပါနဲ့ တခြားနေရာတွေမှာ အရေးပေါ်အခြေအနေတွေရှိနေပါတယ်" လို့ ပြောပြီး ဖုန်းချခဲ့ပါတယ် ဒါတင်မကသေးဘဲ အလွန်အရေးကြီးတဲ့ ဆေးဘက်ဆိုင်ရာ အရေးပေါ်အခြေအနေတွေနဲ့ ပတ်သက်တဲ့ ဖုန်းခေါ်ဆိုမှုတွေကိုလည်း ချခဲ့တယ်လို့ သိရပါတယ်
တရားရုံးမှာတော့ Williams က ဒီလိုလုပ်ရတာဟာ အလုပ်လုပ်ရတာ စိတ်မပါလို့ ပင်ပန်းလို့ နဲ့ စောစောအလုပ်သိမ်းချင်လို့ လုပ်ခဲ့တာဖြစ်ကြောင်း ဝန်ခံခဲ့ပါတယ်
ဒီလုပ်ရပ်တွေကြောင့် လူမှုအသိုင်းအဝိုင်းက အလွန်အမင်း တုန်လှုပ်ခဲ့ရပြီး အရေးပေါ်စနစ်အပေါ် ယုံကြည်မှုလည်း ကျဆင်းခဲ့ပါတယ် ၂၀၁၇ ခုနှစ်မှာ အများပြည်သူဆိုင်ရာဝန်ဆောင်မှုကို အကျိုးမဲ့အသုံးချမှုနဲ့ ပြစ်မှုထင်ရှားပြီး Williams ကို ထောင်ဒဏ် ၁၀ ရက် ချမှတ်ခံခဲ့ရပါတယ် ဒါ့အပြင် စောင့်ကြည့်မှုအောက်မှာ အသက် ၅၄ နှစ်အထိ နေထိုင်ရမယ်လို့လည်း အမိန့်ချမှတ်ခဲ့ပါတယ်
#knowledge #ဗဟုသုတ #facts #whatthefacts