အသက် ၄၀ ပြည့်မွေးနေ့မတိုင်ခင် ၂ ရက်မှာ ဒေါ်လာ ၆ သိန်းကျော် ထီဆုကြီးပေါက်ခဲ့သူ
မြောက်ကယ်ရိုလိုင်းနားပြည်နယ်က အမျိုးသမီးတစ်ဦးဟာ သူ့အသက် ၄၀ ပြည့်မွေးနေ့မတိုင်ခင် ၂ ရက်လောက်မှာ အထူးမွေးနေ့လက်ဆောင်ကြီး ရခဲ့ပါတယ်။ ချဲလ်ဆီး ကာတာဆိုတဲ့ အဲ့ဒီအမျိုးသမီးက ဒေါ်လာ ၆ သိန်းကျော် (၆၂၆၅၄၃) ထီဆုကြီးပေါက်ခဲ့တာပါ။
အိမ်သန့်ရှင်းရေးအလုပ်လုပ်တဲ့ ချဲလ်ဆီးဟာ စက်တင်ဘာ ၉ ရက်နေ့က Monopoly Digitial Instants Game ကနေ ထီဆုကြီးပိုင်ဆိုင်ခဲ့ရတာပါ။ သူ့ရဲ့အသက် ၄၀ ပြည့်မွေးနေ့ စက်တင်ဘာ ၁၂ ရက်နေ့ကျမှ ထီဆုကြီးကို သွားထုတ်ခဲ့ပါတယ်။
သူ အခုလို ထီဆုကြီးပေါက်တာနဲ့ပတ်သက်ပြီး ဒါက အရမ်းဆန်းကြယ်လို့ ငိုခဲ့တယ်၊ ရယ်ခဲ့တယ်လို့ ဆိုပါတယ်။ သူဟာ ထီဆုကြီးကံစမ်းနိုင်ဖို့အတွက် ဒေါ်လာ ၁၀ ပဲ ကုန်ခဲ့တာပါ။ သူ ထီဆုကြီးပေါက်တာကို မနက် ၂ နာရီမှာ သိတော့ သူ့ခင်ပွန်းကို နိုးပြီးပြောခဲ့ပါတယ်။ သူ့ခင်ပွန်းဟာ အစပိုင်းမှာတော့ ဒါကို မယုံကြည်ခဲ့ဘူး။ ရယ်ပြီးတော့ ပြန်အိပ်သွားတယ်လို့ သူက ပြောပြပါတယ်။
ချဲလ်ဆီးက သူ့မွေးနေ့မှာ ထီရုံးချုပ်ကို သွားပြီး ထီဆုကြေးငွေ ဒေါ်လာ ၄၄၉၅၄၈ ( အခွန်ဆောင်ပြီးဆုငွေ) ကို ထုတ်ယူခဲ့ပါတယ်။ ဒါက သူ့ဘဝမှာ အကောင်းဆုံးမွေးနေ့လက်ဆောင်ဖြစ်ပြီး ဒီလိုဖြစ်လာရင်တော့ နှစ်တိုင်း အသက် ၄၀ ပဲပြည့်ချင်တယ်လို့ သူက ပြောပါတယ်။ ဒီဆုငွေတချို့ကို ရင်းနှီးမြှုပ်နှံမယ့်အပြင် သူ့ကလေး ၃ ယောက်အတွက် မြေဝယ်ပြီး ဘေးကင်းလုံခြုံတဲ့အရိပ်မြုံလေးဖန်တီးပေးဖို့လည်း စီစဉ်ထားပါတယ်။
Ref: Woman Wins $626K Lottery Prize Days Before 40th Birthday, but Husband Didn’t Believe Her at First